ოლაპარიბმა FDA-ის ნებართვა მიიღო ძუძუს ადრეული კიბოს ოპერაციის შემდგომი ადიუვანტური მკურნალობისთვის

პათოგენური (მავნე) ან სავარაუდოდ პათოგენური ჩანასახოვანი ხაზის (მემკვიდრეობითი) BRCA მუტაციის (gBRCAm) მქონე, ადამიანის ეპიდერმული ზრდის ფაქტორის რეცეპტორის 2 (HER2) მიმართ უარყოფითი, ნეოადიუვანტური ან ადიუვანტური ქიმიოთერაპიით ნამკურნალევი, ძუძუს მაღალი რისკის კიბოს მქონე პაციენტების ოპერაციის შემდგომი ადიუვანტური (დამცავი) მკურნალობისთვის პრეპარატმა ოლაპარიბმა (Lynparza, AstraZeneca) FDA-ის ნებართვა 2022 წლის 11 მარტს მიიღო.

ოლაპარიბი ახალი თაობის ონკოლოგიური პრეპარატების ერთ-ერთი წარმომადგენელია და PARP ინჰიბიტორების კლასს მიეკუთვნება. პირველი FDA-ის ნებართვა მან 2017 წელს საკვერცხის კიბოს დროს მიიღო. შემდეგ, 2018 წელს, ნებართვა მიიღო მე-4 სტადიის, მემკვიდრეობითი BRCA მუტაციის მიმართ დადებითი ძუძუს კიბოს დროს. ამის შემდეგ FDA-ის ნებართვა მიიღო 2018 წელს BRCA-მუტანტური საკვერცხის კიბოს პირველი ხაზის შემანარჩუნებელი მკურნალობისთვის, 2019 წელს BRCA-მუტანტური პანკრეასის მეტასტაზური კიბოს პირველი ხაზის შემანარჩუნებელი მკურნალობისთვის, 2020 წელს ბევაციზუმაბთან ერთად HRD-დადებითი შორს წასული საკვერცხის კიბოს პირველი ხაზის შემანარჩუნებელი მკურნალობისთვის და იმავე 2020 წელს HRR გენის მუტაციის მქონე, კასტრაციისადმი რეზისტენტული პროსტატის მეტასტაზური კიბოსთვის.

2022 წლის დეკემბრის განახლება: უფრო ხანგრძლივი, 3,5-წლიანი დაკვირვებით ადიუვანტურმა ოლაპარიბმა საერთო გადარჩენის სარგებელიც აჩვენა (4-წლიანი საერთო გადარჩენა 90 პროცენტი 86 პროცენტის წინააღმდეგ). ამ მონაცემებზე დაყრდნობით, BRCA-ს მატარებლებს, რომლებსაც აქვთ HER2-უარყოფითი ძუძუს ადრეული კიბო და OlympiA-ს კვლევის მაღალი რისკის კრიტერიუმებს აკმაყოფილებენ, ვურჩევთ ერთი წლის განმავლობაში ადიუვანტური ოლაპარიბის პირით მიღებას დღეში ორჯერ.

მაღალი რისკის კრიტერიუმები OlympiA-ს კვლევის მიხედვით

pTY: პათოლოგიური სრული პასუხი.

FDA-ის ნებართვა OlympiA-ს კვლევის საფუძველზე

FDA-ის ნებართვა ეფუძნება OlympiA-ს — საერთაშორისო, რანდომიზებულ (1:1), ორმაგად ბრმა, პლაცებოკონტროლირებულ კვლევას, რომელშიც მონაწილეობდა gBRCAm HER2-უარყოფითი, ძუძუს მაღალი რისკის ადრეული კიბოს მქონე 1836 პაციენტი, რომლებმაც რეგიონული მკურნალობა (ნეოადიუვანტური ან ადიუვანტური ქიმიოთერაპია) დაასრულეს.

პაციენტები რანდომიზებულად იღებდნენ ოლაპარიბის ტაბლეტებს პირით დღეში ორჯერ 300 mg დოზით 1 წლის განმავლობაში ან პლაცებოს.

პაციენტებს უნდა დაესრულებინათ ნეოადიუვანტური ან ადიუვანტური ქიმიოთერაპიის სულ მცირე 6 ციკლი, რომელიც ანტრაციკლინებს, ტაქსანებს ან ორივეს მოიცავდა.

ძუძუს ჰორმონული რეცეპტორების მიმართ დადებითი კიბოს მქონე პაციენტებს ადგილობრივი სახელმძღვანელოების მიხედვით ენდოკრინული მკურნალობის ერთდროულად გაგრძელების უფლება ჰქონდათ.

კვლევის ეფექტიანობის მთავარი საბოლოო მაჩვენებელი იყო კვლევის დაწყებიდან პირველ რეციდივამდე (კიბოს განმეორებამდე) გასული დროით განსაზღვრული დაავადების გარეშე გადარჩენაა.

პირველი რეციდივი განისაზღვრა როგორც ლოკალურ-რეგიონული განმეორება, შორეული მეტასტაზი, მეორე ძუძუს კიბო, ახალი კიბო ან ნებისმიერი მიზეზით გარდაცვალება.

შედეგები

• დაავადების გარეშე გადარჩენისთვის ოლაპარიბის ჯგუფში 106 მოვლენა (12%), ხოლო პლაცებოს ჯგუფში 178 მოვლენა (20%) დაფიქსირდა (HR 0,58; 95% სანდოობის ინტერვალი: 0,46, 0,74; p<0,0001).
• მე-3 წელს დაავადების გარეშე გადარჩენა ოლაპარიბის მიმღებ პაციენტებში 86% (95% სანდოობის ინტერვალი: 82,8, 88,4), ხოლო პლაცებოს მიმღებებში 77% (95% სანდოობის ინტერვალი: 73,7, 80,1) იყო.
• ეფექტიანობის დამატებითი საბოლოო მაჩვენებელი საერთო გადარჩენა იყო. ოლაპარიბის ჯგუფში 75 გარდაცვალება (8%), ხოლო პლაცებოს ჯგუფში 109 გარდაცვალება (12%) დაფიქსირდა (HR 0,68; 95% სანდოობის ინტერვალი: 0,50, 0,91; p=0,0091).

OlympiA-ს კვლევაში ყველაზე ხშირი (≥10%) გვერდითი მოვლენები იყო გულისრევა, დაღლილობა (ასთენიის ჩათვლით), ანემია, ღებინება, თავის ტკივილი, დიარეა, ლეიკოპენია, ნეიტროპენია, მადის დაქვეითება, გემოს აღქმის დარღვევა, თავბრუსხვევა და სტომატიტი.

ოლაპარიბის რეკომენდებული დოზაა 300 mg, პირით დღეში ორჯერ, საკვებთან ერთად ან მის გარეშე, ერთ წლამდე ხანგრძლივობით.