Öz toxumasından süd vəzi bərpası aparılan qadınlar daha xoşbəxtdir

Süd vəzi xərçəngi əməliyyatı sonra öz toxumasından süd vəzi bərpası keçirmiş qadınlarda ağırlaşma (yan təsir) yaranma ehtimalı daha yüksəkdir, lakin JAMA Surgeryjurnalında iyun 2018-ci ildə dərc edilmiş iki tədqiqata görə bu şəxslər silikon kimi implantlara üstünlük verənlərlə müqayisədə özlərini daha yaxşı hiss edir və məmnuniyyət səviyyələri daha yüksək olur.

“Bu tədqiqatlar xəstələr üçün həm autoloji (öz), həm də protez (süni) süd vəzi rekonstruksiyasının (bərpasının) seçim olduğu belə bir vəziyyətdə həkimi ilə birlikdə ortaq qərar vermə prosesində həyati əhəmiyyət daşıyır.” Bunu tədqiqatın müəlliflərindən Dr. Kenneth Fan və Dr. David Song deyir.

İlk tədqiqatda 11 bölgədən 2343 qadında süd vəzi xərçəngi əməliyyatından sonra süd vəzi rekonstruksiyası (bərpası, yenidən qurulması) üsullarının 2 illik ağırlaşma göstəriciləri müqayisə edilib.

Bu xəstələrin:

• 1525-inə (% 65,1) genişləndirici implant (expander-implant, EI) rekonstruksiyası,
• 112-sinə (% 4.8) birbaşa implant (direct-to-implant, DTI) tətbiq edilib,
• 85-inə (% 3.6) ayaqcıqlı köndələn düz qarın əzələsi-dəri (pTRAM) flepi (kürək əzələsi toxuması) ilə,
• 95-inə (% 4.1) sərbəst köndələn düz qarın əzələsi-dəri (fTRAM) flepi ilə,
• 390-ına (% 16.6) dərin aşağı epiqastrik perforator (DIEP) flepləri (qarın əzələsi toxuması) ilə,
• 71-inə (% 3.0) latissimus dorsi (LD) flepi (kürək əzələsi) və
• 65-inə (% 2.8) səthi aşağı epiqastrik arteriya (SIEA) flepləri ilə rekonstruksiya aparılıb.

Yəni xəstələrin %70-inə implantla, %30-una isə öz toxumaları ilə süd vəzi rekonstruksiyası aparılıb.

Ümumi ağırlaşma göstəricisi %32.9 idi. Reoperativ (təkrar əməliyyata bağlı) ağırlaşmalar xəstələrin %19.3-ündə, yara infeksiyaları isə %9.8-ində baş verdi. 2 ildən sonra aparılmış analizdə autoloji (öz toxumasından) rekonstruksiya tətbiq edilən qadınlarda ağırlaşma yaranma ehtimalı süd vəzi protezi üsullarını seçən qadınlardan daha yüksək müəyyən edilmədi.

Bununla belə, alt qrup analizində genişləndirici implant seçənlərdə ağırlaşma nisbəti %26.6 olduğu halda, SIEA flepləri üçün % 73.9 oldu. Reoperativ ağırlaşma göstəriciləri genişləndirici implant əməliyyatlarında %15.5-dən SIEA rekonstruksiyalarında %30.8-ə yüksəldi.

Bununla belə, təkrar əməliyyata bağlı ağırlaşmaların göstəriciləri təəccüblü şəkildə 15 il əvvəl bildirilmiş tədqiqatlara oxşar oldu.

Ümumilikdə rekonstruksiyanın uğursuzluğu qadınların yalnız %5.4-ündə baş verdi. Uğursuzluq nisbəti implant seçənlərdə %7.1 ilə bütün digər prosedurlardan daha yüksək idi; məsələn, pTRAM flepində bu göstərici %1.2 idi. Ümumi yara infeksiyası nisbəti % 9.8 idi (FTRAM flepi üçün %5.3; birbaşa implant rekonstruksiyası üçün %15.2).

