რა არის ღვიძლის დეტოქსი? სწორად მიჩნეული შეცდომები

ღვიძლი ცილის სინთეზისა და მონელების მსგავსი სასიცოცხლო ფუნქციებისშესრულებისთვის საჭირო ფერმენტების წარმოქმნის ჩათვლით 500-ზე მეტი მოვალეობის მქონე ორგანიზმის ყველაზე დიდი შინაგანი ორგანოა. მისი ერთ-ერთი ყველაზე მნიშვნელოვანი მოვალეობაა დეტოქსიკაციად წოდებული ორგანიზმიდან ტოქსინების მოცილების ფუნქცია.

ადამიანები ზოგჯერ ფიქრობენ, რომ სხვადასხვა დეტოქს-პროგრამით ან საკვები დანამატებით ღვიძლის გაწმენდა შეუძლიათ. მართლაც სასარგებლოა ეს პროგრამები თუ ორგანიზმს მეტად აზიანებს, ერთად განვიხილოთ.

რა არის ღვიძლის დეტოქსი?

ღვიძლის დეტოქსები ორგანიზმიდან ტოქსინების მოცილებით ადამიანის ჯანმრთელობის გაუმჯობესების მტკიცების მქონე პროგრამებია. დეტოქს-დიეტები ჩვეულებრივ ხანგრძლივი შიმშილობის პერიოდისშემდეგ უმ ბოსტნეულს, ხილსა და ხილის წვენებს მოიცავს. ზოგიერთი პროგრამა მსხვილი ნაწლავის გაწმენდას (ოყნას) და საკვებ დანამატებს უჭერს მხარს. ბაზარზე დეტოქსის სახელით მრავალი პროდუქტი და პროცედურაა. ამასთან, გასათვალისწინებელია, რომ დეტოქსის სიტყვის შემცველი პროდუქტები და პროცედურები კომერციული მიზნებით შეიძლება იყოს შექმნილი.

უსაფრთხოა თუ არა ღვიძლის დეტოქს-დიეტები?

ბევრი ადამიანი ფიქრობს, რომ შაბათ-კვირას სხვადასხვა დეტოქს-პროგრამით ან მცენარეული პროდუქტების გამოყენებით ღვიძლის დეტოქსს შეძლებს. თუმცა ვარაუდის საპირისპიროდ ამ პრაქტიკებმა ორგანიზმს სარგებელზე მეტი ზიანი შეიძლება მიაყენოს.

ორგანიზმში ტოქსინების გამწმენდი ან თქვენი უფრო ჯანმრთელად მქცევი რაიმე სამეცნიერო ღვიძლის დეტოქსი არ არსებობს. ღვიძლის დაავადებებისთვის სამედიცინო მკურნალობები არსებობს. თუმცა ისინი დეტოქს-პროგრამებს ან დანამატებს არ მოიცავს.

რა უნდა ვიცოდეთ ღვიძლის დეტოქს-პროგრამებისა და დანამატების შესახებ

ორგანიზმიდან ტოქსინების მოცილებით უფრო ჯანსაღი ცხოვრების მიზნით გამოყენებულ დეტოქს-პროგრამებს ან საკვებ დანამატებს შეიძლება არასასურველი გვერდითი ეფექტები ჰქონდეს:

• ზოგიერთი პროდუქტი შესაძლო მავნე ნივთიერებებს შეიცავს და დაავადებებს იწვევს.
• თუ თირკმლის დაავადება გაქვთ, დიდი რაოდენობით ხილის წვენის შემცველმა პროგრამებმა შეიძლება მდგომარეობა კიდევ გააუარესოს.
• არაპასტერიზებულმა ხილის წვენებმა შეიძლება დაგაავადოთ, თუ სუსტი იმუნური სისტემა გაქვთ.
• თქვენი დიაბეტი (შაქრიანი დიაბეტი) თუ გაქვთ, კვების შემცვლელი პროგრამის დაწყებამდე ექიმს უნდა მიმართოთ.
• ცილის მკაცრად შემზღუდველმა და ხანგრძლივ შიმშილობას მომთხოვნმა ღვიძლის გაწმენდის პროგრამებმა თავის ტკივილი და გამოფიტვა შეიძლება გამოიწვიოს.
• მწვანე ჩაის ექსტრაქტმა ღვიძლის დაზიანება (ჰეპატიტი) შეიძლება გამოიწვიოს. ზოგიერთ რეჟიმში არსებული ყავის ოყნები შესაძლოა სასიკვდილო ინფექციებსა და ელექტროლიტურ პრობლემებს იწვევდეს.

