აქტინიუმის ალფა-თერაპიის ეფექტიანი შედეგები პროსტატის კიბოს 4. სტადიაზე
ამ სტატიაში
შორსწასული, მეტასტაზური, კასტრაციისადმი (ჰორმონების დათრგუნვისადმი) რეზისტენტული პროსტატის კიბოს მქონე მამაკაცებში მკურნალობის არჩევანი შეზღუდულია, თუმცა რადიოაქტიური ალფა-ტალღების გამომყოფი აქტინიუმით მკურნალობის ახალი პროტოკოლი იმედისმომცემია. 2017 და 2018 წლებში გამოქვეყნებულ კვლევებში პროსტატასპეციფიკური მემბრანული ანტიგენის (PSMA) დადებითი სიმსივნის პაციენტებმა აქტინიუმ-225 მიზნობრივი ალფა-თერაპიით მეტი სარგებელი მიიღეს, ვიდრე ბეტა-ტალღების გამომყოფი ლუტეციუმით.
რა არის აქტინიუმი?
აქტინიუმი პერიოდული სისტემის 3B ჯგუფის 7. პერიოდის რადიოაქტიური ელემენტია, ატომური ნომრით 89 და ატომური მასით 227. აქტინიუმ-225 მისი რადიოაქტიური ალფა-ტალღების გამომყოფი იზოტოპია.
როგორ ტარდება აქტინიუმით მკურნალობა პროსტატის კიბოში?
ბირთვული მედიცინის მოლეკულური მეთოდები, კონკრეტული უჯრედების სპეციფიკურ რეცეპტორებზე რადიოაქტიური ნივთიერების მიერთებით გამოსახვასა და მკურნალობას უზრუნველყოფს. პროსტატის კიბოს უჯრედთა უმეტესობა ზედაპირზე PSMA-ს ატარებს. აქტინიუმით მკურნალობისას მოკლეტალღოვანი, უჯრედის მომაკვდინებელი ალფა-გამოსხივების გამომყოფი აქტინიუმ-225 მატარებელი მოლეკულით PSMA-ს მეშვეობით უჯრედს უკავშირდება და ანადგურებს. პროცედურა PET-BT აპარატით ტარდება და PSMA-Actinium-225 (Ac-225) PET-BT ეწოდება.
ონკოლოგიაში საუკეთესო გამოსახულებით მეთოდად მიჩნეული „სტანდარტული“ PET-BT პროსტატის კიბოს შეფასებაში საკმარისად წარმატებული არ არის. მიზეზია გლუკოზის, ანუ შაქრის გამოყენება, რომელსაც პროსტატის კიბოს უჯრედები მცირედ მოიხმარს. PSMA-PET კი უჯრედის ზედაპირულ PSMA ცილას იყენებს, უკავშირდება და გამოსახავს მას. ამ მეთოდისთვის შექმნეს PSMA-თან დამაკავშირებელი ანტისხეულოვანი მატარებლისა და რადიოაქტიური ნივთიერების მოლეკულა. ანტისხეული PSMA-ს უკავშირდება, მასზე მიერთებული რადიოაქტიური ნივთიერება (მაგალითად აქტინიუმ-225) კი გამოსახვასაც და უჯრედის განადგურებასაც უზრუნველყოფს. თეორიულად, სხეულში გავრცელებული (მეტასტაზირებული ) ერთი უჯრედის პოვნაც შეიძლება.
თებერვალში 2018 წელს Journal of Clinical Oncologyჟურნალში გამოქვეყნებულმა კვლევამ აჩვენა, რომ აქტინიუმ-225 შესაძლოა სხვა მიზნობრივ მოლეკულურ რადიონუკლიდურ მკურნალობაზე, ლუტეციუმ-177-ზე ეფექტიანი იყოს. ჩართეს მინიმუმ 3-4 წინა ხაზის მიმღები, მეტასტაზური პროსტატის კიბოს მქონე 11 პაციენტი. აქტინიუმით საერთო გადარჩენის მედიანა 12.6 თვე იყო. 11 პაციენტიდან 8-ს %50-ზე მეტი PSA პასუხი ჰქონდა. გვერდითი ეფექტად ყველას ზომიერი (ხარისხი 2-3) ქსეროსტომია (პირის სიმშრალე) ჰქონდა.
საბოლოოდ, PSMA-Ac-225 მკურნალობამ შორსწასულ მეტასტაზურ პროსტატის კიბოში მნიშვნელოვანი კლინიკური, ბიოქიმიური და რადიოლოგიური პასუხები გამოიწვია და ამ ჯგუფისთვის იმედისმომცემად შეიძლება ჩაითვალოს.
დაკავშირებული თემები:
წყაროები
Clinical experience with PSMA-Actinium-225 (Ac-225) radioligand therapy (RLT) in end-stage metastatic castration-resistant prostate cancer (mCRPC) patients.
Journal of Clinical Oncology, February 2018.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.