შინაური ქათმის ბურგერი იოგურტის სოუსით

ყველა გემრიელი კერძი არაჯანსაღი არ არის. აქ გაიგებთ სახლში თქვენთვის და საყვარელი ადამიანებისთვის მარტივად მოსამზადებელი ქათმის ბურგერის, კიტრისა და გაწურული იოგურტის სოუსით, რეცეპტსა და კვებით ღირებულებას.

ქათმის ბურგერი იოგურტის სოუსითა და თეთრი ყველით 4 ადამიანისთვის

სოუსის ინგრედიენტები

• 1 პატარა თასი გაწურული იოგურტი,
• 1/2 გათლილი, წვრილად დაჭრილი კიტრი,
• 1 კბილი დაჭყლეტილი ნიორი,
• 1 ჩაის კოვზი ლიმონი,
• სურვილისას ცხარე სოუსი,
• მწიკვი შავი პილპილი.

კატლეტის ინგრედიენტები

• უკურკო დაქუცმაცებული მწვანე ზეთისხილი,
• 2 მწვანე ხახვის თეთრი ნაწილი, წვრილად დაჭრილი,
• 1 კბილი დაჭყლეტილი ნიორი,
• 2 სუფრის კოვზი დაჭრილი ახალი პიტნა,
• 1/2 ასანთის კოლოფის ზომის დაქუცმაცებული თეთრი ყველი,
• 1/2 კილოგრამი ქათმის მკერდი,
• 1 კვერცხი,
• 1 სუფრის კოვზი ზეითუნის ზეთი.

სოუსისთვის:

იოგურტი, კიტრი, ნიორი და ლიმონის წვენი აურიეთ. სურვილისას ცხარე წიწაკა, სოუსი ან პილპილი დაუმატეთ.

კატლეტისთვის:

ზეთისხილი, ხახვი, ნიორი, პიტნა და ყველი აურიეთ, კვერცხი ჩაახალეთ. წვრილად დაჭრილი ქათამი დაუმატეთ და კარგად აურიეთ. ხელით 4 ნაწილად გაყავით და კატლეტები ჩამოაყალიბეთ.

არაწებოვან ტაფაზე 1 სუფრის კოვზი ზეთი დაასხით, საშუალო ცეცხლზე ორივე მხარე დაახლოებით 5-7 წუთი მოამზადეთ. სისქით დრო მოარგეთ. უმჯობესია მთლიანმარცვლოვან ოდნავ მოხალულ პურში ჩადოთ, სოუსი, სურვილისას სალათი და პომიდორი დაუმატოთ.

სავარაუდო კვებითი ღირებულება 1 ულუფისთვის

• კალორია ............. 260
• კალორია ცხიმიდან ............. 90
• ცხიმი ............. 10 gr
• გაჯერებული ცხიმი ............. 3,5 gr
• ტრანსცხიმოვანი მჟავა ............. 0 gr
• პოლიუჯერი ცხიმი ............. 1,5 gr
• მონოუჯერი ცხიმი ............. 4 gr
• ქოლესტერინი ............. 90 mg
• ნატრიუმი ............. 335 mg
• ნახშირწყალი ............. 6 gr
• ბოჭკო ............. 2 gr
• შაქარი ............. 2 gr
• ცილა ............. 37 gr
• მსუბუქი, გემრიელი, ჯანსაღი ხმელთაშუაზღვის კერძი: ზეითუნისზეთიანი ფარშირებული არტიშოკი
• პოპკორნი ჯანსაღ წასახემსებლად
• კვირის კვების გეგმა 6 ნაბიჯში — ჯანსაღი და სწრაფი კერძები