Süd vəzi xərçəngi həyatımı dəyişdi, lakin dəyişiklik müsbət idi

Mübarizə aparmış xəstə kimi həyatda yeni məqsədim var: digər qadınların xərçəng müalicəsi prosesində güclənməsinə kömək etmək!

Öz-özümə süd vəzi müayinəsindən həmişə uzaq durmuşam, çünki sıx süd vəzi quruluşuna görə düyün və ya kütləni anlaya bilmirdim. Əvəzində müntəzəm illik mammoqrafiya etdirirdim. Dörd il əvvəl nəticə mənfi çıxmış və rahatlamışdım. Lakin həkim hesabatına görə sıx toxumaya görə əlavə ultrasəs lazım idi. Ultrasəsdən sonra solda mammoqrafiyada görünməyən kiçik kütlə tapıldı.

Şanslı idim! Biopsiyanın patoloji və radioloji nəticələrində 1-ci mərhələ süd vəzi xərçəngi görüldü. Cərrah əvvəl süd vəzi qoruyucu əməliyyat lumpektomiyadan sonra radioterapiya təklif etdi. Lakin diaqnozdan hər iki vəzinin götürülməsinə güclü hissim vardı; xərçəngdən tam qurtulmaq üçün daha fəal davranmalı olduğumu düşünürdüm. Sonra mammoqrafiyada gizli və ya ultrasəsdə tapılmayan daha çox xərçəng və ya təkrarlanma ilə qarşılaşmaq istəmirdim.

Soldakı xərçəng kiçik və dərin idi, sağda əlamət yox idi, lakin profilaktik mastektomiya (hər ikisinin qoruyucu çıxarılması) istədim. Çünki Aşkenazi yəhudisi mənşəyim var və bu, BRCA mutasiyası üçün yüksək riskdir. Mutasiya üçün genetik test etdirmişdim. İki gənc qız anası kimi amillər məni narahat edir, onların gələcəyini düşünürdüm. Riski azaltmaq üçün lazım olanı etməliydik.

- Əlaqəli mövzu: Kimlər irsi süd vəzi xərçəngi üçün genetik test verməlidir?

Çətin seçimlər etmək

Genetik test BRCA2-müsbət olduğumu göstərdi və bu, ikitərəfli qoruyucu əməliyyat və estetik rekonstruksiya istəyimi artırdı. Artmış yumurtalıq xərçəngi riskinə görə yumurtalıqları da çıxartdırdım. Pankreas xərçəngi və bədxassəli melanoma üçün də yüksək riskimi bilir və diqqət edirəm.

Narahatlığımı dinləyən, ehtiyacımla maraqlanan və qulluğumla bağlı bütün qərarlara məni daxil edən tibbi komandam olduğu üçün şanslıyam; lakin sağalan hər kəsdə bu imkan və təcrübənin olmadığını bilirəm.

Əsas narahatlığım qızlarımdır. Kiçik qızım 27 yaşındadır; mammoqrafiyada solda böyük kütlə görünəndən sonra ona da qoruyucu ikitərəfli mastektomiya edildi. Kütlə xoşxassəli idi, lakin irsi risk və güclü narahatlığa görə əməliyyat oldu. İndi yumurtalıqlarının nə vaxt çıxarılacağını planlaşdırır. Böyük qızımda tiroid, süd vəzi və yumurtalıq xərçəngi riski artıb. O, süd vəzilərini və ya yumurtalıqlarını çıxartdırmaq barədə hələ qərarsızdır. Uşağı olmayan gənc qadınlar üçün asan qərar deyil.

Başqalarının səsi olmaq

Valideynlərimin ömrünün sonundakı sağlamlıq qərarlarında fəal iştirak edirdim. Öz diaqnozumda ən yaxşı tibbi qulluğun necə olacağını bilirdim; radikal müalicə seçib genetik testləri izləyərək həyatımı xilas edə bilərdim.

Diaqnozdan bəri çoxlu dəstək qrupuna qoşuldum; müalicə və yan təsirlərlə bağlı tərəddüdü olan qadınlarla tanış oldum. Danışdım, çünki həkimlərinə görə məyus və ya qəzəbli olmasını istəmirəm. Köməkdən xoşbəxtəm və aldıqları qulluq barədə hisslərinə diqqət edib onkoloq və tibbi komanda barədə narahatlığı varsa danışmağı tövsiyə edirəm. Qorxular deyilməli, həll axtarılmalıdır. Axı bədənimizi ən yaxşı biz bilirik.

Dolu yaşamaq

Xərçəng məni dəyişdi, lakin dəyişiklik müsbət oldu. Yeni məqsəd tapdım, digər qadınların xərçəng təcrübəsində güclənməsinə və güc tapmasına köməkdən çox məmnunam. Xərçəng istəmirdim, lakin həyatıma müsbət tərəflər də qatdı.

.

Yazımız Sherri Rosenthalın ascopost saytına müsahibəsinin tərcüməsidir. Bu şəxs irsi süd vəzi xərçəngi olanlar necə izlənməli və müalicə edilməlidir sualına yaxşı nümunədir. Lakin irsi olmayan süd vəzi xərçəngində sağlam digər süd vəzisinin əməliyyatı, lazımsız olmaqla yanaşı xərc yaradır və həyat keyfiyyətini azaldır. Bütün xərçənglər eyni müalicə edilmir; qərara təsir edən onlarla risk amili və xəstəyə bağlı vəziyyət var. Tibbi onkoloq bütün əvvəlki-sonrakı gedişi bilən şəxs kimi hansı müalicələrin uyğun və uyğun olmadığını sizin də fəal iştirak etdiyiniz qərar prosesində müəyyən edəcək.