Qısaca, tədqiqatçılar ümumi və təkrar ağırlaşmalar üçün süd vəzi rekonstruksiyası növləri arasında əhəmiyyətli fərqlər aşkar etməyiblər və bu məlumatlar süd vəzi rekonstruksiyası qərarı verən qadınlar və cərrahlar üçün kritik əhəmiyyət daşıyır.

Marağınızı çəkə bilər:

• Süd vəzi xərçənginin əlamətləri və müalicəsi – suallarla DİAQNOZ SƏFƏRİ

Öz toxumasından süd vəzi rekonstruksiyasını seçən qadınların məmnuniyyət səviyyəsi daha yüksəkdir

İkinci tədqiqatda Dr. Andrea Pusic və həmkarları 2013 qadında implant və ya autoloji üsullarla süd vəzi rekonstruksiyasından 2 il sonra məmnuniyyəti və süd vəzi ilə əlaqəli həyat keyfiyyətini araşdırmaq üçün BREAST-Q anketindən istifadə ediblər.

Autoloji (öz toxumasından) rekonstruksiya aparılan qadınların süd vəzilərindən daha çox məmnun olduğu, psixososial və cinsi rifah göstəricilərinin daha yüksək olduğu müəyyən edilib.

Pusic və həmkarları “Bu tapıntılar autoloji və implant əsaslı prosedurlardan gözlənilən məmnuniyyət və həyat keyfiyyəti nəticələri barədə xəstələri və onların klinisistlərini məlumatlandıra və klinik praktikada ortaq qərar vermənin mənimsənilməsini daha çox dəstəkləyə bilər.” deyiblər.

Bununla belə, 2000-ci ildən sonra süd vəzi rekonstruksiyasında implantlara maraq daha çoxdur. ABŞ-dakı bu meylin səbəbinin autoloji köçürmələrin maddi gəlirinin implantlarla müqayisədə azalması ola biləcəyi şərh edilir.

Həmçinin autoloji süd vəzi rekonstruksiyasından sonra yaxın vaxtda ikinci əməliyyatla dərhal düzəliş göstəriciləri daha yüksək olsa da, gecikmiş düzəliş göstəricilərinin daha aşağı olduğu bu tədqiqatla göstərilib.

Nəticə

Süd vəzi xərçəngi qadınlarda ən çox rast gəlinən xərçəng olduğundan və artıq əksəriyyətinə erkən mərhələdə diaqnoz qoyulduğundan süd vəzi rekonstruksiyasına maraq, tələb və ehtiyac da getdikcə artır. Süd vəzi xərçənginin müalicəsindən sonra bir çox xəstə süd vəzilərini yenidən bərpa etmək qərarı verir və nəticələrdən olduqca məmnun qalır; hətta bəzən əvvəlkindən də daha məmnunedici görünüşə qovuşduğunu bildirən xəstələrimiz var. Bununla belə, süd vəzi rekonstruksiyası üçün çoxlu seçim var və bəzən seçimlərin bu qədər çox olması çaşdırıcı ola bilir. Qərar verməyin çətin ola bildiyi tibbin belə bir sahəsində geniş iştiraklı və çoxmərkəzli bu iki tədqiqat çox dəyərli məlumatlar təqdim edir. Artıq öz toxumasından süd vəzi bərpasını seçməyin də mühüm üstünlükləri olduğu göstərilib. Xəstənin şəxsi seçimləri və xəstəliyin xüsusiyyətləri əsasında həkimi ilə birlikdə verəcəyi süd vəzi rekonstruksiyası qərarı bu tədqiqatlarla dəstəklənəcək.

• Süd vəzi implantı və döş estetikası haqqında bilinməli 5 şey
• Süd vəzi xərçəngində ən mühüm qərar: süd vəzi tam çıxarılmalı, yoxsa qoruyucu əməliyyat aparılmalıdır?
• 4-cü mərhələ, yeni diaqnoz qoyulmuş süd vəzi xərçəngi xəstələri əməliyyat edilməlidirmi?