Tisotumab Vedotin-tftv-მა საშვილოსნოს ყელის კიბოსთვის FDA-ის ნებართვა მიიღო

ქიმიოთერაპიის დროს ან მის შემდეგ დაავადების პროგრესირების მქონე, რეციდივირებული ან მეტასტაზური სერვიქსის (საშვილოსნოს ყელის) კიბოს მქონე ზრდასრული პაციენტებისთვის ქსოვილოვანი ფაქტორის წინააღმდეგ მიმართული ანტისხეულისა და მიკრომილაკების ინჰიბიტორის კონიუგატს, tisotumab vedotin-tftv-ს (Tivdak, Seagen Inc.), 2021 წლის 20 სექტემბერს FDA-მ (აშშ-ის სურსათისა და წამლის ადმინისტრაციამ) დაჩქარებული ნებართვა მიანიჭა.

FDA-ის დაჩქარებული ნებართვის შემდეგ ტრადიციული დამტკიცება

2024 წლის 29 აპრილს FDA-მ ტრადიციული ნებართვა მიანიჭა tisotumab vedotin-tftv-ს (Tivdak, Seagen Inc., რომელიც ახლა Pfizer Inc.-ის შემადგენლობაშია) ქიმიოთერაპიის შემდეგ პროგრესირებული რეციდივირებული ან მეტასტაზური საშვილოსნოს ყელის კიბოს მქონე პაციენტებისთვის. Tisotumab vedotin-tftv-ს ამ ჩვენებისთვის მანამდე დაჩქარებული ნებართვა ჰქონდა მიღებული.

რეგულარული დამტკიცება innovaTV 301 (NCT04697628) კვლევას ეფუძნება. ამ ღია, აქტიურად კონტროლირებულ, მულტიცენტრულ, რანდომიზებულ კვლევაში ჩაირიცხა საშვილოსნოს ყელის კიბოს მქონე 502 პაციენტი, რომლებსაც მანამდე ერთი ან ორი სისტემური მკურნალობის რეჟიმი ჰქონდათ მიღებული.

• კვლევის მთავარი ეფექტიანობის საზომი, საერთო გადარჩენის მედიანური ხანგრძლივობა, tisotumab vedotin-ის ჯგუფში 11,5 თვე იყო (95% სანდოობის ინტერვალი: 9,8 - 14,9), ქიმიოთერაპიის ჯგუფში კი — 9,5 თვე (95% სანდოობის ინტერვალი: 7,9 - 10,7) (საფრთხეთა თანაფარდობა [HR]: 0,70, p-მნიშვნელობა: 0,0038).
• პროგრესირების გარეშე გადარჩენის მედიანური ხანგრძლივობა tisotumab vedotin-ის ჯგუფში 4,2 თვე იყო (95% სანდოობის ინტერვალი: 4,0 - 4,4), საკონტროლო ჯგუფში კი — 2,9 თვე (95% სანდოობის ინტერვალი: 2,6 - 3,1) (HR: 0,67, p-მნიშვნელობა: <0,0001).
• დადასტურებული ობიექტური პასუხის მაჩვენებელი tisotumab vedotin-ის ჯგუფში 17,8% იყო (95% სანდოობის ინტერვალი: 13,3 - 23,1), საკონტროლო ჯგუფში კი — 5,2% (95% სანდოობის ინტერვალი: 2,8 - 8,8) (p-მნიშვნელობა: <0,0001).

ამ კვლევის შედეგებმა წინა დაჩქარებული ნებართვის შემდეგ აუცილებელი პოსტმარკეტინგული მოთხოვნები შეასრულა.

innovaTV 204 კვლევით მიღებული FDA-ის პირველი ნებართვა

ნებართვა ეფუძნება ღია, მულტიცენტრულ, ერთჯგუფიან კლინიკურ კვლევას სახელწოდებით innovaTV 204. კვლევაში ჩართული რეციდივირებული ან მეტასტაზური საშვილოსნოს ყელის კიბოს მქონე 101 პაციენტს მანამდე პლატინაზე დაფუძნებული ქიმიოთერაპია ჰქონდა მიღებული, თუმცა მკურნალობის 2 ხაზზე მეტი არ ჩაეტარებინა. პაციენტების 69%-ს წინა სისტემური მკურნალობის ფარგლებში bevasizumab ჰქონდა მიღებული. პაციენტები დაავადების პროგრესირებამდე ან მიუღებელ ტოქსიკურობამდე ყოველ 3 კვირაში 2 mg/kg tisotumab vedotin-tftv-ს იღებდნენ.

შედეგები

კვლევაში დაგეგმილი ეფექტიანობის მთავარი საზომი იყო ობიექტური პასუხის მაჩვენებელი .

• Tisotumab vedotin-tftv-ით ობიექტური პასუხის მაჩვენებელი 24% იყო (95% სანდოობის ინტერვალი: 15,9% - 33,3%) და
• პასუხის მედიანური ხანგრძლივობა 8,3 თვეიყო (95% სანდოობის ინტერვალი: 4,2 - ზედა სანდოობის ზღვარი ჯერ მიღწეული არ იყო).

ყველაზე გავრცელებული (≥25%), ლაბორატორიული დარღვევების ჩათვლით, არასასურველი რეაქციებიაჰემოგლობინის შემცირება, დაღლილობა, ლიმფოციტების შემცირება, გულისრევა, პერიფერიული ნეიროპათია, ალოპეცია, ცხვირიდან სისხლდენა, კონიუნქტივის არასასურველი რეაქციები, სისხლდენა, ლეიკოციტების შემცირება, კრეატინინის მომატება, თვალის სიმშრალე, სისხლდენის დროის გახანგრძლივება (PT-ის მატება), აქტივირებული ნაწილობრივი თრომბოპლასტინის დროის გახანგრძლივება (aPTT-ის მატება), დიარეა და გამონაყარი. პროდუქტის ინსტრუქცია თვალის ტოქსიკურობის შესახებ ჩარჩოში მოთავსებულ გაფრთხილებას შეიცავს.

რეკომენდებული დოზაა2 mg/kg, რომელიც დაავადების პროგრესირებამდე ან მიუღებელ ტოქსიკურობამდე ყოველ 3 კვირაში, ყოველ 30 წუთში ინტრავენური ინფუზიის სახით შეჰყავთ (100 kg-ზე მეტი წონის პაციენტებისთვის მაქსიმუმ 200 mg).

*