Bananlı və xurmalı smuzi — Təbii şirinləşdirilmiş içki resepti

Qida dəyərləri (porsiya başına)

• Kalori ............. 294
• Yağ ............. 11 gr
• Karbohidrat ............. 46 gr
• Zülal ............. 8 gr

Ümumi hazırlıq müddəti 10 dəq.

Porsiya 2 (hər biri təxminən 3/4 stəkan)

Bir çox smuzi çoxlu dadlandırıcı və ya şəkər ehtiva edir. Bu sərin və təravətləndirici içki xurmanın təbii şirinliyi ilə yanaşı sağlam miqdarda lif də ehtiva edir.

Qoz qatılıq və dad verən, eyni zamanda ALA, omeqa-3 yağları ehtiva edən qidadır. Bu vacib yağlar ürək sağlamlığını yaxşılaşdırmağa və iltihaba qarşı qorunmağa kömək edir. Sahurda və ya iftardan sonra sağlam və şirin içki kimi içə bilərsiniz. Uşaqlarınıza süd və meyvəni də bu şəkildə sevdirə bilərsiniz. Porsiya başına beş qram lif ehtiva edir və bununla aclığınızı, şirin istəyi böhranınızı sağlam şəkildə aradan qaldıra bilərsiniz.

2 nəfərlik smuzi üçün inqrediyentlər 

• 2 yetişmiş banan
• 4 xurma, çəyirdəksiz və doğranmış
• 1/4 stəkan qoz
• 1 stəkan az yağlı süd
• 1/2 stəkan buz

Smuzinin hazırlanması

Banan, xurma, qoz, süd və buzu blenderdə hamar qatılıq alınanadək qarışdırın. Stəkanlara doldurub təqdim edin.

İnqrediyent dəyişiklikləri və alternativlər: Süd əvəzinə soya və ya başqa süd alternativi istifadə edərək resepti veqan və ya südsüz edə bilərsiniz. Süd əvəzinə qatıq da istifadə edə bilərsiniz. Bananla yanaşı çiyələk kimi sevdiyiniz, çəyirdəyi təmizlənmiş meyvələri də əlavə edə bilərsiniz.

Hazırlama və təqdimetmə tövsiyələri

Daha yaxşı smuzi hazırlamaq istəyirsiniz? Bəzi incəliklər:

• Blenderin inqrediyentləri qarışdırarkən ilişdiyini görsəniz, bərk inqrediyentlərdən əvvəl mayeləri əlavə edin.
• Qarışığı durultmaq üçün bir qədər su əlavə edə bilərsiniz. Bu, əlavə kalori qatmadan qatılığı tənzimləməyə kömək edəcək.
• Daha doyumlu, lifli və zülallı olmasını istəyirsinizsə, yulaf lopası əlavə edin.
• Qalıqları israf etməyin! Qalanları dondurma qəliblərinə qoyub təbii şirin buzlu dondurma hazırlamaq üçün dondurun.
• Bütün yemək reseptləri
• Sağlam qidalanma nədir?