რა არის D ვიტამინის დეფიციტის სიმპტომები და მიზეზები?

D ვიტამინის დეფიციტის სიმპტომები

შემდეგი ნიშნები, მიგნებები და ჩივილები D ვიტამინის დეფიციტის სიმპტომი შეიძლება იყოს:

ხშირი ავადმყოფობა ან ხშირი ინფექციები

D ვიტამინის ერთ-ერთი უმნიშვნელოვანესი ფუნქცია იმუნური სისტემის ძლიერი მდგომარეობის შენარჩუნება და რეგულირებაა. ის ჩვენს ორგანიზმს ინფექციური დაავადებების გამომწვევ ვირუსებსა და ბაქტერიებთან ბრძოლაში ეხმარება. D ვიტამინი უშუალოდ ურთიერთქმედებს ინფექციასთან ბრძოლაზე პასუხისმგებელ უჯრედებთან. თუ ხშირად გაქვთ ინფექციები, შესაძლოა D ვიტამინის დონე დაბალი იყოს.

რა არის იმუნური სისტემა და როგორ მუშაობს? ორგანიზმის თავდაცვის მექანიზმი

დაღლილობა და სისუსტე

D ვიტამინის დეფიციტისას დაღლილობა ვლინდება. თუმცა დაღლილობას სხვა მიზეზებიც შეიძლება ჰქონდეს. ძლიერი დაღლილობა და სისუსტე D ვიტამინის დეფიციტის ნიშანი შეიძლება იყოს. ამ ჩივილით ექიმთან მიმართვისას, თუ დაღლილობისა და სისუსტის სხვა ახსნა არ არსებობს, სისხლში D ვიტამინის დონის შემოწმებამ მდგომარეობა შეიძლება გაარკვიოს.

შეიძლება სისუსტე და დაღლილობა კიბოს პირველი ნიშანი იყოს?

ძვლებისა და ზურგის ტკივილი

D ვიტამინი ძვლების ჯანმრთელობის შენარჩუნებას უწყობს ხელს და ორგანიზმში კალციუმის შეწოვას ზრდის. მისმა ნაკლებობამ კი შეიძლება ძვლებისა და წელის ტკივილის მსგავსი ჩივილები გამოიწვიოს.

შეიძლება დაგაინტერესოთ: კიბო და კბილების მკურნალობა! რას უნდა მიაქციონ ყურადღება ძვლის დამცავი წამლების მომხმარებლებმა?

დეპრესია

დეპრესიული განწყობა D ვიტამინის დეფიციტის ნიშანი შეიძლება იყოს. კონტროლირებულ კვლევებში მკვლევრებმა აღმოაჩინეს, რომ D ვიტამინის დოზების ჩვეულებრივ ძალიან დაბალი დონე დეპრესიას იწვევს. ზოგმა კონტროლირებულმა კვლევამ აჩვენა, რომ არასაკმარისი D ვიტამინის მიცემა დეპრესიის, მათ შორის ცივ თვეებში სეზონური დეპრესიის, გაუმჯობესებას უწყობს ხელს. დეპრესია დაბალ D ვიტამინს უკავშირდება და ზოგი კვლევა აჩვენებს, რომ D ვიტამინის დანამატი დეპრესიულ განწყობაზე სასარგებლოდ მოქმედებს.

დეპრესია და შფოთვა კიბოს მქონე პაციენტში — მიზეზები, სიმპტომები და მკურნალობა

ჭრილობების ძნელი შეხორცება

D ვიტამინი ჭრილობების შეხორცებას უწყობს ხელს. თუ ოპერაციის ან სხვა დაზიანების შემდეგ შეხორცება გვიანდება, ეს D ვიტამინის დეფიციტით შეიძლება იყოს გამოწვეული. ერთ კვლევაში D ვიტამინის დეფიციტისა და ტერფის წყლულის მქონე პაციენტების ვიტამინით მკურნალობისას წყლულის ზომა საშუალოდ % 28-ით შემცირდა. არასაკმარისმა D ვიტამინმა ოპერაციის, დაზიანების ან ინფექციის შემდეგ ჭრილობის ცუდი შეხორცება შეიძლება გამოიწვიოს.

ძვლების დასუსტება და განლევა

D ვიტამინი კალციუმის შეწოვასა და ძვლის მეტაბოლიზმში მნიშვნელოვან როლს ასრულებს.

ოსტეოპოროზის (ძვლის დანაკარგის, განლევის) დიაგნოზის მქონე ბევრ ადამიანს D ვიტამინიც შეიძლება აკლდეს. ძვლის დაბალი მინერალური სიმკვრივე მიანიშნებს, რომ ძვლები კალციუმსა და სხვა მინერალებს კარგავს. ეს ხანდაზმულებში, განსაკუთრებით ქალებში, მოტეხილობის რისკს ზრდის. მენოპაუზისას ან შემდეგ 1.100-ზე მეტ საშუალო ასაკის ქალში ჩატარებულ დიდ დაკვირვებით კვლევაში მკვლევრებმა დაბალ D ვიტამინსა და ძვლის დაბალ მინერალურ სიმკვრივეს შორის ძლიერი კავშირი აღმოაჩინეს.

