ხმელთაშუაზღვის დიეტამ შეიძლება ასაკთან დაკავშირებული ტვინის შემცირება შეანელოს

დადგინდა, რომ ხმელთაშუაზღვის დიეტის მიმდევარ 70 წლისა და უფროს ადამიანებში ტვინის ასაკობრივი შემცირება შენელდა.

ხმელთაშუაზღვის დიეტა ეფუძნება ზეითუნის ზეთს, მთლიანი მარცვლის პურსა და გადაუმუშავებელ ყველს. ამ საკვებთან ერთად მასში ჭარბობს მარცვლეული, პარკოსნები, ახალი ბოსტნეული და ხილი, აგრეთვე თხილეული.

ხმელთაშუაზღვის დიეტა შესახებ წინა სტატიებიდანაც შეიძლება გახსოვდეთ: მიიჩნევა, რომ ამ ტიპის კვება ამცირებს ზოგი ქრონიკული დაავადების, მაგალითად დიაბეტის, კიბოსა და სიმსუქნის რისკს და შეიძლება დაბერების ტემპიც შეანელოს. ამის დამადასტურებელი მონაცემები დღითიდღე მატულობს.

შეიძლება დაგაინტერესოთ:

• მსოფლიოს საუკეთესო დიეტებისა და კვების პროგრამების სია

კვლევა

იანვარში, 2017 წელს Neurology სახელწოდების სამედიცინო და სამეცნიერო ჟურნალში გამოქვეყნებულ კვლევაში გამოვლინდა, რომ ხმელთაშუაზღვის ტიპის კვება ტვინის მოცულობის ასაკობრივ შემცირებას ამცირებს.

კვლევაში შეისწავლეს დემენციის ნიშნების არმქონე, 70-იან წლებში მყოფი 967 ადამიანის კვების ჩვევები.

კითხვარებით შეაფასეს, რამდენად ახლოს იყო მონაწილეთა კვება ხმელთაშუაზღვის დიეტასთან. სამწლიანი კვლევის დასაწყისსა და დასასრულს ჩაუტარდათ MR (მაგნიტურ-რეზონანსული გამოსახულება), რომლითაც ტვინის მოცულობა და ცერებრული ქერქის (ტვინის ყველაზე გარეთა შრის) სისქე გაზომეს.

შედეგად გამოვლინდა, რომ ხმელთაშუაზღვის სამზარეულოს მიმდევარ ადამიანებში სამი წლის განმავლობაში ტვინის მოცულობის დანაკარგი ამ დიეტის არმიმდევრებთან შედარებით განახევრებული იყო.

ამრიგად, კვლევა ძალიან ღირებულია, რადგან აჩვენებს, რომ მცირე ულუფებსა და ბოსტნეულზე დაფუძნებული ხმელთაშუაზღვის კვება გულის ჯანმრთელობაზე, დიაბეტსა და კიბოზე დადებითი გავლენის გარდა ტვინის ასაკობრივ შემცირებასაც ამცირებს.