საკუთარი ქსოვილით ძუძუს აღდგენაგავლილი ქალები უფრო ბედნიერები არიან
ძუძუს კიბოს ოპერაციის შემდეგ საკუთარი ქსოვილით ძუძუს აღდგენაგავლილ ქალებს გართულების (გვერდითი მოვლენის) უფრო მაღალი ალბათობა აქვთ, თუმცა JAMA Surgery-ში 2018 წლის ივნისში გამოქვეყნებული ორი კვლევის მიხედვით, სილიკონის მსგავსი იმპლანტების ამრჩევებთან შედარებით თავს უკეთ გრძნობენ და მათი კმაყოფილება უფრო მაღალია.
„როდესაც პაციენტისთვის როგორც ავტოლოგიური (საკუთარი), ისე პროთეზული (ხელოვნური) ძუძუს რეკონსტრუქცია (აღდგენა) არჩევანია, ეს კვლევები ექიმთან ერთად გადაწყვეტილების მიღების პროცესში სასიცოცხლოდ მნიშვნელოვანია.“ ამბობენ კვლევის ავტორები, დოქტორები Kenneth Fan და David Song.
პირველ კვლევაში 11 რეგიონიდან 2343 ქალში ძუძუს კიბოს ოპერაციის შემდეგ რეკონსტრუქციის (აღდგენის) მეთოდების 2 წლიანი გართულებების მაჩვენებლები შეადარეს.
ამ პაციენტებიდან;
- 1525-ს (% 65,1) ექსპანდერ-იმპლანტით (expander-implant, EI) რეკონსტრუქცია,
- 112-ს (% 4.8) პირდაპირი იმპლანტაცია (direct-to-implant, DTI) ჩაუტარდა
- 85-ს (% 3.6) ფეხიანი მუცლის სწორი კუნთის განივი კუნთოვან-კანის (pTRAM) ნაფლეთით (ზურგის კუნთის ქსოვილი),
- 95-ს (% 4.1) თავისუფალი მუცლის სწორი კუნთის განივი კუნთოვან-კანის (fTRAM) ნაფლეთით;
- 390-ს (% 16.6) ქვედა ღრმა ეპიგასტრიკული პერფორატორული (DIEP) ნაფლეთით (მუცლის კუნთის ქსოვილი);
- 71-ს (% 3.0) ზურგის უგანიერესი კუნთის (LD) ნაფლეთით და
- 65-ს (% 2.8) ქვედა ზედაპირული ეპიგასტრიკული არტერიის (SIEA) ნაფლეთით რეკონსტრუქცია ჩაუტარდა.
ანუ პაციენტთა %70-ს ძუძუს რეკონსტრუქცია იმპლანტით, %30-ს კი საკუთარი ქსოვილებით ჩაუტარდა.
გართულებების საერთო მაჩვენებელი %32.9 იყო. განმეორებით ოპერაციასთან დაკავშირებული გართულებები %19.3-ში, ჭრილობის ინფექციები კი %9.8-ში განვითარდა. 2 წლის შემდეგ ჩატარებულ ანალიზში, ავტოლოგიური (საკუთარი ქსოვილით) რეკონსტრუქციის მქონე ქალებში გართულების ალბათობა პროთეზული მეთოდების ამრჩევებზე მაღალი არ აღმოჩნდა.
თუმცა ქვეჯგუფების ანალიზში ექსპანდერ-იმპლანტის ამრჩევთა გართულებების მაჩვენებელი %26.6 იყო, SIEA ნაფლეთებისთვის კი % 73.9. განმეორებითი ოპერაციის გართულებები ექსპანდერ-იმპლანტის %15.5-დან SIEA რეკონსტრუქციის %30.8-მდე იზრდებოდა.
განმეორებით ოპერაციასთან დაკავშირებული გართულებების მაჩვენებლები გასაკვირად მსგავსი აღმოჩნდა 15 წლის წინ გამოქვეყნებული კვლევებისა.
საერთოდ, რეკონსტრუქციის წარუმატებლობა მხოლოდ %5.4 ქალში მოხდა. იმპლანტის ამრჩევებში %7.1-ით მაჩვენებელი ყველა სხვა პროცედურაზე მაღალი იყო; მაგალითად, pTRAM ნაფლეთისთვის %1.2 იყო. ჭრილობის ინფექციის საერთო მაჩვენებელი % 9.8 იყო (FTRAM ნაფლეთით %5.3; პირდაპირი იმპლანტის რეკონსტრუქციით %15.2).
