დაბრაფენიბმა და ტრამეტინიბმა ანაპლაზიური ფარისებრი კიბოსთვის FDA-ის დამტკიცება მიიღო

4 მაისს 2018 წელს აშშ-ის სურსათისა და წამლის ადმინისტრაციამ FDA-მ BRAF V600E მუტაციადადებითი და ადგილობრივი/რეგიონული მკურნალობის არჩევანის არმქონე, ადგილობრივად გავრცელებული ან მეტასტაზური ანაპლაზიური ფარისებრი ჯირკვლის კიბოს პაციენტებში დაბრაფენიბისა (Tafinlar) და ტრამეტინიბის (Mekinist) ერთობლივი გამოყენება დაამტკიცა.

• რა არის ანაპლაზიური ფარისებრი ჯირკვლის კიბო, სიმპტომები, მკურნალობა და მიმდინარეობა

დამტკიცება ეფუძნება ადგილობრივად გავრცელებული, არაოპერაბელური ან მეტასტაზური, ადგილობრივი/რეგიონული არჩევანის არმქონე BRAF V600E-მუტირებული ანაპლაზიური კიბოს პაციენტების BRF117019 სახელის ცხრა კოჰორტიან არარანდომიზებულ კლინიკურ კვლევას .

პასუხისთვის შეფასებად 23 პაციენტში საერთო პასუხი %61 იყო. სრული და ნაწილობრივი პასუხი შესაბამისად %4 და %57; პასუხის მქონეთა %64-ში ხანგრძლივობა სულ მცირე 6 თვე იყო.

კომბინაციის მიმღებთა სულ მცირე % 20-ში დაფიქსირებული გვერდითი ეფექტებიიყო: სიცხე, მოთენთილობა, გულისრევა, თავის ტკივილი, გამონაყარი, შემცივნება, დიარეა, ღებინება, ართრალგია და მიალგია .

ანაპლაზიური ფარისებრი კიბოს პაციენტებისთვის რეკომენდებული დოზებია პერორალურად (პირით) დღეში ორჯერ 150 mg დაბრაფენიბი და დღეში ერთხელ 2 mg ტრამეტინიბი.