İmmunoterapiya prostat xərçəngində də effektiv oldu və bu şişin metastazını dayandıra bilər

İmmunoterapiyalarimmun sistemin xərçəng hüceyrələrini tanımasını təmin edərək effektiv müalicə imkanı təqdim edir. İndiyədək FDA təsdiqli Spliuecel T dendritik hüceyrə peyvəndindən başqa immun müalicələrin prostat xərçəngində ömür müddətini artırdığına dair tədqiqat yox idi. ASCO 2018-dətəqdim edilmiş araşdırmada ilk dəfə immun sistemin nəzarət nöqtəsi inhibitorunun prostat xərçəngi xəstələrində fayda verdiyi göstərildi.
- Əlaqəli mövzu: Sipuleucel-T (Provenge) prostat xərçəngi peyvəndi necə işləyir, hansı xəstələrə uyğundur?
Tədqiqat Londondakı Xərçəng Araşdırmaları İnstitutunda həm dosetaksel adlı kimyaterapiyaya, həm də kastrasiyaya (hormon supressiyasına) davamlı 258 prostat xərçəngi xəstəsində aparıldı. Klinik tədqiqatzamanı xəstələrə pembrolizumab (Keytruda) adlı, PD-1-əqarşı immun sistemin nəzarət nöqtəsi inhibitoru verildi.
Tədqiqatın nəticəsində:
- Prostat xərçəngi xəstələri pembrolizumabla müalicə edildikdə daha uzun ömür müddətinə malik olduqları müşahidə edildi.
- Mövcud müalicələrə davamlı belə bir xəstə qrupunun % 38-inin 1 ilin sonunda hələ yaşadığı görüldü. % 11-ində şişin irəliləməsi və böyüməsi görülmədi.
- PD-L1-inmüsbət və ya mənfi olması pembrolizumaba cavaba əhəmiyyətli təsir etmədi.
- Xəstələrin % 5-ində müalicədən sonra şişin demək olar ki, tam kiçildiyi və ya yox olduğu müşahidə edildi. Bu xəstələrdə DNT təmir genləridaxilində mutasiya olduğu müəyyən edildi. Tədqiqatçılara görə bu tip mutasiyalı xərçəng hüceyrələri immun sistem tərəfindən daha asan məhv edilir.
Bəs bu tədqiqat bizə nə ifadə edir?
- Prostat xərçəngində yeni nəsil immunoterapiyalar olan immun sistemin nəzarət nöqtəsi inhibitorlarının fayda verdiyini göstərən ilk tədqiqatdır.
- Prostat xərçəngi kimi solid (bərk, orqan) şişlərdə immunoterapiyalar xəstələrin təxminən yarısında fayda verə bilmir. Bunun səbəbi şiş mikromühitindəimmun sistemi basqılayan hüceyrələrin olmasıdır. Bu tədqiqatda dərmana cavab verən xəstələrin genetik quruluşu araşdırılaraq biomarkerlər müəyyən edilə bilər. Bununla immunoterapiyaların hansı xəstəyə faydalı olacağı əvvəlcədən təxmin edilə bilər.
- DNT təmir genlərində mutasiyaları olan xəstələrdə immunoterapiyaların faydalı olacağı düşünülür. Buna görə nəzarət nöqtəsi inhibitorları ilə DNT təmir zülalı inhibitorlarının kombinasiyası effektiv müalicə strategiyası ola bilər. Əlavə klinik tədqiqatlarla bunun təsdiqlənməsi lazımdır.
Əlaqəli mövzular:
- Prostat biopsiyalarının %40-dan çoxunun qarşısı yeni qan testi ilə alına bilər
- Yeni diaqnozlu 4-cü mərhələ prostat xərçəngində hansı müalicə seçilməlidir?
- Prostat xərçənginin müalicəsində yeniliklər – 2017 və 2018
Mənbələr
KEYNOTE-199: Pembrolizumab (pembro) for docetaxel-refractory metastatic castration-resistant prostate cancer (mCRPC).
2018 ASCO Annual Meeting - J Clin Oncol 36, 2018 (suppl; abstr 5007)
Bu məqalə sizə faydalı oldu?
Rəyiniz məzmunumuzu yaxşılaşdırmağa kömək edir.





Oxucu şərhləri
Şərhinizi paylaşın
Adınız və şərhiniz yalnız administrator təsdiqindən sonra dərc olunur. E-poçt ünvanınız ziyarətçilərə heç vaxt göstərilmir.
İlk şərhi siz yazın.