Təkrarlanan və ya müalicəyə davamlı B-hüceyrəli limfomanın müalicəsi üçün pembrolizumab FDA təsdiqi aldı

13 iyun 2018-ci ildə ABŞ Qida və Dərman İdarəsi FDA müalicəyə davamlı və iki və ya daha çox sıra müalicədən sonra təkrarlamış birincili mediastinal böyük B-hüceyrəli limfoması (PMBCL) olan həm yetkin, həm də pediatrik xəstələrin müalicəsi üçün pembrolizumab (Keytruda) adlı immunoterapiya dərmanına sürətləndirilmiş təsdiq verdi.

• Limfoma, limfa xərçəngi nədir? Əlamətləri və müalicəsi necədir?

Təsdiq çoxmərkəzli, açıq etiketli, təkqollu KEYNOTE-170 adlı klinik tədqiqataqeydiyyata alınmış, relaps (təkrarlamış) və ya refrakter (müalicəyə davamlı) birincili mediastinal böyük B-hüceyrəli limfoması (PMBCL) olan 53 xəstənin məlumatlarına əsaslanır.

Xəstələr qəbuledilməz toksikliyə (yan təsirə) və ya sənədləşdirilmiş xəstəlik proqressiyasına (pisləşməsinə) qədər, yaxud müalicəyə cavab verməyə davam edən xəstələrdə 24 aya qədər hər 3 həftədən bir venadaxili 200 mg pembrolizumabla müalicə edildi.

Ümumi cavab göstəricisi %45 oldu. Xəstələrin %11-ində tam cavab, %34-ündə qismən cavab vardı. Median 9.7 aylıq təqib müddətində xəstələrin əksəriyyəti müalicəyə cavab verməyə davam etdiyindən median cavab müddətinə hələ çatılmayıb. İlk obyektiv cavabın median müddəti 2.8 ay idi; buna görə təcili sitoreduktiv (xərçəng hüceyrələrini basqılayan) müalicəyə ehtiyacı olan PMBCL xəstələrinin müalicəsində pembrolizumab tövsiyə edilmir.

KEYNOTE-170-də müalicə olunan PMBCL xəstələrinin ən azı %10-unda görülən ən geniş yayılmış yan təsirlər əzələ-skelet ağrısı, yuxarı tənəffüs yolu infeksiyası, qızdırma, yorğunluq, öskürək, təngnəfəslik, diareya (ishal), qarın ağrısı, ürəkbulanma, aritmiya (ürək ritm pozuntusu) və baş ağrısıdır. Arzuolunmaz reaksiyalara görə pembrolizumab xəstələrin %8-ində dayandırıldı, %15-ində isə fasilə verildi. Xəstələrin % 25-ində sistemik kortikosteroid (kortizon) müalicəsi tələb edən yan təsir vardı. Ağır (3-cü və 4-cü dərəcəli) yan təsirlər xəstələrin %26-sında baş verdi.

• İmmunoterapiya dərmanlarının yan təsirləri nələrdir, necə müalicə edilir?

PMBCL olan yetkinlərin müalicəsi üçün tövsiyə edilən Keytruda dozası hər 3 həftədən bir 200 mg-dır. Pediatrik xəstələrdə tövsiyə edilən doza hər üç həftədən bir 2 mg / kg-dır (maksimum 200 mg-a qədər).

• Leykoz və limfoma arasındakı fərq nədir?