İmmunoterapiya mədə xərçənginin birinci xətt müalicəsinə adını yazır

İrəliləmiş mərhələ mədə və mədə-qida borusu birləşməsi xərçənglərinin birinci xətt müalicəsində pembrolizumab (Keytruda) adlı immunoterapiyanın effektivliyini göstərən KEYNOTE-062 tədqiqatı 3 sentyabr 2020-də JAMA Oncologydə dərc edildi.

Mədə və mədə-qida borusu birləşməsi adenokarsinoması 2018-də dünyada təxminən 1 milyon yeni hal və 783.000 ölümlə xərçəng ölümlərinin üçüncü əsas səbəbidir. Mədə xərçənglərinin təxminən %50-si diaqnozda irəliləmiş mərhələdədir. Diaqnozda əməliyyat edilə bilməyən və ya metastaz vermiş və HER2 mənfi mədə xərçənglərinin müalicəsinə standart olaraq sistemik kimyaterapiya ilə başlanır. Bu birinci xətt kimyaterapiya ikili və ya üçlü floropirimidin və platin əsaslı kombinasiya rejimləridir (məsələn, FLOT). Bu rejimlərlə median ümumi sağqalım 1 il və ya daha qısadır, əlavə təsirləri də diqqətəlayiqdir.

Pembrolizumab (Keytruda) immun sistemini xərçəngə qarşı passivləşdirən immun nəzarət nöqtələrindən PD-1 və PD-L1 qarşılıqlı təsirində PD-1-ə bağlanaraq T-hüceyrələrini aktivləşdirən monoklonal anticisim quruluşlu immunoterapiya dərmanıdır. Pembrolizumab indiyədək 16 fərqli xərçəng növündə FDA təsdiqi alıb.

Mədə xərçəngində əvvəllər immunoterapiya FDA təsdiqi almışdı, amma birinci deyil, 3. xətt müalicə kimi və PD-L1 müsbət xəstələr üçün idi (baxın 2017-də mədə xərçəngində pembrolizumab təsdiqi). 

KEYNOTE-O62 tədqiqatı

• Tədqiqata HER2 mənfi, PD-L1 ≥1 olan, əvvəl müalicə almamış, əməliyyat edilə bilməyən yerli irəliləmiş və ya metastatik mədə və mədə-qida borusu birləşməsi adenokarsinomalı xəstələr daxil edildi.
• Tədqiqat randomizə edilmiş, nəzarətli, qismən kor faza III klinik tədqiqat kimi planlandı.
• 29 ölkə və 200 mərkəz daxil edildi.
• Xəstə qəbulu 18 sentyabr 2015 və 26 may 2017 arasında oldu.
• Xəstələr 3 qola ayrıldı:
  1. Pembrolizumab (tək immunoterapiya) qoluna 256 xəstə
  2. Pembrolizumab üstəgəl standart kimyaterapiya (sisplatin + 5FU və ya kapesitabin) qoluna 257 xəstə
  3. Yalnız kimyaterapiya qoluna 250 xəstə olmaqla ümumilikdə 763 xəstə daxil edildi.
• PDL-1 ≥10 xəstələrin nisbəti bütün qollarda %36 idi.
• MSI-H xəstələrin nisbəti bütün qollarda %6 idi.
• Xəstələr median 29.4 ay izləndi.

Nəticələr

• Müalicə ilə bağlı əlavə təsirlər:
  • Pembrolizumab qolunda % 54,3
  • Pembrolizumab + kimyaterapiya qolunda % 94
  • Kimyaterapiya qolunda % 91,8

• Müalicəni dayandırmağa səbəb olan əlavə təsirlər:
  • Pembrolizumab qolunda % 3,6
  • Pembrolizumab + kimyaterapiya qolunda % 27,9
  • Kimyaterapiya qolunda % 18,0

Müalicə effektivliyinin müqayisələri belədir:

