სანაღვლე გზების კიბოში ზუსტი ონკოლოგიის მიდგომამ განსხვავება შექმნა
ამ სტატიაში
ESMO 2019 კონგრესზე ღვიძლშიდა სანაღვლე გზების კიბოს დიაგნოზის მქონე პაციენტებში, FGFR ცვლილების მქონე ჯგუფში პემიგატინიბმა %35 პასუხის სიხშირითა და 21-თვიანი საერთო გადარჩენით განსხვავება შექმნა სიმსივნის ტიპში, რომლისთვისაც მცირე არჩევანი გვაქვს.
ბილიარული სისტემის (სანაღვლე გზების) კიბოების, განსაკუთრებით ქოლანგიოკარცინომისმართვა ახალი ზუსტი მედიცინის სტრატეგიების გამოჩენით სწრაფად იცვლება. ამ ტიპის კიბოს კვლევების უმრავლესობა ფოკუსირებულია იმ პაციენტებზე, რომლებსაც აქვთ ღვიძლშიდა ქოლანგიოკარცინომის (ღვიძლშიდა სანაღვლე გზების კიბოს) მქონეთა დაახლოებით % 40-ში შესაძლო ცვლილებები: ფიბრობლასტების ზრდის ფაქტორის რეცეპტორ-2-ის (FGFR2) ფუზიები და იზოციტრატდეჰიდროგენაზა-1-ის (IDH1) მუტაციები.
ESMO 2019-ზე წარმოდგენილი FIGHT-202 კვლევის გვიან წარდგენილი რეზიუმე აჩვენებს, რომ ადრე ნამკურნალებ შორს წასული ქოლანგიოკარცინომის მქონე პაციენტებში პემიგატინიბით მკურნალობა კლინიკურად მნიშვნელოვან ეფექტიანობას უკავშირდება (რეზიუმე LBA40).
პემიგატინიბი FGFR ინჰიბიტორია და ამ კვლევაში პასუხი მხოლოდ FGFR2 გენის გადაჯგუფების ან ფუზიის მქონე პაციენტებში დაფიქსირდა.
კვლევის შედეგები
- ობიექტური პასუხის სიხშირე, 3 სრული პასუხის ჩათვლით და პასუხის მედიანური 7,5-თვიანი ხანგრძლივობით, % 35,5 იყო.
- დაავადების კონტროლის სიხშირე % 82 იყო.
- პროგრესირების გარეშე გადარჩენისა და საერთო გადარჩენის მედიანები, შესაბამისად, 6.9 და 21.1 თვე იყო.
- ყველაზე ხშირი გვერდითი ეფექტი იყო მსუბუქი (ხარისხი 1-2) ჰიპერფოსფატემია, ანუ სისხლში ფოსფატის მატება (სიხშირე % 60), რომლის კონტროლი ძირითადად კვების შეცვლითა და ფოსფატის შემკვრელი პრეპარატებით შეიძლებოდა.
სანაღვლე გზების კიბოში FGFR სამიზნის წინააღმდეგ რამდენიმე პრეპარატი მუშავდება. არაშედარებით IIa ფაზის კვლევაშისხვა FGFR2 ინჰიბიტორის, დერაზანტინიბის კლინიკური ეფექტიანობაც აჩვენეს (რეზიუმე 721P). FIGHT-202-ის შედეგების მსგავსად, დერაზანტინიბის ეფექტიანობა FGFR2 ცვლილებების არსებობისას უფრო გამოხატული იყო: ობიექტური პასუხის სიხშირე % 21.
FGFR2 ფუზიად წოდებული გენეტიკური ცვლილების მქონე პაციენტებს FGFR ფუზიის არმქონეებთან შედარებით, როგორც ჩანს, გადარჩენის მნიშვნელოვანი უპირატესობა აქვთ. ახალი მონაცემები აჩვენებს, რომ ახალგაზრდა ასაკი (<65 წელი), ალკოჰოლის ბოროტად გამოყენება და B ან C ჰეპატიტის დადებითობა FGFR2 ფუზიების ალბათობას ზრდის (რეზიუმე 723P).
სიმსივნის გენეტიკური ანალიზი შორს წასული ქოლანგიოკარცინომის დიაგნოზის მქონე პაციენტებისთვის ახალი სტანდარტი გახდება
ქოლანგიოკარცინომის მკურნალობაში მნიშვნელოვანი წინსვლაა, მათ შორის ახალი პირველი ხაზის საშუალებების კვლევა. მაგალითად, მიმდინარე PROOF კვლევაში pan-FGFR ინჰიბიტორი ინფიგრატინიბიშორს წასული / მეტასტაზური ან არაოპერაბელური ქოლანგიოკარცინომის მქონე პაციენტებში სტანდარტულ მკურნალობას, გემციტაბინი პლუს ცისპლატინს ედარება (რეზიუმე 832TiP).
ESMO 2019 კონგრესზე პირველად წარმოდგენილი ეს შედეგები აჩვენებს, რომ ქოლანგიოკარცინომის გენომური საფუძვლის უკეთ გაგებას კლინიკურ კვლევებში დიდი იმედის მომცემი მიზანმიმართული მკურნალობები მოჰყვება, თუმცა მხოლოდ მაშინ, როდესაც ისინი სწორ პაციენტებს ეძლევათ. ზუსტი მედიცინამრავალი წელია ეფექტიანია ფილტვის კიბოსა და ონკოლოგიის სხვა სფეროებში, ახლა კი გასათვალისწინებელია ქოლანგიოკარცინომის მსგავსი კიბოს დროსაც, რომლის სამკურნალო შესაძლებლობები შეზღუდულია.
წყაროები
2. ESMO 2019 Abstract 721P – Efficacy of derazantinib (DZB) in patients (pts) with intrahepatic cholangiocarcinoma (iCCA) expressing FGFR2-fusion or FGFR2 mutations/amplifications.
3. ESMO 2019 Abstract 723P – Frequency and clinicopathological characteristics of biliary tract carcinomas harboring the FGFR2-fusion gene: A prospective observational study (PRELUDE study).
4. ESMO 2019 Abstract 832TiP – Infigratinib versus gemcitabine plus cisplatin multicenter, open-label, randomized, phase III study in patients with advanced cholangiocarcinoma with FGFR2 gene fusions/translocations: The PROOF trial.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.