გონიერება და ფული კიბოს მკურნალობაში სწორი გზის საპოვნელად შეიძლება საკმარისი არ იყოს!

კიბოს ალტერნატიული მკურნალობის ამრჩევი პაციენტები უფრო მდიდარი, გონიერი, ახალგაზრდა და ჯანმრთელები არიან — მაგრამ სიკვდილის რისკი უფრო მაღალი აქვთ

კვლევებში ვხედავთ, რომ დადასტურებული მკურნალობის ნაცვლად ალტერნატივის ამრჩევთა სიკვდილის რისკი ხუთჯერ მაღალია. დღეს აშშ-ში ალტერნატიული მკურნალობის წამლების ბაზარი 34 მილიარდ დოლარს აჭარბებს. კვლევები განმარტავს, როგორ შეიძლება ფულისა და მეტი განათლების მსგავსი უპირატესობები კიბოს პაციენტს სასიკვდილო მიმართულებით უბიძგებდეს.

უფრო ბედნიერი, ახალგაზრდა, შეძლებული და განათლებული ადამიანები კიბოში ალტერნატიულ მკურნალობას უფრო ხშირად ირჩევენ. თუმცა ტრადიციული-დამატებითი და ალტერნატიული მეთოდებით [ენერგეტიკული მედიცინა, მცენარეული ექსტრაქტები (ფიტოთერაპია) და ჰომეოპათია მათ შორის] კიბოს მკურნალობის მცდელობისას სიკვდილის რისკი მტკიცებულებებზე დაფუძნებული თანამედროვე მკურნალობის მიმღებებზე 5,68-ჯერ მაღალია.

გავრცელებული აზრის საწინააღმდეგოდ, მიუხედავად იმისა, რომ ალტერნატიული მედიცინის ბაზრის მკურნალობათა მხოლოდ მესამედი გამოიცადა და მონაცემები უარყოფითია, სექტორი აშშ-სა და მსოფლიოში ყოველდღიურად იზრდება.

საინტერესოა, როგორ შეიძლება უფრო განათლებულმა, გონიერმა ადამიანებმა ექიმის ნაცვლად შავი კვლიავის ზეთის წარმატების ისტორია დაიჯერონ და საკუთარი თავი დააზიანონ.

ერთ-ერთი ყველაზე ცნობილი მაგალითია Apple-სა და Iphone-ზე ფიქრისას გახსენებული Steve Jobs-ის ისტორიადა მისი გამოცდილება.

თვალსაჩინო ისტორია, რომელიც გვინდა გაგიზიაროთ, ექიმს ეკუთვნის. კიბოს გადარჩენასა და ალტერნატიულ მედიცინაზე მომუშავე მკვლევარ Dr. Skyler Johnson-ის მეუღლეს, სამედიცინო ფაკულტეტზე სწავლისას, შორსწასული ლიმფომა დაუდგინდა. წყვილის პირველი ქმედება იყო პაციენტებისთვის მიცემული ყველა რჩევის უგულებელყოფა და ინტერნეტში ძიების დაწყება.

Dr Johnson ამბობს: „ინტერნეტში იმდენი მცდარი ინფორმაციაა, რომ ყველაფრის გადახედვა შეუძლებელია; კარგი სამედიცინო განათლების შემთხვევაშიც არარეალური ინფორმაციის ამოცნობა საკმაოდ რთულია.“

იელის უნივერსიტეტის პროსტატისა და საშარდე გზების კიბოს რადიოთერაპიის პროგრამის ხელმძღვანელის, Dr James Yu-ს თქმით: „მეტმა განათლებამ შეიძლება ალტერნატიული მკურნალობის ძიებისკენ მეტად გიბიძგოთ, რადგან განათლებულებს ჰგონიათ, რომ კარგი არჩევანის გაკეთება შეუძლიათ.“

Dr. Yu ერთგვარ სარკის ეფექტზესაუბრობს: „რაც უფრო ფართო მსოფლმხედველობისა და განათლებულია ადამიანი, მით მეტად სჯერა, რომ კიბოს წინააღმდეგ რაღაცის გაკეთება შეუძლია და ძიებას იწყებს. ეს გარკვეულწილად ლოგიკურად ეჩვენება.“ — ამბობს იგი.

ინტერნეტში ნასწავლით საკუთარი თავის მცოდნედ და კომპეტენტურად აღქმა მისთვის ხაფანგად შეიძლება იქცეს.

Dr Yu-მ და Dr Johnson-მა კვლევაში ძუძუს, პროსტატისა და მსხვილი ნაწლავის კიბოს პაციენტების გადარჩენა შეისწავლეს. საშუალო სკოლაზე მაღალი განათლების მქონეებში ალტერნატიული მკურნალობის მიღების ალბათობა ნაკლებად განათლებულებზე მნიშვნელოვნად მაღალი აღმოჩნდა.

Dr. Johnson ამბობს: „შესაძლოა ისინი იმდენად განათლებული იყვნენ, რომ ჰგონიათ, თავიანთ ექიმებზე მეტი იციანშეიძლება“”. მეტი შემოსავალი იმასაც ნიშნავს, რომ ამ პაციენტებს დაზღვევის ფარგლებს გარეთ არსებული ალტერნატიული მკურნალობისთვის საკუთარი ჯიბიდან გადახდა შეუძლიათ.

