შემაშფოთებელია კიბოს გამომწვევად მიჩნეული გამოგონილი მიზეზების რწმენის გავრცელება
კიბოს გამომწვევ გამოგონილ რისკფაქტორებსა და კარცინოგენებთანდაკავშირებული ცნობები საზოგადოებაში სულ უფრო ვრცელდება. კიბოზე მცდარი რწმენებისა და ურბანული მითების გავრცელება არა მხოლოდ ჩვენი ქვეყნის, არამედ მთელი მსოფლიოს მზარდი პრობლემაა. ბრიტანულ საზოგადოებაში კიბოს რეალური და მცდარი მიზეზების ცოდნის დასადგენი გამოკითხვის შედეგები25 აპრილს2018 წელს European Journal of Cancer ჟურნალში გამოქვეყნდა. შედეგები გასაოცარიცაა და შემაშფოთებელიც.
პლასტმასის ბოთლიდან დალევა ან მიკროტალღური ღუმლის გამოყენება კიბოს გამოგონილ/მცდარ მიზეზებს მიეკუთვნება. ხოლო თამბაქოს მოწევა, ჭარბი წონა და სიმსუქნე და მზის UV სხივების ჭარბი ზემოქმედება ყველაზე მნიშვნელოვანი პრევენცირებადი მიზეზებია. ინგლისში1,330 ადამიანზე ჩატარებულ გამოკითხვაში უმეტესობამ სწორად იცოდა, რომ მოწევა კიბოს იწვევს.
ყოველი10 კიბოდან სულ მცირე4-ის თავიდან აცილება ცხოვრების წესის ცვლილებით შეიძლება და მარცვლის ბზისგან გასარჩევად სწორი ინფორმაციაა საჭირო.
ლონდონისა და Leeds-ის უნივერსიტეტების მკვლევართა კვლევაში მონაწილეთა%40-ზე მეტს სტრესისა და საკვები დანამატების კიბოს გამომწვევად მცდარი რწმენა ჰქონდა.
მონაწილეთა მესამედი მობილური ტელეფონის ელექტრომაგნიტური ტალღების (% 35) და გენმოდიფიცირებული საკვების (GMO) (% 34) კიბოს რისკფაქტორად მიიჩნევს.% 19 ფიქრობს, რომ მიკროტალღურ ღუმელში გამთბარი საკვები და%15 — პლასტმასის ბოთლიდან სასმელის მიღება კიბოს იწვევს, მიუხედავად მეცნიერული მტკიცებულებების არარსებობისა — მეტიც, საწინააღმდეგო მტკიცებულებებისა.
გამოკითხულთა% 88-მა თამბაქო კარცინოგენად (კიბოს გამომწვევად) მიიჩნია,%80-მა პასიური მოწევა, ხოლო%60-მა მზის დამწვრობა კიბოს რისკის გამზრდელად დაასახელა. ეს დადასტურებული სწორი ინფორმაციაა.
კიბოს მცდარი მიზეზების რწმენა არ ნიშნავს, რომ ადამიანები უფრო ჯანსაღად იცხოვრებენ. სამაგიეროდ, დადასტურებული მიზეზების უკეთ ცოდნამ შეიძლება რისკის გამზრდელი ქცევების, მაგალითად მოწევის, თავიდან აცილება უზრუნველყოს. ასევე ხელს უწყობს ჯანსაღ ჩვევებს, მაგალითად მეტი ხილისა და ბოსტნეულის მოხმარებას.
მცდარ მიზეზებზე ყურადღების გადატანა თავისთავად რისკფაქტორია, რომელიც ადამიანს ჯანსაღ ცხოვრებამდე მისვლაში შეიძლება უშლიდეს ხელს.
ამდენი ადამიანის რწმენა კიბოს დაუდასტურებელი მცდარი რისკფაქტორების მიმართ ძალზე შემაშფოთებელია. წინა კვლევებთან შედარებით ასეთი რწმენის მქონეთა რიცხვი იზრდება. ერთ-ერთი მიზეზია ტექნოლოგიით განვითარებული საკომუნიკაციო საშუალებები, როგორიცაა სოციალური მედია და ვებსაიტები.
დასკვნის სახით;
კიბოს თავიდან აცილების გარანტირებული ფორმულა არ არსებობს. თუმცა უმთავრესი რისკფაქტორების ცოდნით რისკის მინიმუმამდე შემცირება შესაძლებელია.
კიბოს ყველაზე გავრცელებულ გამოგონილ მიზეზებს შორისაა სტრესი, საკვები დანამატები და მობილური ტელეფონები. ანალიზით, კიბოს რეალური და გამოგონილი მიზეზების შესახებ წარმოდგენები ყველაზე ფართოდ ახალგაზრდებსა და მაღალი სოციალური სტატუსის მქონეებშია გავრცელებული. დადასტურებული მიზეზების გაცნობიერება კი ჯანსაღ ჩვევებს უკავშირდება, როგორიცაა თამბაქოს არმოხმარება და ხილ-ბოსტნეულის ჭამა.
კიბოს დადასტურებული და გამოგონილი მიზეზების შესახებ საზოგადოების ცნობიერება დაბალია. თუმცა ადამიანებს შორის გავრცელებული გამონათქვამები კიბოს პრევენციის ცოდნადაა გავრცელებული.
მოკლედ:
- ბრიტანელთა ნახევარმა არ იცის ან არ ეთანხმება, რომ ცხოვრების წესი კიბოს რისკფაქტორია.
- ძალზე გავრცელებულია რწმენა, რომ სტრესი, საკვები დანამატები და მობილურის ელექტრომაგნიტური ტალღები კიბოს იწვევს.
- კიბოს რეალურ მიზეზებზე ინფორმაციის წყარო ჯანსაღი ცხოვრების დამოკიდებულებასთან ასოცირდება.
დაკავშირებული თემა:
ვიდეო: რა არის კიბო? რატომ ჩნდება? როგორ ვითარდება?
წყაროები
Prevalence of beliefs about actual and mythical causes of cancer and their association with socio-demographic and health-related characteristics: Findings from a cross-sectional survey in England.
European Journal of Journal, April 25 2018.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.