ეხმარება თუ არა ღვიძლის დეტოქს-პროგრამები ჯანსაღად წონის კლებას?

არსებობს გარკვეული მტკიცებები, რომ დეტოქსი წონის კლებას იწვევს. თუმცა წყაროდ გამოყენებული კვლევები მცირე რაოდენობის ადამიანებში ჩატარდა და მათი სამეცნიერო ხარისხი საკმარისი არ არის.

დაბალკალორიული ღვიძლის დეტოქს-პროგრამებით სწრაფად დაკლებული წონა უმეტესად მხოლოდ სითხის დაკარგვითარის გამოწვეული. როდესაც ადამიანები ჩვეულებრივ კვებით ჩვევებს უბრუნდებიან, წონას კვლავ იმატებენ.

ეხმარება თუ არა ღვიძლის დეტოქსი ალკოჰოლისა და მავნე საკვების გავლენის გაუქმებას?

ზოგიერთმა ადამიანმა აღნიშნა, რომ დეტოქს-პროგრამების შემდეგ თავს უკეთ და ენერგიულად გრძნობს. მიზეზი შეიძლება მყარი ცხიმების, დამატებული შაქრისა და გადამუშავებული საკვების უმეტესად არმიღება იყოს. თუმცა ამ პროგრამების მიერ არაჯანსაღი საკვებით ან ალკოჰოლით გამოწვეული ტოქსინების შემცირების მტკიცებულება არ არსებობს.

ალკოჰოლის გამოყენების ინტენსივობის მიხედვით ღვიძლი ტოქსინების მოსაცილებლად უფრო მეტს იმუშავებს. ამასთან, ალკოჰოლის ინტენსიურმა გამოყენებამ დროთა განმავლობაში ღვიძლის დაზიანება, მოგვიანებით კი ღვიძლის ციროზი და კიბო შეიძლება გამოიწვიოს.

ეხმარება თუ არა საკვები დანამატები ღვიძლის გაწმენდას?

ღვიძლის დეტოქსში ყველაზე ხშირად გამოყენებული მცენარეული პროდუქტებია ბაყაყურა, ბაბუაწვერა და კურკუმა. ზოგიერთი კვლევა აღნიშნავს, რომ ბაყაყურას კომპონენტები ღვიძლის გარკვეული დაავადებების სიმპტომების შემსუბუქებას ეხმარება. თუმცა დაავადების მკურნალობის მაჩვენებელი კვლევა არ არსებობს.

კურკუმისღვიძლის დაზიანებისგან დაცვის დახმარების უნარზე მტკიცებები არსებობს. თუმცა რეგულარული გამოყენების მხარდამჭერი საკმარისი კვლევა არ არის. ბაბუაწვერასეფექტიანობის დასამტკიცებლად კი მეტი კვლევაა საჭირო.

ბაყაყურას ოჯახის წარმომადგენელი არტიშოკი ღვიძლისთვის სარგებლით არის ცნობილი. თუმცა არტიშოკის ტაბლეტად გამოყენების ნაცვლად სეზონზე ბუნებრივად მიღება უფრო სწორია. ამით საკუთარ თავსა და ოჯახს ჯანსაღ სუფრასაც სთავაზობთ.

