Evdə FƏAL qalmaq üçün 5 tövsiyə – qısa NECƏ ETMƏLİ bələdçisi

Sosial təcrid tədbirləri bütün dünyada vətəndaşların evdə qalmasını tələb edir. Belə halda insanlar evdə necə fəal qala bilərlər? Özlərini və başqalarını düşünərək fiziki və zehni rifahlarını necə qoruya bilərlər? Bəzi fikirlər üçün qısa «necə etməli» bələdçimizdən yararlana bilərsiniz.

Fiziki fəallıq həm fiziki, həm zehni sağlamlıq üçün çox vacibdir. Tədqiqatlar fəal qalmağın bədənin demək olar hər hissəsini yaxşı vəziyyətdə saxlamaq üçün möcüzələr yarada, hətta insanın əhvalını yaxşılaşdıra biləcəyini göstərib.

Qlobal epidemiyaya nəzarət tədbirləri çərçivəsində bir çox ölkədə idman zalları, sağlam həyat studiyaları, ictimai hovuzlar, hətta parkların istifadəsi məhdudlaşdırıldı.

Bir çox yerdə və ölkəmizdə qaydalar insanların supermarket alış-verişindən başqa evdən çıxmasını haqlı olaraq əngəlləyir.

Bu şəraitdə fəal və formada qalmaq əvvəlkindən qorxuducu görünə bilər, amma evdə qalmaq məcburiyyətində də hərəkətsizlikdən qaçmağın yaxşı yolları var.

1. Yüngül gimnastika

Gimnastika böyük əzələ qruplarını işlətmək üçün insanın öz bədən çəkisindən istifadə etdiyi məşq formasıdır. İnsanların demək olar hər yerdə edə biləcəyi çömbəlmə, qarın hərəkətləri, təkan, plank, təkan kimi məşqləri əhatə edir.

Tədqiqatlar gimnastikanın həm sağlam, həm də əsas xəstəlikləri olan şəxslərə çox fayda verə biləcəyini irəli sürüb. Məsələn, skelet əzələsi həcminin azalmasını önləmək istəyənlər, tip 2 diabeti, xroniki obstruktiv ağciyər xəstəliyi (KOAH) olanlar və duruşunu, bədən gücünü artırmaq istəyən sağlam yetkinlər yararlana bilər.

Səhərlər fəallığı təşviq edən proqramlara baxa və ya onlayn video açaraq bu hərəkətləri birlikdə edə bilərsiniz. Bu gün yüngül məşq saydığımız hərəkətləri onlayn öyrədə biləcək minlərlə idman müəllimi var.

2. Evdə kardio

Ürək-damar məşqi və ya qısaca aerobik məşqlə eynimənalı «kardio» insanın ürək döyüntüsünü artırmaqla işləyir. Yerində qaçmaq və ip atlamaq kardio məşqlərə nümunədir.

Müxtəlif tədqiqatlara görə kardio arıqlamağa, beyin funksiyasını qorumağa və xolesterol səviyyəsini nəzarətdə saxlamağa kömək edə bilər.

Yenə də bir çox onlayn mənbə evdə kardio məşqi tapmağa kömək edə bilər. Ev kardiosu üçün ideyalar göstərən çoxsaylı başqa videolar da var. Ən yaxşı seçim insanın fiziki hazırlığından və nail olmaq istədiyindən asılıdır.

3. Evdə pilates

Son bir neçə onillikdə getdikcə populyarlaşan pilates tarazlıq və duruşla yanaşı bədən gücünü artıra bilən bədən tərbiyəsi üsuludur. Fiziki məşqçi Joseph Pilates bunu əslində 20-ci əsrin əvvəlində hazırlayıb.

Tədqiqatlar pilatesin müntəzəm yerinə yetirildikdə əzələ dözümlülüyünü və elastikliyi artıra bildiyini təsdiqləyib. Digər araşdırmalar xroniki bel ağrısını idarə etməyə, hətta bəzi insanlarda yuxu keyfiyyətini yaxşılaşdırmağa kömək edə biləcəyini göstərib.

İnsanlar pilatesi evdə edə bilərlər və bel ağrısını yaxşılaşdırmaq kimi konkret məqsədlərə uyğun xüsusi proqramlar təqdim edən çox onlayn video var.

4. Yoqa

Yoqa fəal və elastik qalmaq üçün yaxşı seçim ola bilər. Hərəsinin fərqli intensivlik və çətinlik səviyyəsi olan çox növü var. Fərdi müşahidələrə görə yoqa rifahı çox cəhətdən yaxşılaşdıra bilər və son tədqiqatlar bu şəxsi hesabatları dəstəkləyir kimi görünür.

Tədqiqatlar yoqanın faydalarına bel ağrısının idarəsi, stres və narahatlığın azalması, əhvalın yaxşılaşmasının daxil olduğunu göstərir.

5. Əyləncəli (və faydalı) ev məşğuliyyətləri

Fəal qalmaq üçün həmişə qurulmuş məşq proqramına qatılmaq vacib deyil. Tədqiqatlar sadəcə «hərəkətsizlikdən qaçmağın» belə fərq yarada biləcəyini göstərib.

Bir tədqiqat həftədə 10 dəqiqə kimi qısa rahatladıcı məşğuliyyətin — qonaq otağında bağçılıq və ya rəqs etmək kimi — erkən ölüm riskinin azalması ilə əlaqəli olduğunu irəli sürüb.

Ona görə canlandırıcı səhər məşqi və yatmazdan əvvəl rahatladıcı yoqa ilə yanaşı mətbəx bağçanıza keşniş əkmək və ya təkbaşına, yaxud ailə ilə ev oyunları oynayaraq anı yaşamaq da eyni dərəcədə sağlam ola bilər.

Bonus: Müntəzəm ev işləri və sağlam yeməklər hazırlamaq sağlamlıq faydaları verə bilər. Bəzi tədqiqatçılar yaşlı kişilərin qismən qadınlardan daha az ev işi gördükləri üçün sağlamlığının daha pis ola biləcəyini irəli sürüblər.

İndi kitab rəflərinin tozunu almaq daxil yetərincə vaxt ayırmadığımız bütün fəaliyyətlərlə məşğul olmağın vaxtıdır; bu, az da olsa rifahımıza töhfə verəcək, əhvalımızı düzəldəcək və bu günləri keçirməyə kömək edəcək.

• KORONAVİRUS HAQQINDA BÜTÜN YAZILARIMIZ