Yumurtalıq xərçənginin müalicə araşdırmalarında sükut sorafeniblə pozuldu

The Lancet Oncology-də bildirilən və Almaniyada aparılan faza-2 klinik tədqiqatında topotekan kimyaterapiyasına sorafenib (ticarət adı Nexavar) adlı həb şəklində ağıllı xərçəng dərmanının əlavə edilməsinin platinə davamlı yumurtalıq xərçəngi olan qadınlarda proqressiyasız sağqalmanı (müalicə ilə xəstəliyi nəzarətdə saxlama müddətini) yaxşılaşdırdığı tapıldı.

Tədqiqatın təfərrüatları: müalicəsi olan platin adlı kimyaterapiya almışdılar.

Bu çoxmərkəzli, ikiqat kor tədqiqata 172 yumurtalıq xərçəngi xəstəsi daxil edildi. Bu xəstələr təkrarlamış yumurtalıq xərçəngi üçün əvvəllər 2 və ya 1 xətt kimyaterapiya almışdı.

Tədqiqata xəstə qəbulu 2010 və 2013-cü illər arasında aparıldı və xəstələr təsadüfi iki qola ayrıldı;

Xəstələrin 83-ünə 1-5-ci günlərdə 1.25 mg/m2 dozada topotekan və 6-15-ci günlərdə gündə iki dəfə 400 mg sorafenib verilərkən, 89 xəstəyə sorafenib əvəzinə plasebo verildi. Bu müalicə hər 21 gündən bir olmaqla 6 ay tətbiq edildi. Xərçəngi proqressiya etməyən (pisləşməyən) xəstələrdə ağızdan həb şəklində sorafenib və ya plasebo 1 ilə qədər saxlayıcı müalicə kimi davam etdirildi.

Tədqiqatın qiymətləndirmək istədiyi ilkin sonlanma nöqtəsi proqressiyasız sağqalma (müalicə ilə xəstəliyi nəzarətdə saxlama müddəti) kimi müəyyən edildi.

Nəticələr

• Kimyaterapiya tamamlandıqdan sonra sorafenib qrupundakı xəstələrin %42-si və plasebo qrupundakıların %38-i saxlayıcı müalicə ala bildi.
• Median (ortanca) proqressiyasız sağqalma sorafenib qrupunda 6.7 ay, plasebo qrupunda isə 4.4 ay idi. Sorafenib istifadəsi proqressiya riskini %40 azaldırdı.
• Median ümumi sağqalma müddəti sorafenib alanlar üçün 17.1 ay, plasebo üçün isə 10.1 ay idi.

Əlavə təsirlər

Ən çox görülən 3 və ya 4-cü dərəcəli (ciddi) əlavə təsirlər leykopeniya (% 69-a qarşı % 53), neytropeniya (% 55-ə qarşı % 54) və trombositopeniya (% 28-ə qarşı % 22) idi. 3-cü dərəcəli əl-ayaq dəri allergiyası sorafenib alanların % 13-ündə görülsə də, plasebo alanlarda görülmədi. 2-ci dərəcəli alopesiya (saç tökülməsi) % 29-a qarşı % 13 idi. Əlavə təsirlər 4 sorafenib xəstəsində və 5 plasebo xəstəsində ölümə səbəb oldu.

Nəticədə bu tədqiqatda sorafenib topotekanla kombinasiyada oral yolla (ağızdan həb şəklində) verildikdə və saxlayıcı müalicə kimi davam etdirildikdə platinə davamlı yumurtalıq xərçəngi olan qadınlarda proqressiyasız sağqalmada statistik və klinik baxımdan əhəmiyyətli yaxşılaşma yaratdı. Bu nəticələr daha çox xəstəni əhatə edən faza-3 tədqiqatı ilə dəstəklənərsə, irəliləmiş yumurtalıq xərçənginin ikinci və sonrakı xətt müalicələri üçün klinik praktikanı dəyişə bilər. Həmçinin sorafenibin angiogenezi (yeni damar yaranmasını) basqılayan dərman olduğu nəzərə alınarsa, kimyaterapiya və antiangiogen dərman kombinasiyasının yumurtalıq xərçəngi müalicəsinin əsasını təşkil etdiyini də düşündürə bilər.

• Xərçəng müalicəsini çətinləşdirən əsas amil DƏRMAN MÜQAVİMƏTİ
• Ginekoloji (qadınlara məxsus) xərçənglərin müalicəsi
• yeniliklər 2017 və 2018