სიმსუქნის ერთ-ერთი უარყოფითი ეფექტი — ღვიძლის გაცხიმოვნება პატარა ბავშვებშიც გვხვდება
კოლუმბიის უნივერსიტეტის ახალი კვლევის თანახმად, სიმსუქნის მქონე ბავშვებში ღვიძლის გაცხიმოვნება 8 წლის ასაკშიც კი შეიძლება გამოვლინდეს.
ღვიძლის არაალკოჰოლური ცხიმოვანი დაავადებისას ღვიძლში ზედმეტი ცხიმის დაგროვება ანთებას იწვევს, რაც ღვიძლს აზიანებს. ღვიძლის არაალკოჰოლური ცხიმოვანი დაავადება ზრდასრულებსა და ბავშვებში ღვიძლის ყველაზე გავრცელებული ქრონიკული დაავადებაა და მხოლოდ აშშ-ში დაახლოებით 80 მილიონ ადამიანს ეხება. ჩვეულებრივ სიმპტომებს (ჩივილებს) არ იწვევს, თუმცა შემდგომ ღვიძლის ციროზი ან ღვიძლის კიბოშეიძლება გამოიწვიოს.
უკვე ცნობილია, რომ სიმსუქნემ ტიპი 2 დიაბეტი და სხვა მეტაბოლური დარღვევები შეიძლება გამოიწვიოს, თუმცა ნაკლებად იციან, რომ პატარა ბავშვებშიც ღვიძლის სერიოზულ დაავადებას იწვევს.
განხილულ კვლევაში 3-დან 8 წლამდე უფრო დიდი წელის გარშემოწერილობის მქონე ბავშვებში ღვიძლის გაცხიმოვნების ნიშნები აღმოჩნდა. წინა კვლევები ახალგაზრდებსა და მოზარდებზე იყო ორიენტირებული, ამან კი პატარა ბავშვებში რისკფაქტორები შეისწავლა. 635 ბავშვსა და ქალზე ჩატარებულ ამ პროსპექტულ (მომავალზე მიმართულ) კვლევაში მკვლევრებმა ALT სახელით ცნობილი ღვიძლის ფერმენტის სისხლის დონე გაზომეს. ALT ღვიძლის დაზიანების ნიშანია და მისი დონე არაალკოჰოლური ცხიმოვანი თუ სხვა ღვიძლის დაავადებებისას იზრდება. Journal of Pediatricsჟურნალში გამოქვეყნებული კვლევით, 3-8 წლის პერიოდში მეტად მომატებული წონის მქონე ბავშვებს სისხლში მაღალი ALT-ის რისკი მეტი ჰქონდათ.
8 წლის მსუქანი ბავშვების დაახლოებით %35-ში ALT ნორმაზე მაღალი იყო.
ეს პირველი კვლევაა, რომელიც წონის მატების უარყოფით გავლენას აჩვენებს 8 წლამდე ბავშვების ღვიძლზე. შეჯამებით, 3-5 წლისას დიდი წელის გარშემოწერილობა 8 წლისთვის არაალკოჰოლური ცხიმოვანი ღვიძლის ნიშნების ალბათობას ზრდიდა.
ამ კვლევის შედეგებით რეკომენდაციები თქვენთვისაც და შვილებისთვისაც
- ჭარბი წონისას სპეციალისტი დიეტოლოგის კონსულტაციით ოჯახის კვების მოწესრიგება.
- ჯანსაღი და დაბალანსებული კვება; მაგალითად, ჰამბურგერისა თუ შოკოლადის ჯილდოდ მიცემის ნაცვლად ბავშვებისთვის ხილ-ბოსტნეულის შეყვარება და სახლში კოლას მსგავსი გაზიანი ტკბილი სასმელების არშემოტანა.
- ფიზიკური აქტივობის გაზრდა: სპორტი, თამაში, სეირნობა, ცურვა, ველოსიპედი.
- რა არის ჯანსაღი კვება?
წყაროები
eurekalert.org - 4 april 2018.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.