İmmunoterapiya daha bir nadir xərçəng növündə ümid oldu

Gestasion trofoblastik xərçəngin müalicəsində immunoterapiya

Bəzi terminlər və mənaları:

• Gestasion hamiləlik deməkdir, uşaqlıqda embrion inkişafını təsvir edir.
• Plasenta, həm dölə, həm anaya aid, körpənin bətn daxilində ehtiyac duyduğu demək olar bütün mənbələri verən qan dövranı quruluşudur.
• Hamiləlikdə embrionu əhatə edən hüceyrələrə trofoblast deyilir.

Plasentanın trofoblastik toxumasının anormal çoxalmasından yaranan bədxassəli şiş qrupu gestasion trofoblastik xərçənglər (GTK) adlanır.

Bunlar çox nadir xərçənglərdənbiridir; hər 40 min doğuşda bir hesablanır. Adətən kimyaterapiyalardançox fayda alsalar da bəzilərində təkrar xərçəng və ya kimyaterapiyaya müqavimət yarana bilər.

GTK yüksək miqdarda Proqramlaşdırılmış Hüceyrə Ölümü Liqandı 1 (PD-L1) daşıyır. Məlumdur ki, immunoterapiyalar bir çox xərçəng növündə effektivliyini göstərərək klinik istifadəyə daxil olub. Gestasion trofoblastik xərçənglərin yüksək PD-L1 müsbətliyinə malik olmasına əsasən, iki fərqli immunoterapiya agentinin bu xərçəng növündə klinik tədqiqatları aparılıb. Avelumab (Bavencio) və pemrolizumab (Keytruda) sınanan hər iki işdə kimyaterapiyaya davamlı GTK-da immun nəzarət inhibitorlarının təsiri göstərildi.

Pembrolizumab tədqiqatına davamlı, yüksək riskli 4 xəstə daxil edildi. 3 xəstədə tam cavab alındı. Dördündə də PD-L1 > %90 idi. Tam cavab verən 3 xəstədə əlavə olaraq şişə infiltrasiya edən limfositlərin yüksək göstəricidə müsbət olduğu müəyyən edildi. Bu araşdırma Pembrolizumabın bu xərçəng tipindəki təsirini göstərməklə yanaşı, şişi infiltrasiya edən limfositlərin immunoterapiyaya cavabdakı əhəmiyyətini də ortaya qoydu.

Avelumabın ilkin nəticələri 2018 Avropa Xərçəng Konqresində (ESMO) bildirildi. Davamlı GTK-lı 11 xəstə qiymətləndirildi. Mühüm biomarker hCG avelumabla xəstələrin %95-ində normala düşdü. Müalicəyə bağlı yan təsir görülmə göstəricisi %73 müəyyən edildi. Bunun yalnız %2-si ciddi yan təsir kimi qiymətləndirildi. Bu yan təsirlərin %80-ni qalxanabənzər vəzin az işləməsi təşkil edirdi. Yaranan bütün yan təsirlər idarə edilə bilən və həyatı təhdid etməyən kimi qiymətləndirildi. Araşdırmanın cavab göstəricisini əhatə edən nəticələrinin açıqlanmasını həyəcanla gözləyirik.

Her iki araşdırmaya daxil edilən xəstə sayı çox azdır. Lakin bu xərçəng növü nadir görüldüyü kimi, onların içində kimyaterapiyaya davamlı xəstələr daha da az qarşımıza çıxır. Nəticədə immunoterapiyalar nadir görülən kimyaterapiyaya davamlı gestasion trofoblastik xərçəng xəstələrində düşünülə bilən yaxşı müalicə seçimi kimi yerini alacaq görünür. Sonrakı araşdırmalarda bu qrupdan kimyaterapiya almamış xəstələrdə effektivliyini göstərən tədqiqatların nəticələrini həyəcanla gözləyəcəyik.