Sarkomda HER2 hədəfli CAR T hüceyrəvi immunoterapiya ilə iki tam cavab!

Aprel 2019-da Atlantada Amerika Xərçəng Araşdırmaları Birliyinin (AARC) 2019 Konqresində diqqətçəkən araşdırmaların ilkin nəticələri verildi. Biri seçimləri məhdud, nadir xərçənglərdənolan yumşaq toxuma sarkomlarının müalicəsində hüceyrəvi immunoterapiya CAR T-nin faza-1 nəticələri idi.

Aşağıdakı videoda, canlı xərçəng dərmanı CAR-T-nin hazırlanması və tətbiqi görünür (türkcə altyazı seçilə bilər).

Nəticələrə görə, kimyaterapiyanın HER2-yə qarşı kimerik antigen reseptorlu (CAR) T hüceyrələri ilə birləşdirilməsi HER2-müsbət sarkomlu uşaq və yetkinlərdə həm təsirli, həm təhlükəsiz idi.

Təkrarlayan və ya müalicəyə davamlı sarkoması olan uşaqlar və yetkinlərin müalicə seçimləri məhduddur. Müəyyən sarkoma növlərində sağaldıcı xilasetmə rejimləri mövcuddur, lakin uğur şansı aşağıdır və müalicələrin çoxlu yan təsiri ola bilər.

Böyümə və çoxalmada iştirak edən HER2 reseptoru, osteosarkomların (sümük xərçəngi) %40-na qədərində müsbət ola bilər. Digər sarkomlarda HER2 faizi məlum deyil. HER2 daha aqressiv biologiya ilə bağlıdır; əvvəlki işlər HER2-yə yönələn müalicənin HER2-müsbət sarkomda təsirini göstərib.

Houston Baylor Tibb Kollecindən gənc tədqiqatçı Dr. Shoba Navai deyir: «Təcrübələrimiz HER2-yə yönələn CAR T-nin anti-HER2 anticisim dərmanı olmasa da sarkomda təsirli ola biləcəyini göstərdi.»

Əvvəl müalicə almış irəli sarkomlulara aşağı dozalı, sümük iliyini basdıran kimyaterapiyadan (siklofosfamidlə və ya onsuz fludarabin) sonra üç doza HER2-yə qarşı CAR T verildi. Cavab verənlər kimyaterapiyasız əlavə beş CAR T müalicəsi aldılar.

Nəticələr

• Navai-nin məlumatları 4 ilə 54 yaşlı 10 xəstəyə əsaslanırdı: davamlı, metastatik HER2-müsbət sarkom (5 osteosarkom, 3 rabdomiosarkom, 1 Ewing və sinovial sarkom).
• İnfuziyadan sonra dəyişdirilmiş CAR T-nin çoxalması ikisi xaric hamıda təsdiqləndi. Median zirvə 7-ci gün idi, 6 həftə sonra hamıda hüceyrələr tapıldı.
• İkisində tam cavab (bütün əlamətlərin itməsi), dördündə sabit, dördündə irəliləyən xəstəlik görüldü.
• Yan təsirlər mülayim idi; fürsətçi infeksiya, ağciyər və ürək toksikliyi, neyrotoksiklik müşahidə olunmadı.

Şərh

Bu, seçimləri məhdud sarkomda təsirli və ümidverən nəticəli kiçik faza I işidir. Buna görə solid (bərk/orqan) xərçənglərin daha böyük qruplarında CAR T hüceyrəvi immunoterapiyaları sürətlə sınanmağa başlayacaq. CAR T-nin orqan xərçənglərində istifadəsində mühüm inkişaflar