არ დაგავიწყდეთ, რომ არც ერთ საკვებ „დანამატს“ რომელიმე დაავადებისთვის ჯანდაცვის უწყებების გამოყენების ნებართვა არ აქვს. პროდუქტების უმეტესობა კლინიკურ კვლევებში არ მოწმდება. ბოლო წლებში ხშირად ვხედავთ, რომ საკვები დანამატებით გამოწვეული ღვიძლის დაზიანებები იზრდება. ამიტომ პროდუქტის გამოყენებამდე აუცილებლად ექიმს უნდა მიმართოთ.

რა გზები არსებობს ღვიძლის გასაძლიერებლად და დაავადების აღსაკვეთად?

მიუხედავად იმისა, რომ გენეტიკურ ფაქტორებს ვერ შეცვლით, ღვიძლის დაავადებებისგან დასაცავად ცხოვრების წესის ცვლილებებზე შეგიძლიათ კონცენტრირდეთ. ქვემოთ მოცემულ რეკომენდაციებზე ყურადღებით ღვიძლის გაძლიერებასა და შესაძლო დაზიანებების პრევენციას შეძლებთ.

• ალკოჰოლის რაოდენობა შეზღუდეთ, შესაძლებლობისას საერთოდ არ მიიღოთ.
• ყოველდღე დაბალანსებულად იკვებეთ. აირჩიეთ ბოსტნეულზე, ხილზე, თხილეულზე, მთლიან მარცვლეულზე, უცხიმო და მცენარეულ ცილის წყაროებზე დაფუძნებული ჯანსაღი კვება.
• ჯანსაღი წონისფარგლებში დარჩით.
• შესაძლებლობისას ყოველდღე ივარჯიშეთ. თუ აქტიური ცხოვრება არ გაქვთ, ჯერ ექიმს მიმართეთ.
• საპარსი, კბილის ჯაგრისი ან სხვა საყოფაცხოვრებო ნივთები არ გააზიაროთ.
• მოერიდეთ რისკიან ქცევებს, რომლებმაც სისხლითა და სქესობრივი გზით გადამდები ვირუსული ჰეპატიტები შეიძლება გამოიწვიოს.
• პირისა და კბილის პროცედურებთან ერთად, თუ მანიკურის, პედიკურის ან ტატუს გაკეთება გსურთ, დარწმუნდით, რომ ჰიგიენურ გარემოში სტერილური მოწყობილობებით ტარდება.

- დაკავშირებული თემა: რა არის ღვიძლის გაცხიმოვნება, რატომ ვითარდება და რომელ პრობლემებს იწვევს?

დასკვნა & შეჯამება

ღვიძლი უნიკალური ორგანოა. მას ყოველგვარი დანამატისა და პროცედურის გარეშე საკუთარი უჯრედების ძალიან მოკლე დროში განახლებით დაზიანებული ქსოვილის სწრაფად აღდგენა შეუძლია. ღვიძლის გამოჯანმრთელების დამპირებელი დეტოქს-დიეტების სამეცნიერო მტკიცებულება არ არსებობს.

ჯანმრთელობის შესანარჩუნებლად ფაქტები ხმებისგან უნდა განასხვავოთ. რა თქმა უნდა, ღვიძლისა და ჯანმრთელობის მხარდასაჭერად რაღაცების გაკეთება შეგიძლიათ. ყოველდღიური ყურადღება, ჯანსაღი / უპირატესად ბოსტნეულისგან შემდგარი კვება, ალკოჰოლის არმიღება და აქტიური ცხოვრება საუკეთესო შესაძლო დეტოქსია. ზოგჯერ დანამატების გამოუყენებლობაც კი თქვენს ღვიძლს ამოსუნთქვის საშუალებას მისცემს და განახლებაში დაეხმარება. ჯანსაღი ღვიძლისკენ გზის დაწყება ყოველდღიურად უფრო ჯანსაღი საკვების არჩევით შეგიძლიათ.

*

 - საუკეთესო დიეტები 2020