Kəvərin faydaları və sağlam zeytun yağlı kəvər yeməyi resepti

Kəvər Şərqi Aralıq dənizi və Yaxın Şərqdən, Meksikadan Çinə uzanan geniş ərazidə istehsal və istehlak olunur. Ölkəmizin isə daha çox daxili qərb hissəsində yetişir. Kəvər lif, dəmir, zülal, karbohidrat və şəkər ehtiva edir. Kəvərdə kalsium, dəmir, fosfor, kalium, maqnezium, natrium, sink, mis, flüorid, manqan və selen kimi mineralların iz (çox az) miqdarları da var. Gəlin həm qidalı, həm də aşağı kalorili bu qidanı birlikdə araşdıraq və nümunə yemək reseptini sınayaq.

Asan və sağlam zeytun yağlı kəvər yeməyi resepti

Ərzaqlar:

• 500 qram kəvər
• 1 kiçik baş soğan
• 3-4 xörək qaşığı zeytun yağı
• 2 xörək qaşığı düyü və ya bulqur
• 2 orta boy kök
• Təxminən 2 stəkan su (kəvərin üzərini 1 barmaq keçsin)
• Yarım limonun şirəsi

Kəvər yeməyinin hazırlanması:

1. Kəvərlər yaxşı yuyulur.
2. Kəvərlər 2 barmaq enində doğranır.
3. Yeməklik doğranmış soğan zeytun yağı ilə qazana qoyularaq qovrulur və bir müddət sonra kök əlavə edilir.
4. Kök 1-2 dəqiqə bişdikdən sonra kəvər ilə düyü və ya üstünlük olaraq bulqur əlavə olunur.
5. Sonda kəvərin üzərini 1 barmaq keçəcək qədər su və limon şirəsi əlavə edilərək qazanın qapağı bağlanır.
6. Hazırlanmış zeytun yağlı kəvər yeməyi orta odda təxminən 25-30 dəqiqə bişirilir.

Dincəldikdən sonra istəyinizə görə isti və ya soyuq yeyə bilərsiniz.

Kəvərin faydaları nələrdir?

Aşağı kalorili

Təxminən 89 qramlıq kəvər yalnız 50 kaloridir. Yəni qramında 0.6 kalori var. Çox aşağı enerjili olduğuna görə şorbalara, yeməklərə və omletlərə dad vermək üçün aşağı kalorili kəvəri rahatlıqla əlavə edə bilərsiniz. Buna görə kəvər daha az kalori qəbul edərək arıqlamağı asanlaşdıran qida seçimidir.

Karbohidrat, lif və şəkər

Kəvərdəki kalorinin əksəriyyəti şirin soğanda olduğu kimi tərkibindəki karbohidratdan gəlir. Bir kəvər 13 qram karbohidrat, 3 qram şəkər və 2 qram lif ehtiva edir. Təbii tərkibli və liflə zəngin olduğuna görə bu az miqdarda şəkər kökəltmir. Tərkibindəki lif uzun müddət tox qalmağınızı təmin edir. Pəhrizinizdə liflə zəngin qidalar yemək sizi ürək xəstəliklərindən, diabetdən və bəzi xərçəng növlərindən qorumağa kömək edir.

Zülal və yağ

Kəvər yağsızdır və çox az zülal ehtiva edir. Bir kəvərdə 1 qram zülal var. Qadınların gündəlik zülal ehtiyacı orta hesabla 46 qram, kişilərin isə 56 qram göstərilir. Ət kimi zülallı və yağlı, lakin lifsiz qidalarla birlikdə yeyə bilərsiniz. Yeməklərinizdə müxtəliflik mühümdür. Kəvərin yanında bir kasa qatıq da həmin yeməyin zülal dəyərini artırır.

Vitaminlər və minerallar

Kəvər aşağı kalorili, bununla belə A və C vitaminləri baxımından əla qida mənbəyidir. Həmçinin dəmir baxımından mühümdür və az miqdarda kalsium da ehtiva edir. A vitamini göz sağlamlığı üçün mühümdür. A və C vitaminlərinin kifayət qədər qəbulu immun sistemi üçün mühümdür. Həmçinin dəmir və kalsium sağlamlığınız üçün çox mühüm minerallardır. Dəmirorqanlara, əzələlərə və toxumalara oksigen daşıyır. Kalsium isə sümüklərinizi və dişlərinizi gücləndirərək sağlamlıqlarını qoruyur. Kəvər çiy yeyildikdə daha çox kalsium qəbul edilir.

Qeyd; Zeytun yağlı yeməklərə şəkər əlavə etməyi kalori qəbulunu artırdığı üçün tövsiyə etmirik. Duzu isə hər kəsin qəbul edə biləcəyi miqdar fərqli olduğundan bişirərkən deyil, süfrədə əlavə etməyə üstünlük verə bilərsiniz.

Əlaqəli mövzu

Sağlam yemək reseptləri bölməmizə keçmək üçün