ქიმიოთერაპიის შესახებ 11 მცდარი წარმოდგენა და სიმართლე

კიბოს მკურნალობის ერთ-ერთი მეთოდის — ქიმიოთერაპიის შესახებ გაგონილი, ინტერნეტში, სოციალურ ქსელებსა თუ ტელევიზიაში გავრცელებული ინფორმაციის სისწორის გარჩევა პაციენტებისა და ახლობლებისთვის რთულია. სამწუხაროდ, უმეტესობა მცდარია. სამეცნიერო წყაროებზე დაყრდნობით ყველაზე ხშირი და მნიშვნელოვანი 11 შეცდომა შევკრიბეთ.

1-ექიმმა ქიმიოთერაპიის დაწყება მირჩია; ალბათ ბოლო დღეებს ვცხოვრობ.

ოცდაათი წლის წინ ქიმიოთერაპიის მიღება ხშირად ძალიან მძიმე მდგომარეობას ნიშნავდა. დღეს ასე აღარ არის, რადგან ის ხშირად ადიუვანტურ (დამცავ) მკურნალობად გამოიყენება: ოპერაციის და / ან დასხივების შემდეგ კიბოს დაბრუნების თავიდან ასაცილებლად ინიშნება.

2. საავადმყოფოში დიდი დროის გატარება მომიწევს და ცხოვრება ძალიან გამირთულდება.

დღეს ქიმიოთერაპია პაციენტის მდგომარეობისა და საჭიროების მიხედვით მრავალგვარად ტარდება. უმეტესად ნემსით ან კათეტერით ინტრავენურად შეჰყავთ. ზოგჯერ კი შინ მისაღები ტაბლეტები ან სითხეა.

- რა არის ქიმიოთერაპია მოკლედ და როგორ ტარდება? რატომ არის საჭირო?

3. დიდხანს ავად ვიქნები და გულისრევა მექნება.

გულისრევა და ღებინება ხშირია, მაგრამ ყველას ერთნაირად არ აწუხებს. ექიმს მოუყევით გულისრევის, ღებინებისა და ტკივილის შესახებ. მათ გათვალისწინებით სქემის შეცვლა და ჩივილების შემსუბუქება შეუძლია.

- ქიმიოთერაპიით გამოწვეული გულისრევა და ღებინება თავიდან აცილებადია! მიზეზი და მკურნალობა

4. თუ გვერდითი მოვლენები არ მაქვს, ქიმიოთერაპია ალბათ არ მუშაობს.

რადგან ზოგისთვის მკურნალობა მძიმეა, პაციენტს შეიძლება ეგონოს, რომ ტანჯვის გარეშე ვერ გამოჯანმრთელდება. ბოლომდე ცნობილი არ არის, რატომ აქვს ერთი მკურნალობის მიმღებ ზოგ პაციენტს გვერდითი მოვლენები ნაკლებად. მათი არარსებობა მკურნალობის უეფექტობას არ ნიშნავს.

5. არსებობს მხოლოდ ერთი ქიმიოთერაპია, რომელიც ყველა კიბოს კურნავს.

ბევრს ჰგონია, რომ ყველა კიბო ერთი პრეპარატით იკურნება, მაგრამ ასე არ არის. სხვადასხვა პრეპარატი სხვადასხვა კიბოს ებრძვის და განსხვავებულად მოქმედებს. მიზნებია უჯრედების განადგურება, სიმსივნის შემცირება და ჩივილების შემსუბუქება. პრეპარატები სხვა მკურნალობამდე, შემდეგ ან მასთან ერთად ინიშნება.

6. მთელი თმა დამცვივდება.

ყველა ქიმიოპრეპარატი თმას არ აცვენს. ცვენისას თმა დასრულებიდან დაახლოებით 3 თვეში მნიშვნელოვნად აღდგება. ზოგჯერ ამოსვლა მკურნალობის დასრულებამდეც იწყება.

- ქიმიოთერაპიული თმის ცვენა შეიძლება თავიდან ავიცილოთ: გაგრილების Dignicap სისტემამ FDA-ის თანხმობა მიიღო

7. კიბო ბედისწერაა და ამას ვერავინ შეცვლის.

ეს რწმენაა, თუმცა სამედიცინო მკურნალობა სიცოცხლის გადარჩენის უმნიშვნელოვანესი გზა შეიძლება იყოს. მკურნალობას დაავადების მიმდინარეობის შეცვლა, სიცოცხლის გადარჩენა ან გახანგრძლივება შეუძლია.

- რა არის კიბო? რატომ და როგორ ვითარდება? მთელი პროცესი მოკლედ!

8. ქიმიოთერაპიამ შეიძლება სიცოცხლისთვის საშიში ინფექცია გამოიწვიოს.

მძიმე ინფექციები დღეს უკვე ხშირი არ არის, რადგან მკურნალობა მეტად კონტროლირებულია და თუ მოსალოდნელია ლეიკოპენია , დამცავი ინექციების გაკეთება შესაძლებელია.

9. ქიმიოთერაპიის შემდეგ შვილი ვეღარ მეყოლება.

შვილოსნობაზე შფოთვა ბუნებრივია, მაგრამ გამოსავალი არსებობს. ქალებს კვერცხუჯრედის, მამაკაცებს სპერმის შენახვა შეუძლიათ, ექიმის მითითებით, მომავალში გამოსაყენებლად. თუ მკურნალობის შემდეგ შვილის ყოლა მნიშვნელოვანია, დაწყებამდე რეპროდუქციულ შესაძლებლობებზე სპეციალისტს გაესაუბრეთ.

- კიბოგადატანილ ქალებში დაორსულების შანსი ერთი მესამედით დაბალია — თუმცა

10. ქიმიოთერაპია კიბოსთან გამკლავებაზე უარესად მაგრძნობინებს თავს.

უმკურნალო კიბოსა და ქიმიოთერაპიის სარგებლისა და ზიანის შედარებისას ქიმიოთერაპიას აუცილებლად უნდა დავუჭიროთ მხარი. მრავალ კვლევაში ის, ჩვეულებრივ, სიცოცხლეს ახანგრძლივებს ან დაავადების ჩივილებს ამცირებს და ცხოვრების ხარისხს ზრდის.

- ცხოვრების ხარისხი ონკოლოგიურ პაციენტში

11. თუ პოზიტიურ განწყობასა და ჩვეულ რეჟიმს შევინარჩუნებ, კარგად ვიქნები.

პოზიტიური განწყობა მნიშვნელოვანია, მაგრამ ფიზიკური გვერდითი მოვლენები გენეტიკასა და ორგანიზმის მიერ პრეპარატის დამუშავებაზეა დამოკიდებული. აზრის ძალას დიდი გავლენა შესაძლოა არ ჰქონდეს. მომავალში ინდივიდუალური მკურნალობა, სავარაუდოდ, უფრო წარმატებული და ნაკლებჩივილიანი იქნება.

- მოქმედებს პოზიტიური განწყობა ძუძუს კიბოს მქონეთა სიცოცხლის ხანგრძლივობაზე?