HER2-დადებითი 4 სტადიის კუჭის კიბოს იმედისმომცემი მკურნალობები

კუჭისა და კუჭ-საყლაპავის შეერთების კიბოების%15-დან 20-მდე კიბოს უჯრედის ზედაპირზე ადამიანის ეპიდერმული ზრდის ფაქტორის რეცეპტორ 2-ს (HER2) ჭარბად შეიცავს; მათ HER2-დადებით კუჭის კიბოს უწოდებენ. შორსწასული და HER2-დადებითი კუჭის კიბოს პაციენტებში სტანდარტული 1 ხაზის მკურნალობა ქიმიოთერაპიისა და HER2-ის წინააღმდეგ მრავალი წლის განმავლობაში გამოყენებული ტრასტუზუმაბის სახელწოდების ანტისხეულის კომბინაციაა. თუმცა შემდგომი ხაზებისთვის სხვადასხვა ანტი-HER2 პრეპარატის გამოცდას, ამ სტატიის საგან კვლევამდე, მნიშვნელოვანი ეფექტიანობა არ უჩვენებია.

პირველი ხაზის შემდეგ დამატებითი სამკურნალო ვარიანტებია ირინოტეკანი, ტაქსანები, ტრიფლურიდინ-ტიპირაცილი და იმუნოთერაპიები . პლაცებოსთან შედარებით ნივოლუმაბი და ტრიფლურიდინ-ტიპირაცილი საერთო გადარჩენას დაახლოებით 2 თვით ზრდის.

ტრასტუზუმაბ დერუქსტეკანი (აშშ-ში ცნობილია როგორც fam-trastuzumab deruxtecan-nxki [Enhertu]) ანტი-HER2 მონოკლონური ანტისხეულია, რომელიც „ტოპოიზომერაზა I ინჰიბიტორის“ კლასის ქიმიოთერაპიასთანაა შეკავშირებული. ტრასტუზუმაბ დერუქსტეკანი იაპონიასა და აშშ-ში დამტკიცებულია მეტასტაზური, მანამდე მრავალი ხაზის მკურნალობის მიმღები HER2-დადებითი ძუძუს კიბოს პაციენტებისთვის (იხილეთ FDA-ს შესაბამისი დამტკიცება).

პრეპარატის შემადგენლობაში არსებული ანტისხეული კიბოს უჯრედის ზედაპირზე HER2-ს უკავშირდება და კიბოს უჯრედებს კლავს. პრეპარატში ქიმიოთერაპიის/ანტისხეულის თანაფარდობა 8/1-ია, რაც მას მაღალი დონის HER2-დადებითობის არმქონე კიბოს უჯრედებისთვისაც ეფექტიან ვარიანტად აქცევს.

აქ წარმოგიდგენთ ადრე მრავალი ხაზის მკურნალობის მიმღებ HER2-დადებითი კუჭისა და კუჭ-საყლაპავის შეერთების კიბოს პაციენტებში ტრასტუზუმაბ დერუქსტეკანის ღია, მულტიცენტრული, II ფაზის კლინიკური კვლევისშედეგებს.