• Pembrolizumab ilə yalnız kimyaterapiya arasında ümumi sağqalım qiymətləndirilməsində PD-L1 ≥ 1 xəstələrdə fərq yox idi:
  • Pembrolizumab ilə ümumi sağqalım 10.6 ay
  • Yalnız kimyaterapiya 11.1 ay

• Pembrolizumab ilə standart kimyaterapiya arasında PD-L1 ≥ 1 xəstələrdə 24 aylıq ümumi sağqalım nisbətində fərq vardı:
  • Pembrolizumab ilə %26.5
  • Yalnız kimyaterapiya %19.2

• Pembrolizumab və kimyaterapiya arasında ümumi sağqalımda PD-L1 ≥ 10 xəstələrdə fərq vardı (HR, 0.69; 95% CI, 0.49-0.9):
  • Pembrolizumab ilə 17.4 ay
  • Standart kimyaterapiya ilə 10.8 ay

• Pembrolizumab və kimyaterapiya arasında 24 aylıq ümumi sağqalım PD-L1 ≥ 10 xəstələrdə:
  • Pembrolizumab ilə %39
  • Standart kimyaterapiya ilə %22.2

• Pembrolizumab + kimyaterapiya yalnız kimyaterapiyaya qarşı ümumi sağqalımda PD-L1 ≥ 1 və ya PD-L1 ≥ 10 xəstələrdə əhəmiyyətli əlavə üstünlük yaratmadı:
  • PD-L1 ≥ 1 olanlarda
    • Pembrolizumab + kimyaterapiya ilə 12.5 ay
    • Yalnız kimyaterapiya ilə 11.1 ay
  • PD-L1 ≥ 10 olanlarda
    • Pembrolizumab + kimyaterapiya ilə 12.3 ay
    • Yalnız kimyaterapiya ilə 10.8 ay
• Pembrolizumab + kimyaterapiyanın yalnız kimyaterapiyaya qarşı cavab nisbətləri PD-L1 ≥ 1 xəstələrdə:
  • Tam cavab:
    • Pembrolizumab + kimyaterapiya ilə %9.3
    • Yalnız kimyaterapiya ilə %5.6
  • Obyektiv cavab:
    • Pembrolizumab + kimyaterapiya ilə %48.6
    • Yalnız kimyaterapiya ilə %37.2
• PD-L1 ≥ 1 və ya PD-L1 ≥ 10 olmasından asılı olmayaraq tək pembrolizumab və ya pembrolizumab + kimyaterapiya alan bütün MSI-H xəstələr yalnız kimyaterapiyadan ümumi və proqressiyasız sağqalım baxımından əhəmiyyətli üstün idi.

Tədqiqatın əhəmiyyəti və təsirləri

• KEYNOTE-062 HER2 mənfi irəliləmiş mədə və mədə-qida borusu birləşməsi adenokarsinomasında PDL-1 CPS ≥1 xəstələrdə 1. xətt pembrolizumabın standart kimyaterapiyadan az əlavə təsirlə bənzər ümumi sağqalım verdiyini göstərən ilk faza III tədqiqatdır.
• İmmunoterapiya effektivliyinin proqnostik göstəricisi PD-L1 CPS ≥10 olmasından asılı olmayaraq, MSI-H (yüksək mikrosatellit) şişlərdə 1. xətt immunoterapiyanın kimyaterapiyadan üstünlüyünü və ümumi sağqalım töhfəsini göstərən ilk tədqiqatdır.
• Daha az əlavə təsirə görə ümumi vəziyyəti yaxşı olmayan irəliləmiş PD-L1 müsbət mədə adenokarsinomasının birinci xətt müalicəsində immunoterapiya nəzərə alınmalıdır.
• Standart kimyaterapiyaya pembrolizumab əlavə etməyin klinik əhəmiyyətli töhfəsi bu tədqiqatda görülmədi.
• Nəticələrə əsasən beynəlxalq təlimatlarda 1. xətt HER2 mənfi PD-L1 müsbət mədə və mədə-qida borusu adenokarsinoması tövsiyələri və klinik praktikamız dəyişəcək.