კვებავს თუ არა შაქარი კიბოს?
ამ სტატიაში
კიბოს ბევრი პაციენტი ხშირად ისმენს ისტორიებს, რომ შაქარი კიბოს კვებავს. ეს პაციენტებს შაქრის მიღების შესახებ აწუხებს. ყველა უჯრედს, კიბოს უჯრედების ჩათვლით, ენერგიისთვის შაქარი (სისხლის შაქარი) სჭირდება. არ არსებობს სამეცნიერო მტკიცებულება, რომ მეტი შაქრის მიღება კიბოს უჯრედებს კვებავს. ისევე, როგორც ნაკლები შაქარი უჯრედების ნელ ზრდას არ უზრუნველყოფს.
რეალური პრობლემაა, რომ ზედმეტი შაქარი კიბოს რისკის გამზრდელ ცხიმის დაგროვებასა და სიმსუქნესუწყობს ხელს. საუბარია შაქრებზე, რომლებიც ტკბილი სასმელების, ორცხობილების, ნამცხვრებისა და სხვა ულტრადამუშავებული საკვებისდამზადებაში გამოიყენება. ამ შაქრებს ძალიან დაბალი კვებითი ღირებულება აქვს. კალორიის მიწოდების გარდა დიეტაში მცირე წვლილი შეაქვს. მათ არაჯანსაღი წონის მატება შეიძლება გამოიწვიოს. რაფინირებული შაქრით მდიდარი საკვები ინსულინრეზისტენტობას, გულ-სისხლძარღვთა დაავადებებს და სიმსუქნეს შეიძლება იწვევდეს. სიმსუქნის მიერ კიბოს რისკის ზრდის მტკიცებულებები კი მკაფიოა.
უნდა შევწყვიტო შაქრის მიღება?
"კიბოს მკურნალობის მთელი პერიოდის განმავლობაში ყველა შაქარი უნდა ამოვიღო ჩემი ცხოვრებიდან?“ თუ იკითხავთ, პასუხი „არა!“ იქნება.
მკურნალობისას შეიძლება იყოს პერიოდები, როდესაც კალორიების მიღება არ უნდა შეწყვიტოთ ან გაუწყლოებას უნდა მოერიდოთ. ასეთ დროს კალორიის წარმომავლობა ნაკლებად მნიშვნელოვანია. მიუხედავად ამისა, პაციენტები და ახლობლები შეიძლება რძიანი ბრინჯის პუდინგისა და მუჰალების მსგავსი ტკბილი საკვების მიღებას ერიდებოდნენ. შაქრიანი / დიაბეტის პაციენტი თუ არ ხართ ან შაქრის შემზღუდველ წამალს არ იღებთ, დესერტის ერთი ნაჭრით სიამოვნება სასიხარულო შეიძლება იყოს.
ულუფის კონტროლით სასურველი ტკბილეული შეგიძლიათ მიიღოთ
მადის აღდგენასთან ერთად უფრო ჯანსაღი არჩევანი შეგიძლიათ გააკეთოთ. ონკოლოგს ან დიეტოლოგს გაესაუბროთ და თქვენთვის უკეთესი საკვები განსაზღვროთ.
ყველა შაქარი ცუდი არ არის. ხილში ბუნებრივად არსებული შაქარი დაბალანსებული დიეტის ნაწილია. სხვა ჯანსაღი შაქრებია ბოსტნეული, მთლიანი მარცვლეულის ნახშირწყლები და ნაკლებცხიმიანი რძის პროდუქტები.
არ არსებობს სამეცნიერო კვლევა, რომელიც უშაქრო დიეტის სიჯანსაღეს აჩვენებს. ამერიკის გულის ასოციაცია ქალებს 6 ჩაის კოვზზე (24 გრამი) მეტ, მამაკაცებს კი 9 ჩაის კოვზზე მეტ (36 გრამი) შაქარს არ ურჩევს.
დაკავშირებული თემა: საუკეთესო დიეტები 2020
წასახემსებელი რეცეპტები, რომელთა მიღებაც კიბოს პაციენტებს შეუძლიათ
მოცვისა და გადაწურული ყველის ბლინი
ინგრედიენტები:
- 1/3 ჭიქა უნივერსალური ფქვილი
- 1/3 ჭიქა მთლიანი მარცვლეულის ფქვილი
- 2 სუფრის კოვზი შაქარი
- 1 ჩაის კოვზი გამაფხვიერებელი
- მეოთხედი ჩაის კოვზი მარილი
- ნახევარი ჭიქა მოცვი
- 2 კვერცხი
- ნახევარი ფინჯანი რძე
- 1 სუფრის კოვზი კანოლის ზეთი/ზეითუნის ზეთი
- ნახევარი ჩაის კოვზი ვანილის ექსტრაქტი
- ნახევარი ჭიქა ფინჯანი გადაწურული ყველი
მომზადება:
თასში ფქვილი, შაქარი, გამაფხვიერებელი და მარილი აურიეთ. შემდეგ მოცვი დაამატეთ და ნარევი გვერდზე გადადეთ. კვერცხი ათქვიფეთ, რძე, ზეთი და ვანილი დაამატეთ. შემდეგ გადაწურული ყველიც შეურიეთ და ცოტა ხანს აურიეთ. შემდეგ ორივე ნარევი გააერთიანეთ. არაწებოვანი ტაფა ოდნავ გააცხელეთ. თითოეულისთვის 1 ჩაის კოვზი ზეთით ნარევი პატარა ნაწილებად მოამზადეთ. 1-2 წუთში ორივე მხარე გადაბრუნებით ღია ყავისფრამდე შეწვით. დარჩენილი ცომით იგივე გაიმეორეთ. მცირე ნეკერჩხლის სიროფით ან თაფლით შეგიძლიათ მიირთვათ.
ჟოლოს ჩიას პუდინგი
ჩიას პუდინგები ბოლო დროს საკმაოდ პოპულარული გახდა. ჩიას თესლი მდიდარია ბოჭკოთი, ცილით, კალციუმითა და მაგნიუმით.
ინგრედიენტები:
- ნახევარი ჭიქა ქოქოსის რძე/ნუშის რძე
- ნახევარი ჭიქა ახალი/გაყინული ჟოლო (სხვა ხილიც შეგიძლიათ გამოიყენოთ)
- 2-3 სუფრის კოვზი ნეკერჩხლის სიროფი ან თაფლი
- 2 სუფრის კოვზი ჩიას თესლი
მომზადება:
ქოქოსის რძე, ნეკერჩხლის სიროფი/თაფლი და ჟოლო ბლენდერში აურიეთ. გემო შეამოწმეთ. სურვილისას მეტი სიროფი ან თაფლი დაამატეთ. ჩიას თესლის დამატების შემდეგ კოვზით აურიეთ და ჯამში გადაიტანეთ. ზედაპირი საკვები ფირით დაფარეთ და სულ მცირე 4 საათი მაცივარში გააჩერეთ.
წყაროები
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.