კვლევის დეტალები და შედეგები

• კვლევის ძირითადი საბოლოო წერტილი იყო ობიექტური პასუხის მაჩვენებელი , ხოლო მეორეული საბოლოო წერტილები — საერთო გადარჩენა, პასუხის ხანგრძლივობა, პროგრესირების გარეშე გადარჩენა, დადასტურებული პასუხი და უსაფრთხოება.
• კვლევაში ჩართული 187 პაციენტიდან 125-მა ტრასტუზუმაბ დერუქსტეკანი, ხოლო 62-მა ქიმიოთერაპია მიიღო (55-მა ირინოტეკანი და 7-მა პაკლიტაქსელი).
• ობიექტური პასუხის მაჩვენებელი ტრასტუზუმაბ დერუქსტეკანით %51 იყო, ქიმიოთერაპიით კი %14.
• საერთო გადარჩენის მედიანა ტრასტუზუმაბ დერუქსტეკანის ჯგუფში მნიშვნელოვნად უფრო ხანგრძლივი იყო: 12,5 თვე, შედარებით 8,4 თვესთან (სიკვდილის რისკის შეფარდება [HR] 0.59; 95% სანდოობის ინტერვალი 0.39 - 0.88; P=0.01).
• მძიმე (3 ხარისხის და უფრო მაღალი) ყველაზე ხშირი გვერდითი მოვლენები ტრასტუზუმაბ დერუქსტეკანის ჯგუფში უფრო ხშირი იყო: ნეიტროპენია (%51 შედარებით %24-თან); ანემია (%38 შედარებით %28-თან); ლეიკოპენია (%21 შედარებით %11-თან).
• ტრასტუზუმაბ დერუქსტეკანის მიმღები პაციენტებიდან 12-ში ფილტვის ინტერსტიციული დაავადება ან პნევმონიტი განვითარდა (9 მსუბუქი, 3 მძიმე); 1 კვირა პნევმონიის გამო გარდაიცვალა.

შედეგად, ტრასტუზუმაბ დერუქსტეკანით ადრე მრავალი ხაზით ნამკურნალები შორსწასული HER2-დადებითი კუჭის კიბოსთვის დღემდე აღწერილი საუკეთესო გადარჩენისა და პასუხის მონაცემები იქნა მიღებული. თუმცა გვერდითი მოვლენების სიხშირე დაბალი არ არის; მრავალი მათგანი მართვადია და პაციენტებს ამ მხრივ ყურადღებით უნდა აკვირდებოდნენ.

HER2-დადებითი კუჭის კიბოს სხვა ინოვაციური მკურნალობები

HER2 უჯრედის ზრდისა და გამრავლების კონტროლში ერთ-ერთი კრიტიკული ელემენტია და HER2 გენეტიკური ცვლილებების მქონე კიბოებში ეს სამიზნე აქილევსის მყესად შეიძლება ჩაითვალოს.

ქვემოთ ჩანს, თუ როგორ ხდება HER2-დადებითი კუჭის კიბოების მრავალი სხვადასხვა აგენტით (მონოკლონური ანტისხეულები, იმუნოთერაპიები, უჯრედული იმუნოთერაპიები, ქიმიოთერაპია-ანტისხეულის კონიუგატები და ტიროზინკინაზური ინჰიბიტორები) დამიზნება.

ზემოთ ცნობილი პრეპარატების გარდა განსაკუთრებით საყურადღებოა 2 უჯრედული იმუნოთერაპიის (ცოცხალი წამლის) მეთოდი. ისინი HER2-დადებითი კუჭის კიბოსთვის ჯერ დამტკიცებული არ არის, თუმცა მრავალ კლინიკურ კვლევაში გამოიცდება.

• თანდაყოლილი იმუნური სისტემისბუნებრივი მკვლელი უჯრედების, NK (natural killer) უჯრედების Fc რეცეპტორები (FcR) გენეტიკური ინჟინერიის ტექნიკებით HER2-ის საწინააღმდეგო ანტისხეულებს უკავშირდება და ანტისხეულზე დამოკიდებული უჯრედული ციტოტოქსიკურობით (antibody-dependent cellular cytotoxicity = ADCC) კიბოს წინააღმდეგ იმუნურ პასუხს აღძრავს.
• უჯრედული იმუნოთერაპიის კიდევ ერთი მეთოდია ადაპტაციური (შეძენილი) იმუნური სისტემისერთ-ერთი ელემენტის, T-უჯრედებში, ასევე გენეტიკური ინჟინერიის ტექნიკებით, HER2-დადებითი უჯრედების ამოსაცნობი ქიმერული ანტიგენური რეცეპტორების (CAR) მოთავსება. HER2-სპეციფიკური ქიმერული ანტიგენური რეცეპტორების მქონე CAR T-უჯრედებიHER2-დადებითი კუჭის კიბოსთვის შეიძლება ვარიანტი გახდეს.