Hipertermiyanın kimyaterapiyaya əlavə edilməsi sarkomda yaşam müddətini artırdı

Əməliyyatdan əvvəl şişi kiçildən (neoadyuvant) kimyaterapiya ilə birlikdə regional hipertermiya tətbiqinin yumşaq toxuma sarkoması olan xəstələrin yaşam müddətini uzatdığı JAMA Oncologyadlı tibb jurnalında fevral 2018-də dərc olunan araşdırmada bildirildi.

Sarkoma nədir?

Sarkomalar əzələ, yağ, vətər və qan damarları kimi bədənin yumşaq toxumalarından inkişaf edən nadir xərçənglərdir; bütün xərçənglərin % 1-dən azını təşkil edir. Bir çox alt tipi olan yumşaq toxuma sarkomaları üçün təsirli dərmanların sayı azdır və müalicə nəticələri çox vaxt arzu edilən qədər qənaətbəxş deyil. Buna görə sarkomaların müalicəsi üçün yeni və təsirli müalicə seçimlərinin axtarışı uzun müddətdir intensiv davam edir. Digər orqanlara metastaz verməmiş və yerləşdiyi sahə ilə məhdudlaşan (lokalizə) sarkomalar üçün preoperativ (əməliyyatdan əvvəl) və ya postoperativ (əməliyyatdan sonra) radioterapiyanın cərrahiyyə ilə birləşdirilməsi standart müalicə hesab edilir. Əməliyyatdan əvvəl və ya sonra kimyaterapiya isə şişin diametri böyük, dərəcəsi yüksək və yerləşməsinə görə yüksək riskli sayılan xəstələrdə seçim kimi beynəlxalq təlimatlarda tövsiyə olunur.

• Hipertermiya - İstilik müalicəsi nədir? Xərçəng müalicəsində yeri varmı?

Hədəf şişi 40 – 43 dərəcəyə qədər qızdırmağı hədəfləyən və termoterapiya kimi də tanınan hipertermiyanın - bəzi xərçənglər üçün - kimyaterapiya və radioterapiyanın təsirini gücləndirə bildiyi və immun sistemini stimullaşdıraraq bir növ immunoterapiya kimi təsir etdiyi əvvəllər aparılmış çoxsaylı elmi araşdırmalarla göstərilmişdi.

Hipertermiyanın yumşaq toxuma sarkomasında effektivliyini qiymətləndirməyi hədəfləyən bu açıq etiketli, faza 3 klinik araşdırmayaerkən mərhələdə olmasına baxmayaraq, şişi yerli olaraq irəlilədiyi üçün dərhal əməliyyat edilə bilməyən yüksək riskli 341 xəstə daxil edildi.

Xəstələr 2 qrupa ayrıldı; bir qrupa 4 kurs standart neoadyuvant kimyaterapiya (doksorubisin, ifosfamid və etoposid) verilərkən, digər qrupa kimyaterapiyaya əlavə olaraq regional hipertermiya tətbiq edildi.

Araşdırmanın nəticələrinə görə;

• Xəstələr median olaraq 11.3 il izlənildi.
• Xəstələrin % 67-də (220 xəstə) xərçəngin təkrarlanması müşahidə edildi və % 57-si həyatını itirdi (188 xəstə).
• Hipertermiya ilə birlikdə kimyaterapiya alan xəstələrdə müalicə ilə xəstəliyə yerli nəzarət göstəricisi (yerli proqressiyasız sağqalım) yalnız kimyaterapiya alanlarla müqayisədə % 35 daha yaxşı idi.
• Araşdırmanın ən mühüm nəticəsi olaraq, hipertermiya ilə kimyaterapiyanın birlikdə tətbiqi xəstələrin % 27-də ümumi yaşam müddətini əhəmiyyətli dərəcədə uzatdı.
• Hipertermiya ilə birlikdə kimyaterapiya alanların 5 illik sağqalım göstəricisi % 63 olduğu halda, yalnız kimyaterapiya alanlarda bu göstərici % 51 tapıldı; 10 illik sağqalım isə % 53-ə qarşı % 43 idi.

Tək kimyaterapiyanın yaşam müddətinə əhəmiyyətli töhfəsi göstərilə bilmədikdə araşdırma dayandırıldı.

Nəticə olaraqneoadyuvant müalicəyə ehtiyacı olan yumşaq toxuma sarkomalı xəstələrin müalicəsinə regional hipertermiyanın əlavə edilməsi təsirli müalicə seçimi kimi görünür.