მანტიის უჯრედების ლიმფომის პირველი უჯრედული გენური თერაპია FDA-მ დაამტკიცა
სხვა მკურნალობაზე უპასუხო ან სხვა მკურნალობის შემდეგ განმეორებითი მანტიის უჯრედების ლიმფომის (Mantle Cell Lymphoma, MCL) მქონე ზრდასრულთა სამკურნალოდ უჯრედული გენური თერაპია Tecartus (brexucabtagene autoleucel)24 ივლისს 2020 წელს აშშ-ის სურსათისა და წამლების ადმინისტრაციის (FDA) მიერ დამტკიცდა. როგორც ქიმერული ანტიგენის რეცეპტორის (CAR) T უჯრედული თერაპია Tecartus MCL-ის პირველი FDA-დამტკიცებული უჯრედული გენური მკურნალობა და იმუნოთერაპიისტიპია.
MCL ჩვეულებრივ შუახნისა ან ხანდაზმულ ზრდასრულებში გვხვდება და იშვიათი ერთ-ერთი B უჯრედული არაჰოჯკინის ლიმფომის ტიპია. MCL პაციენტებში ინფექციის წინააღმდეგ დამხმარე თეთრი უჯრედების სახეობა, B უჯრედებიკიბოვან უჯრედებად იქცევა, ლიმფურ კვანძებში სიმსივნეს ქმნის და სწრაფად ვრცელდება. MCL ჩვეულებრივ კვანძების გადიდებით იწყება და ძვლის ტვინში, ღვიძლსა და კუჭ-ნაწლავში შეიძლება გავრცელდეს.
Tecartus-ის თითოეული დოზა პაციენტის საკუთარი იმუნური სისტემის გამოყენებით ლიმფომასთან საბრძოლველად შექმნილი პერსონალიზებული მკურნალობაა. პაციენტის თეთრი უჯრედების სახეობა, T უჯრედებიგროვდება და გენეტიკურად იცვლება ახალი გენით, რომელიც ლიმფომის დამიზნებასა და განადგურებას აადვილებს. შემდეგ მოდიფიცირებული უჯრედები პაციენტს უბრუნდება (მექანიზმი ქვედა ინფოგრაფიკაშია).
უსაფრთხოება და ეფექტიანობა რეზისტენტული ან განმეორებითი MCL-ის 60 ზრდასრულში, საწყისი ობიექტური პასუხის შემდეგ სულ მცირე ექვსი თვის დაკვირვებით, მრავალცენტრულ კლინიკურ კვლევაშიშეფასდა.
Tecartus-ის შემდეგ სრული რემისია / პასუხი %62, ობიექტური პასუხი %87 იყო.
ამ CAR T უჯრედული მკურნალობის გვერდით ეფექტებს შორისაა ციტოკინის გამოთავისუფლების სინდრომი. ის მაღალ სიცხესა და გრიპისმაგვარ ნიშნებს იწვევს და CAR T უჯრედების აქტივაციის, გამრავლებისა და ნევროლოგიური ეფექტების სისტემური პასუხია. ორივე შეიძლება სასიკვდილო ან სიცოცხლისთვის საშიში იყოს. ხშირია მძიმე ინფექციები, სისხლის უჯრედების დაქვეითება და სუსტი იმუნური სისტემა. ეფექტები ჩვეულებრივ პირველ ერთ-ორ კვირაში ჩნდება, თუმცა მოგვიანებითაც შეიძლება.
*
კიბოში იმუნოთერაპიაიმუნური სისტემის სიმსივნის წინააღმდეგ გასააქტიურებელ მრავალ მეთოდს მოიცავს. დღეს მრავალი მეთოდი და წამალი არსებობს; უჯრედული იმუნოთერაპიაც ერთ-ერთი მათგანია.
წყაროები
fda.gov - 24 July 2020.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.