İmmunoterapiya alan xəstələrdə xroniki ishal və kolit daha uzun sağqalma ilə əlaqəli tapıldı

Journal of the National Comprehensive Cancer Network jurnalında bildirilən retrospektiv analizin nəticələrinə görə, mədə turşusunu azaldan proton pompası inhibitorlarının (PPI) istifadəsi istifadəsi, immun nəzarət nöqtəsi inhibitorları sinfindən olan immunoterapiyalarla müalicə edilən xərçəngli xəstələrdə xroniki immunitet vasitəli diareya (ishal) və kolit üçün risk amilidir. Eyni analizdə diqqət çəkən başqa nəticə isə xroniki immunitet vasitəli diareya və kolit (BADK) yaşayanlarda xərçəngin daha az irəliləməsinin müəyyən edilməsi idi.

İmmunitet vasitəli diareya və kolit immunoterapiyanın geniş yayılmış yan təsiridir

İmmunitetlə əlaqəli bu mənfi təsirin ağırlığı öz-özünə məhdudlaşan yüngül ishaldan bağırsaq deşilməsi daxil olmaqla həyati təhlükəli ağırlaşmalarla xarakterizə olunan vəziyyətə qədər dəyişə bilər. Bundan əlavə, immunitet vasitəli diareya və kolitin (BADK) məhdud gedişi ola bilər (kəskin BADK) və ya uzunmüddətli (xroniki BADK) ola bilər.

• Əlaqəli mövzu: İmmunoterapiya dərmanlarının yan təsirləri nələrdir, necə müalicə edilir? 

İmmunitet vasitəli xroniki diareya və kolitlə sağqalmanın əlaqəsi 

Əvvəlki işlər immunoterapiya ilə müalicə edilən xərçəngli xəstələrdə BADK yaranması ilə uzunmüddətli sağqalma arasında əlaqə müəyyən etsə də, xroniki BADK-nin sağqalmaya və ya risk amillərinə təsiri haqqında daha az şey məlumdur.

Bu tədqiqat 2018-ci ilin yanvarı ilə 2019-cu ilin oktyabrı arasında Texas Universitetinin MD Anderson Xərçəng Mərkəzində immunoterapiyalarla müalicə alarkən 2-ci dərəcəli və ya daha yüksək diareya / kolit inkişaf edən xərçəngli, ardıcıl yetkin xəstələri əhatə edir. Digər daxilolma meyarı bu yan təsirləri idarə etmək üçün tətbiq edilən immunosupressiv müalicə idi. BADK idarəçiliyinin bir hissəsi olaraq steroidlər, iximab və ya vedolizumab. İstisna meyarlarına iltihabi bağırsaq xəstəliyi ilə yanaşı, digər yanaşı qastrointestinal pozuntuların mövcudluğu da daxil idi.

Xəstələr kəskin və ya xroniki BADK yaşayıb-yaşamadıqlarına görə təsnif edildi. Vəziyyətin 3 aydan uzun müddət mövcudluğu xroniki BADK-ni kəskin BADK-dən ayırdı. Bundan əlavə, xroniki BADK-li xəstələr davamlı simptomatik, təkrarlayan (simptomsuz 1 ay və ya daha uzun müddətdən sonra simptomların təkrarlanması) və davamlı histoloji BADK kimi xarakterizə edildi.

Tədqiqata daxil edilən 88 xəstənin 43-də xroniki BADK, 45-də isə kəskin BADK var idi. Başlanğıcda median yaş xroniki BADK-li xəstələr üçün 66, kəskin BADK-li xəstələr üçün 65 idi. Hər iki xəstə qrupunda sidik yolları (sidik kisəsi) xərçəngi və melanoma ən çox müşahidə edilən diaqnozlar idi.

Nəticələr

Xroniki BADK üçün risk amillərinə;

• PPI istifadəsi (şans nisbəti [OR], 3.96; P = .026),
• BADK simptomlarının müddəti (OR, 1.05; P <.001),
• ilk epizodda xəstəxanada qalma müddəti (OR, 1.07; P = .043),
• xroniki aktiv kolitin (OR, 4.8; P = .025) və ya mikroskopik kolitin (OR, 5.0; P = .045) histoloji xüsusiyyətləri və
• BADK üçün selektiv immunosupressiv müalicənin tətbiqində gecikmə (OR, 1.06; P = .047) daxil idi.

Xroniki BADK üçün risk amili olaraq PPİ-lərin istifadəsi barədə tədqiqatçılar, "Tapıntılarımız gündəlik istifadə olunan bu dərman sinfinin bağırsaq mikrobiotasına məlum təsirindən qaynaqlandı: xüsusilə artan enterik infeksiya riski, bakterial translokasiya və mikroskopik kolitin patogenezi (BADK-nin histoloji variantlarından biri)."

Bu tədqiqatın ən diqqətçəkən xüsusiyyəti kəskin BADK ilə (% 33; P = .019) müqayisədə xroniki olanlarda (% 14) əhəmiyyətli dərəcədə daha az xərçəng irəliləməsinin olması idi.

Xroniki BADK-li xəstələr üçün istifadə olunan 2 immunosupressiv agentin nəticələri təəccübləndirdi. Çoxdəyişənli analiz vedolizumabla müqayisədə infliksimab əsaslı müalicənin istifadəsinin (OR, 5.10; P = .004) müstəqil olaraq xərçəngin irəliləməsi ilə əlaqəli olduğunu göstərdi.

Bu tapıntı barədə tədqiqatçılar, "Vedolizumab müalicəsi tədqiqatımızda istifadə olunan [selektiv immunosupressiv müalicələrin] böyük hissəsini təşkil edirdi və bu, immunoterapiyaların antitumor təsirini infliximabla müqayisədə daha az azaltdığı üçün qoruyucu amil kimi çıxış edə bilər."

Tədqiqatçılar nəticə şərhlərində xroniki BADK-nin "yəqin ki, uzunmüddətli immun nəzarət nöqtəsi inhibitoru təsirini əks etdirdiyini və daha yaxşı xərçəng nəticəsi, eləcə də ümumi sağqalma ilə əlaqəli olduğunu" söylədilər.

Bununla belə, "gələcəkdə daha genişmiqyaslı tədqiqatlar xroniki BADK-də histoloji xüsusiyyətlərin proqnostik dəyərini və xərçəng müalicəsi ilə bağlı nəticələri aydınlaşdırmaq üçün zəruridir" deyə əlavə etdilər.

Əlaqəli mövzu:

- İmmunoterapiya və Xərçəng Peyvəndi