Xərçəngdən qorunmağın 10 qızıl qaydası

Tibb sahəsində aparılan bütün elmi araşdırmaların demək olar ki, yarısı xərçəng haqqındadır. Alt qrupları ilə birlikdə minə çatan növü olan bu xəstəliklər qrupunu anlamaq səylərinin minlərlə illik tarixi var. Bununla belə, son 200 ildə öyrəndiklərimiz bu xəstəliyin əslində nə olduğunu göstərə bilmişdir. Biliklərimiz artdıqca həm xərçəngdən müalicə olunanların, həm də qorunanların nisbəti hər gün artır. Buna qarşılıq həyat mövcud olduğu müddətdə xərçəng də olacaq. Elmin sürətini proqnozlaşdırmaq olduqca çətindir, lakin xərçənglərin sonda tamamilə müalicə edilə bilən xəstəliklər qrupuna çevriləcəyinə inanırıq.

Artıq bilirik ki, xərçəng hüceyrə səviyyəsində genetik xəstəlikdir. Burada genetik sözü ilə nəzərdə tutulan bütün xərçənglərin irsi olması deyil, bir hüceyrənin xərçəngləşməsi üçün genetik quruluşunun, yəni DNAməlumatının toplanan zədələrə məruz qalmasıdır. Bəs DNA-mıza xərçəng yaratmağa məcbur edəcək şəkildə zərər verənlər nələrdir? Xərçəngin səbəblərini öyrənə bilsək, xərçənglərin ən azı yarısının qarşısını ala bilərik!

Xərçəng eyni zamanda qocalıq xəstəliyidir. Hüceyrələrin yaşlanması, DNA təmir sistemlərinin qabiliyyətinin zamanla azalması və şəxsdən şəxsə fərqlənməsi, yaşla immun sisteminin zəifləməsi və həyatboyu məruz qalınan kanserogenlərin toplanan təsiri səbəbindən xərçənglər əsasən yaşlılıqda müşahidə olunur. Bununla belə, xərçənglərin əhəmiyyətli dərəcədə qarşısı alına bilər. Aşağıda təfərrüatı ilə araşdıracağımız bir sıra ekoloji amillərinxərçəngin yaranması ilə sıx əlaqəsi sübut edilmişdir və ekoloji amillər qarşısının alınması ən asan olan xərçəng amilləridir.

Marağınızı çəkə bilər:

• Xərçəng yaradan maddə nə zaman xərçəng yaradır?