Tətildə formada qalmağın yolları - 8 addımda

İlboyu davam edən sıx temp və stresdən sonra səbirsizliklə gözlənilən tətil zehni rahatlama, bədən yorğunluğunu atmaq və növbəti ilə hazır başlamaq baxımından mühümdür. Lakin tətil bütün il davam etdirdiyimiz sağlam qidalanma və fiziki məşq kimi vərdişlərimizi əlimizdən almasın. Belə vərdişlərimiz yoxdursa, tətil yeni sağlam həyat vərdişləri qazanmaq üçün yaxşı fürsət ola bilər, yetər ki, motivasiyanızı yüksək saxlayın. Bu yazımızda sizi həvəsləndirəcək və tətildən sonra formada qalmağınızı təmin edəcək 8 tövsiyə veririk. .

1. Tətilə özünüzlə iş aparmayın

Tətilə işinizlə birlikdə getmək, fikrinizin hələ işdə olması və motivasiyanızın bir hissəsini işə ayırmaq ilboyu toplanan stresin atılmasına, zehni və fiziki rahatlamaya mane olur. Eyni zamanda ailəniz, uşaqlarınız və ya dostlarınızla keçirməyi planlaşdırdığınız vaxtın azalması deməkdir.

2. Tətili hər yeməkdə alkoqol qəbul edilməli rahatlama anı kimi görməyin

Alkoqol qəbulu bədənimizə əlavə kalori verməklə yanaşı susuzlaşdırır, yorğunluğa və aclığa səbəb olur. Tətil eyni evdə yaşasanız da il ərzində yaxşı vaxt ayıra bilmədiyiniz ailənizlə vaxt keçirmək üçün ən yaxşı rahatlama yoludur. Həmçinin telefonunuzdan, e-poçtlarınızdan, işinizdən, xüsusilə sosial mediadan uzaq qalmaq sizə də faydalı olacaq. Bunlar məsuliyyətsiz görünə bilər, lakin unutmayın ki, hər kəsin istirahətə ehtiyacı var. .

3. Səhər erkən qalxın və ya bütün səhərinizi yataraq keçirməyin

Tətil sizə yatmaq üçün əlavə vaxt verir, lakin tətil boyunca çox yatmaq bel ölçünüz baxımından çox müsbət olmaya bilər. Son tədqiqatlara görə əlavə yatılan hər saat qarın ətrafındakı yağları əritməyi çətinləşdirir. Səbəb kimi günortaya yaxın qalxan şəxslərin gün ərzində daha çox kalori istehlakına meylli olduğu göstərilmişdir. Həmçinin erkən qalxmaq gününüzü daha səmərəli keçirməyə kömək edəcək. Səhərləri məşqlə dəyərləndirərək həm idmanınızı etmiş olarsınız, həm də gün ərzində ailə və ya dostlarınızla planlaşdırdığınız fəaliyyətə mane olmazsınız.

4. Mütləq səhər yeməyi yeyin

Tətil etdiyiniz otellərdə səhər yeməklərinin karbohidrat anbarı olması səhər yeməyini buraxmalı olduğunuz demək deyil. 20 illik tədqiqat nəticəsində 1 ildən uzun müddətdə 15 kg arıqlayanların 2/3-nün müntəzəm səhər yeməyi vərdişi olduğu bildirilir. Səhər yeməyində düzgün seçimlər gün ərzində sizi tox saxlayaraq ümumi kalori qəbulunuzu da azaldır. Səhər yeməyi buraxıldıqda gün ərzində hiss olunan aclıq növbəti yeməkdə daha çox kalori qəbuluna səbəb olur.

5. Davamlı zərərli qəlyanaltı və keyfiyyətsiz qidalar yeməyin

Tam pansion otellərdə bütün yeməklərə məhdudiyyətsiz çıxış sizi cəlb edə bilər, lakin davamlı xəmir məmulatı, hazır qida, şirniyyat, çips və dolu boşqablar kimi zərərli qidalanma tətildə həddindən artıq çəki almağınıza səbəb ola bilər. Ara yemək kimi dadlı yay meyvələri həm sizi qane edəcək, həm də bədəninizə lif qəbulunu təmin edərək həzm sisteminizi rahatladacaq.

6. Hər yeməyinizi restoranda yeməyin

Hər şey daxil otel tətili seçdikdə restoran yeməyi əlbəttə qaçılmaz görünür, lakin kiçik uşaqlarınız olsa belə təbiətlə daha çox iç-içə ola biləcəyiniz, məsələn, cənub turu tətili planlaşdıra bilərsiniz. Tətildə özünüz hazırlayacağınız praktik ev yeməkləri ucuz olmaqla yanaşı ən sağlam seçimdir. Bu baxımdan hər şey daxil tətillər əvəzinə mətbəxli yer kirayələmək sizin üçün daha sağlam görünür.

7. Davamlı aktiv olmağa çalışın

Haqlısınız, bütün il işləyib bu tətili haqq etmisiniz. Lakin bütün tətil boyu heç nə etməməyi seçmək də çox faydalı olmaya bilər. Havanın istiliyi, yorğunluğunuz kimi sonsuz bəhanələr vaxtınızı dolğun keçirməyə mane olmasın. Unutmamalıyıq ki, sizi əsl yoran zehni yorğunluqdur. Fiziki gümrah olmaq zehni baxımdan da özünüzü daha güclü hiss etdirəcək. Səhərlər sahildə 45 dəqiqə sürətli yeriyə, addımlarınızı ağıllı telefonla saya, hətta özünüzə gözəl hədəflər qoya bilərsiniz. Otel otağında belə edə biləcəyiniz jim, qarın məşqi və squat kimi hərəkətlər də effektiv olacaq.

8. Ləzzətli dadların deyil, gözəl anların ardınca gedin

Dadlı hər şeyin zərərli olduğu ümumi düşüncəsi tam doğru deyil. Dr Michael Tordoff bu fərziyyəni siçanlarda apardığı təcrübə ilə aydınlaşdırmışdır. Tədqiqat nəticəsində bədənimiz üçün mühüm olanın ümumi kalori qəbulu olduğunu, qida dadlı olsa da düzgün kalori miqdarında istehlak etdikdə çəki almayacağımızı bildirir. Nəticədə tətilə getdiyiniz yerlərdə yerli dadları sınamaqdan qorxmayın. Bunu da unutmaq olmaz: yüksək kalorili qidaları çox miqdarda uzun müddət istehlak etdikdə çəki almaq qaçılmazdır.