Süd vəzi xərçəngində qoruyucu Herceptin müalicəsi 6, yoxsa 12 ay olmalıdır?

Süd vəzi xərçəngi qadınlarda ən çox görülən xərçəngdir. HER2 müsbət süd vəzi xərçəngibütün halların %20-sidir. Əvvəllər HER2 reseptorunun overekspressiyası (artıq çoxalması) tez təkrarlanma və qısa ömürlə birlikdə ikən indi kimyaterapiya ilə HER2 reseptorunu basdıran molekulyar hədəfli ağıllı dərmanlar nəticələri xeyli yaxşılaşdırır.

HER2 hüceyrə membranında reseptordur, epidermal böyümə faktoru zülal ailəsinin üzvüdür. Normal hüceyrədə 20 min HER2 reseptoru varsa, HER2 müsbət xərçəngdə 2 milyondur.

HER2-yə yönəlmiş ağıllı dərmanımız Herceptin (təsiredici maddə trastuzumab) həm HER2 reseptoruna bağlanaraq digər reseptorlarla qarşılıqlı təsir edib hüceyrəyə siqnal göndərməsinə mane olur, həm də xərçəng hüceyrəsini işarələyərək bədənin immun hüceyrələrinin onu tanıyıb məhv etməsinə kömək edir. Herceptin-in adjuvant (əməliyyatsonrası qoruyucu) istifadəsi 1 ildir.

Müddəti daha qısalda bilərikmi sualının cavabını axtaran tədqiqatda 6 ayla 12 ay trastuzumab müqayisə edildi. 4088 erkən mərhələ HER2 müsbət süd vəzi xərçəngli xəstə qiymətləndirildi. Xəstələr cəmi 5 il izlənildi. Nəticədə 6 aylıq herceptin 12 ay qədər təsirli tapıldı. Xəstəliksiz ömürdə 6 və 12 ay arasında yalnız %0.4 fərq tapıldı. Həmçinin trastuzumaba bağlı ürək toksikliyi (yan təsir) %4 az görüldü.

Müddət və toksiklik azaldığı üçün maraqla gözlənən işin təfərrüatları iyunda Amerika Xərçəng Konqresi 2018-də (ASCO18) veriləcək. Təfərrüatları və aparıcı alimlərin şərhlərini sizin üçün izləyəcəyik.