ცნობილია, რომ დამატებითი და ალტერნატიული მედიცინა მზარდი, მილიარდდოლარიანი ინდუსტრიაა და პაციენტები ექიმებს მეტ ფულს უხდიან.

• მცენარეული მკურნალობა — ფიტოთერაპია: ნამდვილი მეცნიერება თუ დიდი ვაჭრობა?

ტრადიციული, დამატებითი და ალტერნატიული მედიცინის ინდუსტრიას ბოლო წლებში მარკეტინგის ტაქტიკის შეცვლის გარდა ახალი არაფერი გაუკეთებია, მაგრამ კვლევების მიხედვით, ბაზარი 2025 წლისთვის მსოფლიოში 200 მილიარდ დოლარს მიაღწევს.

Dr Johnson ვარაუდობს, რომ პოპულარობას ჭკვიანური და ყველგან არსებული ონლაინკამპანიები ზრდის, მათ შორის სასწაულებრივი განკურნების შთამბეჭდავი ისტორიები.

სინამდვილეში სპეციალური დიეტების, კანაფის ზეთის და აკუპუნქტურის მსგავსი სხვა საშუალებების შემცველი ამ ალტერნატიული „კურსების“ კიბოს მკურნალობაში გამოყენების მტკიცებულებები არ არსებობს.

Dr Yu ამბობს: „არც ის იქნებოდა ეთიკური, კვლევაში პაციენტები შემთხვევითად დადასტურებულ მკურნალობასა და შარლატანობას შორის ორ ჯგუფად გაგვეყო და შედეგებს დავლოდებოდით.“

კვლევაში პაციენტებმა აღნიშნეს, რომ აკუპუნქტურის და მასაჟის / რეფლექსოლოგიის მსგავსი თერაპიები დადასტურებული ონკოლოგიური მკურნალობის არასასურველი გვერდითი ეფექტებისშემცირებას ეხმარებოდა. ეს ექიმებისთვის უკვე ცნობილი და მიღებული დამატებითი მედიცინის მეთოდებიადა ასეთად განიხილება.

თანამედროვე მკურნალობა (ქიმიოთერაპია, ონკოლოგიური ოპერაციები, რადიოთერაპია და იმუნოთერაპია და მსგავსი მეთოდები) შეიძლება რთული იყოს და მათი შიში ბუნებრივია. ასეთ მძიმე პროცესში პაციენტსა და ოჯახს ადვილად სჯერა ისტორიის მკურნალობაზე, რომელსაც თითქოს გვერდითი ეფექტი არ აქვს, მაგრამ დიდი სარგებელი მოაქვს. ასეთ სიტუაციაში რეალობის უარყოფის მსგავს ილუზიაში ჩავარდნა ადამიანის ბუნების ნაწილია.

რეალობა ისაა, რომ მტკიცებულებებზე დაფუძნებულ მედიცინად წოდებულ ნამდვილ მეცნიერებას და ინტერნეტში არსებულ უთვალავ დაუდასტურებელ შარლატანურ კურსს შორის განსხვავებაა.

ინტერნეტში ნანახი სასწაულებრივი „კურსის“ არასანდოობის მთავარი ნიშანია დაპირება, რომელიც მეტისმეტად კარგია იმისთვის, რომ მართალი იყოს.

დიაგნოზის შემდეგ ბევრის პირველი ინსტინქტია სახლში წასვლა და ინტერნეტში ძიება, რადგან დაავადების შოკი ბევრის, მათ შორის ექიმების მიმართ უნდობლობას ქმნის.

ინფორმაციის შეგროვებისას პაციენტებს ვურჩევთ ჩვენს სტატიას „როგორ გავხდეთ შარლატანი“ გადახედონ, მაგრამ ვერ ვეტყვით „ამ საიტებზე არ შეხვიდეთ“, რადგან, ალბათ, თითქმის ყველა პირველად სწორედ ამას გააკეთებს.

ამასთან, ალტერნატიული მკურნალობის არსებულ ონკოლოგიურ მკურნალობასთან ურთიერთქმედება იშვიათი არ არის. განსაკუთრებით მცენარეული ცდებისას ამას ხშირად ვხედავთ. ამიტომ პაციენტმა გამოსაცდელი ალტერნატიული მეთოდი აუცილებლად უნდა აცნობოს ექიმს.

ექიმების მოვალეობა „ალტერნატიულ“ და „დამატებითის სახელით შეფუთულ ალტერნატიულ მკურნალობასთან“ დაკავშირებით

ჩვენ, ექიმებმა, მეტი ძალისხმევა უნდა დავხარჯოთ იმის გასაგებად, რის დამატება სურთ პაციენტებს. ექიმმა ტრადიციული-დამატებითი-ალტერნატიული მეთოდების დადებით და უარყოფით მხარეებზე მინიმალური ინფორმაცია უნდა მიაწოდოს და ხელისშემშლელი კი არა, გზამკვლევი იყოს. ისიც უნდა გვახსოვდეს, რომ ალტერნატივის ძიების ერთ-ერთი მიზეზია საკმარისი და სწორი მეორე სპეციალისტის მოსაზრების წყაროების არგამოყენება. ასე სიცოცხლის გადამრჩენი დადასტურებული თანამედროვე მკურნალობით გაცილებით მეტი პაციენტი ისარგებლებს.