დადგინდა, რამდენად იხსნის სიცოცხლეს კოლონოსკოპია
კოლონოსკოპიის შესახებ, მსხვილი და სწორი ნაწლავის კიბოს დროს ცნობილი იყო, რომ ადრეული დიაგნოსტირებით ამ კიბოებით გამოწვეული სიკვდილიანობის მაჩვენებლებს (მორტალობას) მნიშვნელოვნად ამცირებდა. თუმცა ამ საკითხზე ჩატარებული ახალი და ყველაზე მასშტაბური შემთხვევა-კონტროლის კვლევის შედეგები კოლონოსკოპიის მიერ მსხვილი ნაწლავის კიბოებით გამოწვეული მორტალობის “რამდენად” შემცირებასაც აჩვენებს.
ბევრი ექიმი თანხმდება, რომ კოლონოსკოპია ხშირად სიცოცხლის გადამრჩენ როლს ასრულებს. შეფასებით, მხოლოდ აშშ-ში წელიწადში დაახლოებით 14 მილიონი ადამიანი იკეთებს კოლონოსკოპიას. აშშ-ში კიბოს სკრინინგის მეთოდად კოლონოსკოპიის გამომყენებელი პაციენტების მაჩვენებელი 2001-ში % 8 იყო, 2007-ის შემდეგ კი % 32-ს გადააჭარბა.
შენიშვნა: მსხვილი ნაწლავის კიბოს ადრეული დიაგნოსტიკისთვის სკრინინგული კოლონოსკოპია როგორც ქალებისთვის, ისე მამაკაცებისთვის რეკომენდებულია 50 წლიდან ყოველ 10 წელიწადში.
ასევე, კვლავ არსებობს კითხვები, არის თუ არა კოლონოსკოპია უფრო ეფექტიანი სკრინინგული საშუალება, ვიდრე კოლორექტალური კიბოს სხვა სკრინინგული ტესტები, როგორიცაა განავლის ტესტები.
თუ ჯანდაცვას უფრო ფართო თვალსაწიერიდან შევხედავთ, ეს საკითხი მხოლოდ კოლონოსკოპიის ეფექტიანობის შედარებით არ შემოიფარგლება; უნდა გავითვალისწინოთ ხარჯი, ხარჯთეფექტიანობა, რესურსების ხელმისაწვდომობა და განაწილება.
ასევე მიმდინარეობს ოთხი რანდომიზებული კონტროლირებადი კვლევა, რომლებიც განავალში მსხვილი ნაწლავის კიბოს ბიოლოგიური მარკერების სკრინინგის პრინციპზე დაფუძნებულ მიდგომებს კოლონოსკოპიაზე დაფუძნებულ სკრინინგს ადარებს.
ჩვენი სტატიის საგნის, კვლევის დეტალები
კვლევაში, 1 იანვარ 2002-სა და 31 დეკემბერ 2008-ს შორის, გამოვლინდა კოლორექტალური კიბოგადატანილი 4964 პაციენტი. საკონტროლო ჯგუფში დაახლოებით 4-ჯერ მეტი (19856) ჯანმრთელი ადამიანი შეიყვანეს. მონაწილეთა მედიანური ასაკი 71.7 იყო.
კვლევის შედეგები:
- კიბოს მქონე პაციენტებს საკონტროლო ჯგუფთან შედარებით ნაკლებად ჰქონდათ ჩატარებული კოლონოსკოპია (%13.5 შედარებით %26.4-თან).
- კიბოს მქონე პაციენტებში კოლონოსკოპიასა და კიბოს დიაგნოზს შორის მედიანური დრო 43.5 თვე იყო.
- კვლევის ყველაზე მნიშვნელოვანი შედეგი იყო, რომ კოლონოსკოპია მარცხენა კოლონის კიბოთი გამოწვეულ სიკვდილიანობას %72-ით, ხოლო მარჯვენა კოლონის კიბოთი გამოწვეულ სიკვდილიანობას %46-ით ამცირებს.
რისკის მნიშვნელოვანი შემცირება
ეს მონაცემები კიდევ ერთხელ აჩვენებს კოლონოსკოპიის მნიშვნელობას მსხვილი ნაწლავის კიბოს რისკის შემცირებაში. ამასთან, მკვლევრები მიუთითებენ მაღალი დონის ადენომის (პოლიპის) გამოვლენით განსაზღვრულ კვალიფიციური ენდოსკოპისტის მნიშვნელობას.
აშშ-ში ჩატარებულმა სხვა კვლევამ აჩვენა, რომ ადენომების გამოვლენის ყოველი % 1-ით ზრდისას, კოლორექტალური კიბოს სიხშირე %3-ით მცირდება.
შედეგად კოლონოსკოპიის, როგორც კიბოს სკრინინგის მეთოდის, გავრცელებასთან ერთად მცირდება როგორც ერთ-ერთი ყველაზე გავრცელებული კიბოს, კოლორექტალური კიბოების სიხშირე, ისე მათით გამოწვეული სიკვდილიანობის მაჩვენებლები.
წყაროები
Colonoscopy and Colorectal Cancer Mortality in the Veterans Affairs Health Care System: A Case–Control Study.
Annals of Internal Medicine, 13 March 2018
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.