Şəkər xərçəngi qidalandırırmı?

Xərçəng xəstələri tez-tez şəkərin xərçəngi qidalandırdığı hekayələrini eşidir. Bu, şəkərdən narahatlığa səbəb olur. Xərçəng hüceyrələri daxil bütün hüceyrələr enerji üçün şəkərə (qan şəkərinə) ehtiyac duyur. Daha çox şəkərin xərçəng hüceyrələrini qidalandırdığına elmi sübut yoxdur. Az şəkər də hüceyrələrin yavaş böyüməsini təmin etmir.

Əsas problem çox şəkərin xərçəng riskini artıran piylənməyə və obezliyətöhfəsidir. Söhbət şirinləşdirilmiş içki, peçenye, keks və digər ultraemal edilmiş qidalarınhazırlanmasında işlənən şəkərlərdən gedir. Qida dəyəri çox aşağıdır. Kaloridən başqa pəhrizə töhfəsi azdır. Qeyri-sağlam çəki artımına səbəb ola bilər. Rafinə şəkəri çox qidalar insulin müqaviməti, ürək-damar xəstəlikləri və piylənmə yarada bilər. Piylənmənin xərçəng riskini artırmasına dair tapıntılar aydındır.

Şəkəri kəsməliyəmmi?

"Xərçəng müalicəsi boyu bütün şəkərləri həyatımdan çıxarmalıyam?“ deyə soruşsanız, cavab ”Xeyr!“ olacaq.

Müalicədə kalori qəbulunu dayandırmamalı və ya susuz qalmamalı olduğunuz vaxtlar ola bilər. Belə vaxtlarda kalorinin haradan gəldiyi daha az vacibdir. Buna baxmayaraq xəstə və yaxınları südlü düyü sıyığı, pudinq kimi şirniyyatdan çəkinə bilər. Şəkər / diabet xəstəsi deyilsinizsə və ya şəkəri məhdudlaşdıran dərman almırsınızsa, bir parça şirniyyat xoşbəxtlik verə bilər.

Porsiyaya nəzarətlə istədiyiniz şirniyyatı yeyə bilərsiniz

İştahınız qayıtdıqca daha sağlam seçim edə bilərsiniz. Onkoloq və ya dietoloqla danışıb sizə daha yaxşı qidaları müəyyən edə bilərsiniz.

Bütün şəkərlər pis deyil. Meyvənin təbii şəkəri balanslı pəhrizin hissəsidir. Digər sağlam şəkərlər tərəvəz, tam taxıllı karbohidrat və azyağlı süd məhsullarıdır.

Şəkərsiz pəhrizin sağlamlığını göstərən elmi tədqiqat yoxdur. Amerika Ürək Assosiasiyası qadınlara 6 çay qaşığından (24 qram), kişilərə 9 çay qaşığından (36 qram) çox şəkəri tövsiyə etmir.

Əlaqəli mövzu: Ən yaxşı pəhrizlər 2020

Xərçəng xəstələri üçün qəlyanaltı reseptləri

Qaragilə və süzmə pendirli pankek

Ərzaqlar:

• 1/3 stəkan çoxməqsədli un
• 1/3 stəkan kəpəkli un
• 2 xörək qaşığı şəkər tozu
• 1 çay qaşığı qabartma tozu
• Dörddəbir çay qaşığı duz
• Yarım stəkan qaragilə
• 2 yumurta
• Yarım fincan süd
• 1 xörək qaşığı kanola yağı/zeytun yağı
• Yarım çay qaşığı vanil ekstraktı
• Yarım stəkan fincan süzmə pendir

Hazırlanması:

Bir qabda un, şəkər, qabartma tozu və duzu qarışdırın. Qaragilə əlavə edib kənara qoyun. Yumurtanı çırpıb süd, yağ və vanil qatın. Süzmə pendiri əlavə edib bir az da qarışdırın. Sonra iki qarışığı birləşdirin. Yapışmayan tavanı yüngül qızdırın. Hər biri üçün 1 çay qaşığı yağla qarışığı kiçik hissələrə bölüb bişirin. 1-2 dəqiqədə ön və arxanı açıq qəhvəyi olana qədər çevirərək bişirin. Qalan xəmirə də eynisini edin. Bir az ağcaqayın şərbəti və ya balla verə bilərsiniz.

Moruqlu çia pudinqi

Çia pudinqləri son vaxtlar çox məşhurdur. Çia toxumu lif, zülal, kalsium və maqneziumla zəngindir.

Ərzaqlar:

• Yarım stəkan kokos südü/badam südü
• Yarım stəkan təzə/dondurulmuş moruq (başqa meyvə də istifadə edə bilərsiniz)
• 2-3 xörək qaşığı ağcaqayın şərbəti və ya bal
• 2 xörək qaşığı çia toxumu

Hazırlanması:

Kokos südü, ağcaqayın şərbəti/bal və moruğu blenderdə qarışdırın. Dadını yoxlayın. İstəsəniz şərbət və ya balı artırın. Çia toxumu əlavə edib qaşıqla qarışdırın, kasaya tökün. Üstünü streçlə örtüb ən azı 4 saat soyuducuda saxlayın.

Bütün yemək reseptlərimiz