თირკმელუჯრედოვან კიბოში ნივოლუმაბისა და იპილიმუმაბის კომბინაცია სუნიტინიბზე უკეთესი აღმოჩნდა
შორსწასულ თირკმლის კიბოში სუნიტინიბთან შედარებით ნივოლუმაბისა და იპილიმუმაბის კომბინაციამ სიცოცხლის ხანგრძლივობა მნიშვნელოვნად გაზარდა.
არაოპერაბელური შორსწასული ნათელუჯრედოვანი თირკმლის კიბოს პირველი ხაზის სტანდარტული მკურნალობა მიზანმიმართული „ჭკვიანი“ წამლებია. ბოლო წლებში იმუნოთერაპიით მიღებულმა წარმატებებმა თირკმელუჯრედოვანი კიბოს მეორე ხაზში იმუნოთერაპიის გამოყენების დამტკიცება უზრუნველყო. ამის შემდეგ იმუნოთერაპიის კვლევები, განსაკუთრებით იმუნოთერაპიების კომბინაციის წინასწარი შედეგები იმედისმომცემად შეფასდა და დაიწყო შემოწმება, აჯობებდა თუ არა მიზანმიმართულ წამლებს. აქ ამ სფეროში პირველ გამოქვეყნებულშედეგებიან კვლევას გაგიზიარებთ.
აპრილში, 2018 წელს NEJM-ში გამოქვეყნებულ CheckMate 214 კლინიკურ კვლევაშიშეადარეს მიზანმიმართული სუნიტინიბი (Sutent) და ორი ურთიერთშემავსებელი იმუნოთერაპიული წამლის — ნივოლუმაბის (Opdivo) და იპილიმუმაბის (Yervoy) კომბინაცია. აღმოჩნდა, რომ კომბინაცია საშუალო და ცუდი რისკის თირკმლის კიბოს პაციენტებში საერთო გადარჩენას მნიშვნელოვნად ახანგრძლივებდა. წარმატებულმა შედეგებმა მსოფლიოს ყველა საინფორმაციო საიტზე გაიჟღერა.
კვლევაში 28 ქვეყნიდან შორსწასული ნათელუჯრედოვანი თირკმლის კიბოს 1.096 პაციენტი ჩართეს ოქტომბრის 2014 წლიდან თებერვლის 2016 წლამდე. 550-ს სუნიტინიბი მიეცა, დანარჩენს — იმუნოთერაპიული კომბინაცია. ნივოლუმაბი + იპილიმუმაბის ჯგუფში 334 საშუალო და 91 ცუდი რისკის პაციენტი იყო. სუნიტინიბის ჯგუფში 333 საშუალო და 89 ცუდი რისკის პაციენტი შედიოდა.
კვლევის შედეგები:
- ცუდი რისკის პაციენტებში ნივოლუმაბი + იპილიმუმაბის ჯგუფის 1-წლიანი გადარჩენა %80, სუნიტინიბის ჯგუფში კი % 72 იყო.
- მკურნალობით დაავადების რეგრესის მაჩვენებელი (ობიექტური პასუხი) % 42 იყო % 27-ის წინააღმდეგ.
- დაავადების მკურნალობით სრული გაქრობის, ანუ რადიოლოგიური სრული პასუხის მაჩვენებელი % 9 აღმოჩნდა % 1-ის წინააღმდეგ. ცუდი რისკის ჯგუფში თითქმის ყოველ 10 პაციენტში ერთის სრული პასუხი განსაკუთრებით სასიხარულოდ შეფასდა.
- ყველა პაციენტის ანალიზში 1-წლიანი საერთო გადარჩენა % 83 იყო % 77-ის წინააღმდეგ. პასუხის საერთო მაჩვენებლებიც % 39-ით % 32-ის წინააღმდეგ სტატისტიკურად მნიშვნელოვნად უკეთესი აღმოჩნდა.
- საშუალო და მაღალი რისკის ჯგუფებში იმუნოთერაპიული კომბინაცია პასუხითა და სიცოცხლის ხანგრძლივობით უკეთესი იყო, დაბალი რისკის ჯგუფში კი სუნიტინიბზე უპირატესობა არ გამოვლინდა.
- PD-L1-ის %1-ზე მაღალი დონის მქონე ჯგუფში იმუნოთერაპიული კომბინაციით 1 წელიწადში პაციენტები ერთი მესამედით მეტად ცოცხლობდნენ.
- მიუხედავად განსხვავებული გვერდითი ეფექტებისა, ორივე მკურნალობის გვერდითი მოვლენები მართვადია.
- რა გვერდითი ეფექტები აქვს იმუნოთერაპიის წამლებს და როგორ მკურნალობენ?
შედეგად კვლევაში ახლად დიაგნოსტირებული შორსწასული ნათელუჯრედოვანი თირკმლის კიბოს საშუალო და ცუდი რისკის პაციენტებში კომბინირებული იმუნოთერაპიით უკეთესი წარმატება მიიღეს.
ამ შედეგებმა ახლო მომავალში განსაკუთრებით საშუალო და მაღალი რისკის ჯგუფებში კომბინირებული იმუნოთერაპიის კვლევებს გზა გაუხსნა. მიღწევებს თქვენთვის დავაკვირდებით.
შეიძლება დაგაინტერესოთ
წყაროები
Nivolumab plus Ipilimumab versus Sunitinib in Advanced Renal-Cell Carcinoma.
N Engl J Med. 2018 Apr 5.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.