İrəliləmiş Ewing sarkoması və osteosarkoma müalicəsində Kabozantinib

The Lancet Oncologyjurnalında bildirilən Fransanın II faza CABONE adlı klinik tədqiqatındaItaliano və həmkarları irəliləmiş Ewing sarkoması və ya osteosarkoması olanlarda MET və VEGFR2 inhibitoru kabozantinibin effektiv olduğunu tapdılar.

- Əlaqəli mövzu: Ewing sarkoması nədir? Əlamətləri və müalicəsi (ətraflı)

Qeyd: Kabozantinib əvvəl 2016-da irəliləmiş böyrək hüceyrəli xərçəng (baxın); 2017-də əvvəllər müalicə almamış irəliləmiş böyrək hüceyrəli xərçəng (baxın) və 2019-da əvvəl müalicə almış irəliləmiş hepatosellülar xərçəng (baxın) müalicələri üçün FDA təsdiqi almışdı. Ölkəmizdə yalnız böyrək xərçəngi üçün istifadə icazəsi var.

CABONE tədqiqatının təfərrüatları

Çoxmərkəzli işdə müalicə altında irəliləyən Ewing sarkomalı 39 və osteosarkomalı 42 xəstə, irəliləmə və ya qəbuledilməz yan təsirədək 28 günlük dövrlərlə gündə 1 dəfə 60 mg kabozantinib aldı.

Ewing sarkomasında əsas sonlanım müalicənin başlanmasından sonrakı 6 ayda ən yaxşı obyektiv cavab idi; osteosarkoma üçün ikili əsas sonlanım seçildi: 6 aylıq obyektiv cavab və 6 aylıq proqressiyasız (irəliləməsiz) sağqalım. Çoxu irəliləmiş xərçəngə görə əvvəl ən azı 1 xətt müalicə almışdı.

Nəticələr

• Median izləmə Ewing sarkomasında 31.3 ay, osteosarkomada 31.1 ay idi.
• Ewing sarkomalıların 10-da (% 26) 6 aya qədər obyektiv cavab vardı; hamısı qismən idi. Əlavə olaraq 19-da (% 49) stabil xəstəlik vardı.
• Median (ortanca) proqressiyasız sağqalım 4.4 ay, median ümumi sağqalım 10.2 ay idi.

*

• Osteosarkomalıların 5-də (% 12) 6-cı ayda obyektiv cavab vardı (hamısı qismən).
• 14-də (% 33) 6 ayda proqressiya (irəliləmə) olmadı, 26 xəstədə (% 62) stabil xəstəlik görüldü.
• Median proqressiyasız sağqalım 6.7 ay, median ümumi sağqalım 10.6 ay idi.

Diqqətçəkən nəticələr

Ewing sarkomalıların % 26-da obyektiv cavab görüldü. Osteosarkomalıların % 12-də obyektiv cavab var; % 33-də 6-cı ayda proqressiya olmadı.

Yan təsirlər

Təhlükəsizlik baxımından qiymətləndirilən 90 xəstədə (hər qrupda 45) ən çox ciddi (3-cü və 4-cü dərəcə) yan təsir hipofosfatemiya (Ewing qrupunda % 11, osteosarkomada % 7), aspartat aminotransferaza artımı (% 4 və % 7) idi. Əl-ayaq sindromu (% 7 və % 4), pnevmotoraks (% 2 və % 9) və neytropeniya (% 4 və % 9). Xəstələrin % 68-də ciddi yan təsir bildirildi. Müalicəyə bağlı ölüm olmadı.

Nəticədə kabozantinibmüalicə seçimi çox məhdud irəliləmiş Ewing sarkoması və osteosarkomalılarda effektivdir və ümumən yaxşı tolere edilib. Bu xəstələr üçün yeni seçim kimi təsdiqlənə bilər və III faza tədqiqatında sınanacaq.