მაღალი სიმსივნური მუტაციური დატვირთვის მქონე ყველა სიმსივნისთვის იმუნოთერაპიულმა პრეპარატმა პემბროლიზუმაბმა FDA-ის დამტკიცება მიიღო

16 ივნისს 2020 წელს აშშ-ის სურსათისა და წამლის ადმინისტრაციამ (FDA) ქირურგიულად მოუცილებელი ან მეტასტაზური, სიმსივნური მუტაციური დატვირთვის მაღალი მაჩვენებლის (TMB-H) [TMB ≥10 თითო მეგაბაზაზე] მქონე ყველა სოლიდური/მყარი სიმსივნით დაავადებული ზრდასრული და პედიატრიული პაციენტების სამკურნალოდ პემბროლიზუმაბის (Keytruda) სახელწოდების იმუნოთერაპიულ პრეპარატს დაჩქარებული წესით დამტკიცება მისცა. ამ მიზნით პემბროლიზუმაბის გამოყენებისთვის სიმსივნური მუტაციური დატვირთვა (TMB) უნდა განისაზღვროს FDA-ის მიერ დამტკიცებული ტესტით, პაციენტის კიბო წინა მკურნალობის შემდეგ პროგრესირებული უნდა იყოს და დამაკმაყოფილებელი ალტერნატიული მკურნალობის ვარიანტები არ უნდა არსებობდეს.

ამავდროულად FDA-მ პემბროლიზუმაბისთვის თანმხლებ TMB ტესტად FoundationOneCDx ტესტიც დაამტკიცა.

კლინიკური კვლევა, რომელმაც მაღალი TMB-ის მქონე სიმსივნებისთვის პემბროლიზუმაბს FDA-ის დამტკიცება მოუტანა

პემბროლიზუმაბის ეფექტიანობა შესწავლილი იქნა მრავალცენტრულ, არარანდომიზებულ, ღია კლინიკურ კვლევაში სახელწოდებით KEYNOTE-158ჩართული, მანამდე ნამკურნალები, ქირურგიულად მოუცილებელი ან მეტასტაზური TMB-H სოლიდური/მყარი სიმსივნეების მქონე პაციენტების 10 ჯგუფის წინასწარ დაგეგმილი რეტროსპექტიული ანალიზით. პაციენტები მიუღებელი გვერდითი ეფექტის ან დოკუმენტირებული დაავადების პროგრესირებამდე ყოველ 3 კვირაში 200 mg პემბროლიზუმაბს იღებდნენ.

ეფექტიანობის მთავარი შედეგობრივი მაჩვენებლები იყო პემბროლიზუმაბის სულ მცირე ერთი დოზის მიმღებ პაციენტებში ბრმა დამოუკიდებელი ცენტრალური შეფასებით დადგენილი საერთო პასუხის სიხშირე და პასუხის ხანგრძლივობა .

კვლევის შედეგები

• სულ 102 პაციენტს (%13) ჰქონდა TMB-H-ად კლასიფიცირებული სიმსივნეები, რომლებიც განისაზღვრებოდა როგორც TMB ≥10 მუტ / Mb.
• ამ პაციენტებში საერთო პასუხის სიხშირე %29 იყო: სრული პასუხის სიხშირე %4, ხოლო ნაწილობრივი პასუხის — %25.
• ამ 102 პაციენტის %34.3-ს ჰქონდა წვრილუჯრედოვანი ფილტვის კიბო, %16.2-ს — საშვილოსნოს ყელის კიბო, %15.2-ს — ენდომეტრიუმის კიბო და %14.1-ს — ანალური კიბო; დანარჩენ %20-ს სხვა კიბოები ჰქონდა.
• მაღალი TMB-ის არმქონე ჯგუფში %12.7-ს მეზოთელიომა ჰქონდა, %12.3-ს — ნეიროენდოკრინული, %12-ს — სანერწყვე ჯირკვლის და %10.3-ს — ენდომეტრიუმის კიბო.
• TMB-H-ის მქონე პაციენტებში პემბროლიზუმაბის ანალიზის დროს პასუხის ხანგრძლივობის მედიანა მიღწეული არ იყო.
• ≥12 თვის პასუხის ხანგრძლივობას პაციენტების % 57-მა მიაღწია, ხოლო ≥24 თვისას — %50-მა.

KEYNOTE-158-ში ჩართულ TMB‑H კიბოს მქონე პაციენტებში გამოვლენილი გვერდითი ეფექტებიჰგავდა იმ გვერდით ეფექტებს, რომლებიც სხვა მყარი სიმსივნეების მქონე, პემბროლიზუმაბის მონოთერაპიის მიმღებ პაციენტებში გამოვლინდა. პემბროლიზუმაბის ყველაზე გავრცელებული გვერდითი ეფექტებია დაღლილობა, კუნთებისა და ძვლების ტკივილი, მადის დაქვეითება, ქავილი, დიარეა, გულისრევა, გამონაყარი, პირექსია/ცხელება, ხველა, ქოშინი, შეკრულობა, ტკივილი და მუცლის ტკივილი. პემბროლიზუმაბი ისეთ ეფექტებთან, როგორიცაა პნევმონიტი, კოლიტი, ჰეპატიტი, ენდოკრინოპათიები, ნეფრიტი და კანის ალერგიები — იმუნურად განპირობებულ გვერდით ეფექტებთან არის დაკავშირებული.

TMB-H მყარი სიმსივნეებისთვის პემბროლიზუმაბის რეკომენდებული დოზააყოველ 3 კვირაში 200 mg ან ზრდასრულთათვის ყოველ 6 კვირაში 400 mg; პედიატრიული პაციენტებისთვის ყოველ 3 კვირაში 2 mg / kg (მაქსიმუმ 200 mg-მდე). 

გარე შინაარსის სანახავად მართეთ პარამეტრები

გარე შინაარსის სანახავად მართეთ პარამეტრები