4-cü mərhələ ağciyər xərçənginin ilk xətt müalicəsində ilk dəfə immunoterapiya dərmanı təsdiq aldı

24 oktyabr 2016-da Amerika Qida və Dərman İdarəsi FDA, 4-cü mərhələ kiçikhüceyrəli olmayan ağciyər xərçəngi müalicəsində Pembrolizumab adlı immunoterapiya dərmanının istifadəsini təsdiqlədi.

Bu, kiçikhüceyrəli olmayan ağciyər xərçənginin (KHDAK) ilk xətt müalicəsində immunoterapiya dərmanının təsdiqi baxımından diqqətçəkən inkişafdır.

Beləcə 4-cü mərhələ KHDAK müalicəsində pembrolizumab (bazar adı Keytruda) aşağıdakı şərtlərdə FDA istifadə təsdiqi aldı:

• Şişlərində %50 və ya daha çox PD-L1 ifadəsi (ekspressiyası) olan xəstələrdə ilk xətt müalicə kimi. Bu xəstələrdə həmçinin ağıllı dərmanların hədəfi olan EGFR və ya ALK genomik şiş dəyişiklikləri olmamalı və ya əvvəllər 4-cü mərhələ kiçikhüceyrəli olmayan ağciyər xərçənginə görə müalicə almamış olmalıdır.
• Əvvəllər bir xətt platin tərkibli kimyaterapiya alsa da xəstəliyi pisləşən (proqressiya) və şişində %1 və ya daha çox PD-L1 ifadəsi olan xəstələr. EGFR və ya ALK genomik şiş dəyişiklikləri olanlar da xəstəlik pisləşərsə pembrolizumab istifadə edə bilər.

Pembrolizumab-a ağciyər xərçənginin ilk xətt müalicəsində təsdiq gətirən tədqiqatın detallarına çatmaq üçün klikləyin.