შეჯამებით, მკვლევრებმა ზოგადი და განმეორებითი გართულებების მხრივ ძუძუს რეკონსტრუქციის ტიპებს შორის მნიშვნელოვანი განსხვავებები ვერ აღმოაჩინეს და ეს ინფორმაცია რეკონსტრუქციაზე გადაწყვეტილების მიმღები ქალებისა და ქირურგებისთვის გადამწყვეტია.
შეიძლება დაგაინტერესოთ:
საკუთარი ქსოვილით ძუძუს აღდგენის ამრჩევი ქალების კმაყოფილება უფრო მაღალია
მეორე კვლევაში დოქტორმა Andrea Pusic-მა და კოლეგებმა 2013 ქალში იმპლანტით ან ავტოლოგიური მეთოდით რეკონსტრუქციიდან 2 წლის შემდეგ კმაყოფილებისა და ძუძუსთან დაკავშირებული ცხოვრების ხარისხის შესაფასებლად BREAST-Q კითხვარი გამოიყენეს.
ავტოლოგიური (საკუთარი ქსოვილით) რეკონსტრუქციის მქონე ქალები თავიანთი ძუძუთი უფრო კმაყოფილი იყვნენ და ფსიქოსოციალური და სექსუალური კეთილდღეობის მაჩვენებელიც უფრო მაღალი ჰქონდათ.
Pusic-მა და კოლეგებმა, „ამ მიგნებებს შეუძლია პაციენტებსა და კლინიცისტებს ავტოლოგიური და იმპლანტზე დაფუძნებული პროცედურების მოსალოდნელი კმაყოფილებისა და ცხოვრების ხარისხის შედეგებზე ინფორმაცია მიაწოდოს და კლინიკურ პრაქტიკაში ერთობლივი გადაწყვეტილების მიღების დამკვიდრებას მეტად შეუწყოს ხელი.“ განაცხადეს.
თუმცა 2000 წლის შემდეგ ძუძუს რეკონსტრუქციაში იმპლანტებისადმი ინტერესი უფრო დიდია. ვარაუდობენ, რომ აშშ-ში ამ ტენდენციის მიზეზი ავტოლოგიური გადანერგვის ფინანსური შემოსავლის იმპლანტებთან შედარებით შემცირება შეიძლება იყოს.
კვლევამ ასევე აჩვენა, რომ ავტოლოგიური ძუძუს რეკონსტრუქციის შემდეგ ახლო პერიოდში მეორე ოპერაციით დაუყოვნებელი რევიზია უფრო ხშირია, თუმცა გვიანი რევიზია ნაკლებად ხდება.
დასკვნა
ძუძუს კიბო ქალებში ყველაზე ხშირი კიბოა და უმეტესობა უკვე ადრეულ სტადიაზე ვლინდება, ამიტომ ძუძუს რეკონსტრუქციისადმი ინტერესი, მოთხოვნა და საჭიროებაც იზრდება. მკურნალობის შემდეგ ბევრი პაციენტი ძუძუს აღდგენას ირჩევს და შედეგით საკმაოდ კმაყოფილია; ზოგიერთიც ამბობს, რომ წინანდელზე უფრო სასიამოვნო იერი მიიღო. თუმცა რეკონსტრუქციის მრავალი ვარიანტი არსებობს და არჩევანის სიჭარბე ზოგჯერ დამაბნეველია. მედიცინის ამ სფეროში, სადაც გადაწყვეტილება რთულია, ეს ორი ფართომასშტაბიანი, მრავალცენტრიანი კვლევა ღირებულ ინფორმაციას გვაძლევს. უკვე ნაჩვენებია, რომ საკუთარი ქსოვილით აღდგენის არჩევასაც მნიშვნელოვანი უპირატესობები აქვს. პაციენტის პირადი არჩევანისა და დაავადების თავისებურებების მიხედვით ექიმთან ერთად მიღებულ რეკონსტრუქციის გადაწყვეტილებას ეს კვლევები დაეხმარება.
წყაროები
Comparison of 2-Year Complication Rates Among Common Techniques for Postmastectomy Breast Reconstruction.
JAMA Surg. June 2018.
2. Katherine B. Santosa, Ji Qi, Hyungjin M. Kim ve ark.
Long-term Patient-Reported Outcomes in Postmastectomy Breast Reconstruction.
JAMA Surg. June 2018.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.