100 პროცენტიანი ხილის წვენების ჩათვლით, შაქრიანმა სასმელებმა კიბოს რისკი შეიძლება გაზარდოს

ახალმა დაკვირვებითმა კვლევამ შაქრიანი სასმელების, მათ შორის % 100 ხილის წვენების, მოხმარებასა და კიბოს რისკს შორის კავშირი აღმოაჩინა.

მკვლევრები უკვე გარკვეული ხანია შაქრიან სასმელებს ჯანმრთელობის რისკების ფართო სპექტრს უკავშირებენ.

სიმსუქნე, ტიპი 2 დიაბეტი და გულ-სისხლძარღვთა დაავადებაშაქრიან სასმელებთან დაკავშირებული მდგომარეობების მხოლოდ რამდენიმე მაგალითია.

მღრღნელებზე ჩატარებულმა ზოგიერთმა წინა კვლევამ აჩვენა, რომ უალკოჰოლო სასმელებში დამატებულ შაქარს სიმსივნის ზრდისა და გავრცელების გამოწვევა შეუძლია.

ახლა ახალი კვლევები შაქრიან სასმელებსა და კიბოს შორის კავშირს უფრო დეტალურად სწავლობს. BMJ-ში გამოქვეყნებული დაკვირვებითი კვლევა, რომელიც ამ სტატიის საგანია, შაქრიანი სასმელების მაღალ მიღებასა და კიბოს შორის კავშირს ადგენს.

საფრანგეთის Sorbonne Paris Cité-ის ეპიდემიოლოგიისა და სტატისტიკური კვლევის ცენტრის Eloi Chazelasკვლევის მთავარი ავტორია.

შაქრიანი სასმელებით გამოწვეული კიბოს რისკის შესწავლა

Chazelas-მა და გუნდმა საშუალოდ 42 წლის ასაკის ჯამურად 101.257 ფრანგ მოზრდილში შაქრიანი სასმელების მიღებასა და სხვადასხვა კიბოს შორის კავშირები შეისწავლეს. მონაცემები NutriNet-Santé კვლევიდან მიიღეს.

შესწავლილ სასმელებში შედიოდა უალკოჰოლო სასმელები, სიროფები, ხილის სასმელები, დამატებული შაქრის გარეშე % 100 ხილის წვენები, რძიანი შაქრიანი სასმელები, სპორტული და ენერგეტიკული სასმელები .

მკვლევრებმა ასევე ხელოვნურად დატკბობილი სასმელები, ანუ დიეტური გაზიანი სასმელები, უშაქრო სიროფები და დიეტური რძის სასმელები, შეაფასეს როგორც „არაკვებითი დამატკბობლების შემცველი ყველა სასმელი“.

როგორ აჩქარებს შაქრიანი სასმელები კიბოს წარმოქმნას?

24-საათიანი ონლაინ კვებითი კითხვარებით მკვლევრებმა მონაწილეების 3.300 განსხვავებული საკვებისა და სასმელის მოხმარება შეაფასეს. ასევე კლინიკური დაკვირვება 9 წლამდე გაგრძელდა.

ამ პერიოდში მკვლევრებმა შეისწავლეს „ზოგადად ძუძუს, პროსტატისა და კოლორექტალური კიბოს“ რისკი.

Chazelas-მა და კოლეგებმა ასევე გაითვალისწინეს პოტენციური შემრევი ფაქტორები, როგორიცაა ასაკი, სქესი, განათლება, მემკვიდრეობითი კიბოს რისკი და ცხოვრების წესის ფაქტორები — მოწევის ქცევა და ვარჯიშის ჩვევები.

ძუძუს კიბოს %22-ით მეტი რისკი

დაკვირვებისას 2.193 ადამიანს კიბოს ახალი დიაგნოზი დაუსვეს; დიაგნოზისას საშუალოდ 59 წლის იყვნენ. ყველა შემთხვევას შორის იყო 693 ძუძუს კიბო, 291 პროსტატის კიბო და 166 კოლორექტალური კიბო.

ანალიზით, შაქრიანი სასმელის მიღების დღეში ყოველი 100 მილილიტრით მატებისთვის:

• ზოგადი კიბოს რისკი % 18-ით,
• ხოლო ძუძუს კიბოს რისკი % 22-ით გაიზარდა.

როდესაც მკვლევრებმა %100 ხილის წვენების რისკი ცალკე გააანალიზეს, აღმოჩნდა, რომ მათაც ზოგადი კიბოსა და ძუძუს კიბოს რისკი გაზარდა. თუმცა კოლორექტალურ ან პროსტატის კიბოსთან კავშირი ვერ გამოვლინდა. ამის საპირისპიროდ, დიეტურმა სასმელებმა რისკი არ გაზარდა. მეცნიერები განმარტავენ, რომ დიეტური სასმელების მომხმარებლები ძალიან მცირე რაოდენობას იღებდნენ, ამიტომ ამ კონკრეტული შედეგის სიფრთხილით განმარტებას გვირჩევენ.

კვლევის ძლიერი და სუსტი მხარეები

Chazelas და კოლეგები თავიანთი კვლევის ძლიერ და სუსტ მხარეებს აღწერენ.

პირველ რიგში, შაქრიანი სასმელების „დიდი შერჩევა და დეტალური და თანამედროვე შეფასება“ შედეგებს აძლიერებს.

თუმცა, რადგან კვლევის ჯგუფი ფართო საზოგადოების წარმომადგენელი არ არის, შედეგების ფართოდ განზოგადება შეიძლება ვერ მოხერხდეს.

მიზეზია NutriNet-Santé-ის მონაწილეებს შორის ქალების სიჭარბე. ამ ქალების ჯანმრთელობაზე ორიენტირებულ ქცევას და ზოგად ფრანგ მოსახლეობაზე მაღალ სოციალურ-პროფესიულ და საგანმანათლებლო დონეს კიბოს მაჩვენებლის ეროვნულ შეფასებებზე ნაკლებობა შეიძლება გამოეწვია.

სხვა შეზღუდვებია მიზეზობრიობის დადგენის შეუძლებლობა და გაზომვის პოტენციური მიკერძოებები. თუმცა ავტორები ამტკიცებენ, რომ შაქრიანმა სასმელებმა კიბოს რისკი შეიძლება გაზარდოს, რადგან სასმელებით ჭარბად მიღებული ენერგია სხეულის ცხიმს, სისხლში შაქარსა და ანთებით მარკერებს, ხოლო ეს თავის მხრივ კიბოს მაღალ რისკს პირდაპირ პროპორციულად უკავშირდება.

მკვლევრები ასკვნიან:

ეს მონაცემები მიანიშნებს, რომ შაქრიანი სასმელების, მათ შორის % 100 ხილის წვენის, მოხმარების შეზღუდვამ კიბოს შემთხვევების შემცირებას შეიძლება შეუწყოს ხელი. ასევე მხარს უჭერს შაქრიან სასმელებზე მიმართულ პოლიტიკურ მოქმედებებს, როგორიცაა გადასახადები და მარკეტინგული შეზღუდვები.