კომბინირებული იმუნოთერაპია იშვიათი გინეკოლოგიური კიბოების მკურნალობის ახალ არჩევანად გვევლინება

„იმუნური საკონტროლო წერტილების ინჰიბიტორებად“ კლასიფიცირებულ ახალი თაობის იმუნოთერაპიებსშორის იპილიმუმაბისა და ნივოლუმაბისახალმა კომბინაციამ, ASCO 2020 ვირტუალურ კონგრესზე წარსადგენი კვლევის მიხედვით, იშვიათი გინეკოლოგიური კიბოს მქონე პაციენტებს მკურნალობის კარგი შედეგების შესაძლებლობა შეიძლება შესთავაზოს.

გინეკოლოგიური (ქალებისთვის სპეციფიკური, სასქესო გზების) კიბოების ხსენებაზე პირველ რიგში საშვილოსნოს, ცერვიქსისა (საშვილოსნოს ყელის) და საკვერცხის ჩვეულებრივი კიბოები გვახსენდება. ამ კვლევაში გინეკოლოგიური კიბოების შემდეგი იშვიათი ქვეტიპები ჩართეს:

იშვიათი კიბოები ახალი პრეპარატების შემუშავება ონკოლოგიის სამწუხაროდ ნელა განვითარებადი სფეროა და ამ დაავადებების მკურნალობაში დიდი დაუკმაყოფილებელი სამედიცინო საჭიროებაა. ამასთან, გინეკოლოგიური კიბოების იშვიათი ტიპები მათი მნიშვნელოვანი ნაწილია — დაახლოებით 55-60% — და ამიტომ მათთვის ახალი მკურნალობა უნდა ვიპოვოთ.

იმუნოთერაპიები, განსაკუთრებით იმუნური საკონტროლო წერტილების ინჰიბიტორები, იმუნური სისტემისკიბოს წინააღმდეგ გააქტიურებით სიმსივნეების მოსაშორებლად ან საკონტროლოდ მკურნალობის ახალ შესაძლებლობად იქცა. მაგალითად, CTLA-4 ინჰიბიტორ იპილიმუმაბთან კომბინირებული PD-1 ბლოკერი ნივოლუმაბი ეფექტიანია მოწინავე მელანომის, თირკმლის ან ფილტვის კიბოს დროს. თუმცა აქამდე მხოლოდ მცირე რაოდენობის კვლევებმა შეისწავლა ამ კომბინაციის მნიშვნელობა იშვიათ გინეკოლოგიურ კიბოებში.

II ფაზის კვლევა იშვიათ გინეკოლოგიურ კიბოებში კომბინირებული იმუნოთერაპიის შესაფასებლად

იშვიათი გინეკოლოგიური სიმსივნის მქონე 41 პაციენტი II ფაზის კლინიკურ კვლევაშიჩაერთო. პირველი 4 დოზისთვის ყოველ 3 კვირაში ეძლეოდათ 3 mg/kg ნივოლუმაბი და 1 mg/kg იპილიმუმაბი; შემდეგ პროგრესირებამდე ყოველ 2 კვირაში 3 mg/kg ნივოლუმაბით აგრძელებდნენ. პირველადი საბოლოო წერტილი კლინიკური სარგებლის მაჩვენებელი იყო (სრული პასუხი პლუს ნაწილობრივი პასუხი პლუს სტაბილური დაავადება). მეორეული წერტილები მოიცავდა ეფექტიანობის შესაძლო კავშირს კონკრეტულ პროგნოზულ ბიომარკერებთან (მაგალითად, PD-L1, სიმსივნის მუტაციურ დატვირთვასთან).

კვლევის შედეგები

• 41 პაციენტიდან 39-ს მანამდე სულ მცირე ერთი ხაზის სხვა მკურნალობა ჰქონდა მიღებული.
• 11 პაციენტში (27%) ობიექტური პასუხი, კიდევ 9-ში სტაბილური დაავადება დაფიქსირდა, რაც კლინიკური სარგებლის 49%-იან მაჩვენებელს ნიშნავს.
• პაციენტების თითქმის ორ მესამედს (63%) იმუნურ სისტემასთან დაკავშირებული გვერდითი ეფექტი ჰქონდა, თუმცა პროფილი თირკმლისა და კოლორექტული კიბოს დროს ამ კომბინაციის გამოყენებისას ნანახს ჰგავდა.

თუ ამ II ფაზის კვლევის მონაცემებს უფრო მოწინავე, პაციენტების შემთხვევითი შერჩევით ჩატარებული III ფაზის კლინიკური კვლევა დაადასტურებს, შედეგები ონკოლოგებს იშვიათი გინეკოლოგიური სიმსივნეების მქონე პაციენტებისთვის, განსაკუთრებით ახალგაზრდა ქალებისთვის, მკურნალობის არჩევისას ახალ საშუალებას მისცემს.

Klein-მა და კოლეგებმა განაცხადეს, რომ შედეგების დასადასტურებლად რანდომიზებულ კვლევას გეგმავენ უფრო ფართო ჯგუფში, რომელშიც არა მხოლოდ გინეკოლოგიური, არამედ მრავალი სხვა იშვიათი კიბოს მქონე პაციენტებიც იქნებიან.