თუმცა D ვიტამინისა და კალციუმის „დანამატები“ ადამიანებისთვის ძვლის მოტეხილობებისგან დაცვასარუზრუნველყოფს, როგორც შედეგებით 2017 წელს JAMA-შიგამოქვეყნებულ, 50 ათასზე მეტი ადამიანის მომცველ მეტაანალიზურ კვლევაში გამოჩნდა.

თმის ცვენა

თმის ცვენის ერთ-ერთი ხშირი მიზეზი სტრესია. სხვა მიზეზი D ვიტამინის დეფიციტიც შეიძლება იყოს. განსაკუთრებით ქალებში D ვიტამინის დეფიციტი თმის ძლიერ ცვენას დაუკავშირდა. ამის დადგენისას ექიმის მეთვალყურეობით D ვიტამინის დანამატის გამოყენება შეიძლება.

კუნთების ტკივილი

მიალგია სახელწოდების კუნთების ტკივილის მიზეზების დადგენა ჩვეულებრივ რთულია.

არსებობს გარკვეული მტკიცებულება, რომ ბავშვებსა და მოზრდილებში D ვიტამინის დეფიციტი კუნთების ტკივილის შესაძლო მიზეზი შეიძლება იყოს. ერთ კვლევაში ქრონიკული ტკივილის მქონე პირთა %71-ს სისხლში D ვიტამინის არასაკმარისი დონე ჰქონდა. ვიტამინსა და ტკივილის აღმქმელ ნერვულ უჯრედებს შორის ურთიერთქმედების საფუძველზე ქრონიკულ ტკივილსა და სისხლში დაბალ D ვიტამინს შორის კავშირი არსებობს.

შეიძლება რთული იყოს იმის გაგება, ეს ჩივილები D ვიტამინის დაბალი დონითაა გამოწვეული თუ არა. D ვიტამინის დეფიციტის გამოსწორება ჩვეულებრივ ადვილია. თუ ფიქრობთ, რომ დეფიციტი შეიძლება გქონდეთ, მნიშვნელოვანია ექიმთან საუბარი და სისხლის მაჩვენებლების გაზომვა.

D ვიტამინის დეფიციტის მიზეზები

ბევრი ქრონიკული დაავადებისა და კიბოს მქონე პაციენტებში D ვიტამინის დეფიციტი ხშირია, თუმცა D ვიტამინის დეფიციტი კიბოს ნიშანი არ არის. D ვიტამინის დეფიციტი მრავალი მიზეზით შეიძლება წარმოიქმნას, მათ შორის:

ხანგრძლივად არასაკმარისი D ვიტამინის მიღება

თუ მკაცრ ვეგანურ ან ვეგეტარიანულ დიეტას იცავთ. ბუნებრივი D ვიტამინის წყაროების უმეტესობა ცხოველური საკვებია (მაგალითად თევზი და თევზის ზეთი, კვერცხის გული, მსხვილფეხა და წვრილფეხა პირუტყვის ღვიძლი).

მზის სინათლის ძალიან მცირე რაოდენობით მიღება ან მისი არმიღება

ჩრდილოეთის ქვეყნებში, რელიგიური მიზეზებით გრძელი ტანსაცმლის ან თავსაფრის ტარებისას, ან ისეთი პროფესიისას, რომელიც მზეზე ყოფნას ხელს უშლის, შეიძლება D ვიტამინის დეფიციტის რისკის ქვეშ იყოთ.

თუ მუქი კანი გაქვთ

კანის ფერის მიმცემი მელანინის პიგმენტი მზეზე ზემოქმედებისას კანის D ვიტამინის წარმოქმნის უნარს ამცირებს. ზოგი კვლევა აჩვენებს, რომ მუქკანიანებში D ვიტამინის დეფიციტი უფრო ხშირია.

თუ თირკმლის უკმარისობა გაქვთ

თირკმელი ძირითადი ორგანოა, რომელიც D ვიტამინს აქტიურ ფორმად გარდაქმნის. ასაკის მატებასთან ერთად თირკმლებს D ვიტამინის აქტიურ ფორმად გარდაქმნა უჭირს, რაც D ვიტამინის დეფიციტის რისკს ზრდის.

თუ საჭმლის მომნელებელი სისტემიდან D ვიტამინი საკმარისად არ შეიწოვება

ზოგმა სამედიცინო პრობლემამ, მათ შორის კრონის დაავადებამ, კისტოზურმა ფიბროზმა და ცელიაკიამ, შეიძლება ნაწლავების მიერ მიღებული საკვებიდან D ვიტამინის შეწოვის უნარზე იმოქმედოს.

თუ სიმსუქნე / ჭარბი წონა გაქვთ

სიმსუქნეD ვიტამინის ცხიმოვან უჯრედებში ჩაკეტვით სისხლის მიმოქცევაში მის გამოყოფას შეიძლება ამცირებდეს. სხეულის მასის ინდექსის 30 ან მეტი მაჩვენებლის მქონე პირებს ჩვეულებრივ D ვიტამინის დაბალი დონე აქვთ.

ამ საკითხზე მომდევნო სტატიაში „D ვიტამინის დანამატი ყოველდღე უნდა მივიღოთ თუ ყოველთვიურად?“ თემის განხილვა დავგეგმეთ. 

D ვიტამინი და კიბო! დეფიციტი კიბოს იწვევს? მაღალი დონე კიბოს აფერხებს?