Döşdə və mammoqrafiyada kalsifikasiya nədir, narahat olmalıyıqmı?

Kalsifikasiyalar döş toxumasında kiçik kalsium yığıntılarıdır. Adətən mammoqrafiyada, ən çox 50 yaşdan yuxarı qadınlarda görünür. Çoxu xoşxassəlidir, lakin bəzi formalar xərçəng göstərə bilər.

Burada səbəbləri və skrininqdə göründükdə nə baş verəcəyini müzakirə edirik.

Döş kalsifikasiyası nədir?

Kiçik kalsium yığıntılarıdır. Əlamət və şikayət yaratmır, rutin əl müayinəsi ilə diaqnoz edilmir.

Əvəzində adətən X şüası ilə döş rentgeni olan mammoqrafiyada ağ nöqtə görünür. Ultrasəs və maqnit rezonans (MR) kimi digər üsullar bunları göstərmir.

Menopauzadan sonra ehtimal yüksəkdir.

Çoxu xoşxassəlidir

Lakin kalsium qrupları erkən xərçəng əlaməti ola bilər. Tədqiqatlarda skrininq qadınlarının % 12.7 ilə 41.2-sində tək xəbərdarlıq kalsifikasiya idi.

Bunlar xərçəngə çevrilməsə də xərçənglə əlaqəli əsas prosesin olduğunu göstərə bilər.

Növləri nədir?

Mammoqramda makrokalsifikasiyalar və mikrokalsifikasiyalar görünür. Bəzilərində hər ikisi var.

Makrokalsifikasiyalar

Təsadüfi böyük ağ nöqtələrdir. Diametr 0,5 millimetrdən (mm) böyükdür.

Çox yayğındır və radioloq xoşxassəli sayır. Buna görə adətən yaxın izləmə testi lazım deyil.

Mikrokalsifikasiya

Kiçik ağ ləkə və dənələrdir. Çoxu xoşxassəli olsa da xüsusi xüsusiyyətlərdə xərçəngi göstərə bilər.

Aşağıdakılarda əlavə araşdırma lazımdır:

• Diametr 0,5 mm-dən azdırsa
• Bir nahiyədə qruplaşırsa
• Ölçü və formalar fərqlidirsə
• Qrup adətən beş və ya çox yığıntıdır, amma dəqiq say deyil. Səpələnmiş qrupların sıx qruplardan xoşxassəli olması ehtimalı yüksəkdir.

Əsas toxuma xaricində yığıntılar

Bəzən mammoqrafiya dəridə və ya damarlarda kalsifikasiya göstərir.

Dəridə dezodorant və toz qalığı rentgendə ağ nöqtə yarada bilər.

Radioloq döş toxuması xaricində olduğunu təsdiqləsə əlavə test lazım deyil.

Niyə yaranır?

Səbəblər:

• Travma və ya əməliyyat. Əməliyyatdan sonra olması normaldır.
• İnfeksiya
• Damarlarda ateroskleroza bənzər formalar
• Kistlər, maye kisələri
• Süd kanalı ektaziyası və ya tıxanması
• Yağ nekrozu, ölü yağ hüceyrələri
• Xoşxassəli fibroadenoma
• Döş xərçəngi üçün şüa müalicəsi
• Duktal karsinoma in situ (süd kanalını örtən hüceyrələrin xərçəngi, çox erkən mərhələ)
• İnvaziv, klassik döş xərçəngi

- Marağınızı çəkə bilər: Duktal karsinoma in situnun (DCIS) döş xərçənginə çevrilməsinin 6 risk amili

Bunlardan hər biri səbəb ola bilər.

Digər risklər:

• Şəxsi döş xərçəngi tarixçəsi
• Ailə tarixçəsi
• BRCA1 və BRCA2 kimi irsi meyillilik

Qeyd: Dezodorant, losyon və pudra kalsifikasiya kimi görünə bilər. Buna görə müayinədən əvvəl dəri məhsulları vurulmamalıdır.

Kalsiumlu qidalar döş kalsifikasiyası yaratmır!

Necə diaqnoz edilir?

Əlavə araşdırma nə vaxt lazımdır?

Göründükdə radioloq əlavə araşdırma qərarı verir. Makrokalsifikasiya adətən şübhəli sayılmır.

Lakin böyük qruplar və mikrokalsifikasiyada əlavə test tövsiyə edilə bilər.

Xərçəng şübhəsində:

• Daha yaxından başqa mammoqrafiya,
• Kalsifikasiya xüsusiyyətlərinin dəyişib-dəyişmədiyini görmək üçün əvvəlki mammoqrafiya görüntüləri ilə müqayisə
• Hər 6 ay skrininq,
• Döş MR-i,
• Döş biopsiyası aparılması.

Müalicə

Həkim səbəb olan vəziyyətlərin müalicəsini danışa bilər. Xoşxassəli yığıntı müalicə tələb etmir. Süd kanalı ektaziyası kimi xəstəliklə əlaqəlidirsə vəziyyət və müalicələr barədə məlumat verilir.

Xərçəng göstəricisidirsə yayılmanı dayandırmaq, hüceyrələri öldürmək üçün müalicə lazımdır. Növ, ölçü, mərhələ və digər amillərdən asılıdır.

*

- Döş xərçəngi: əlamətlər, mərhələlər və müalicə (ətraflı)