Kiçik Hüceyrəli Ağciyər Xərçənginin Müalicəsində İmmunoterapiyanın Yeri Atezolizumab ilə Möhkəmlənir

Kanadanın Toronto şəhərində Ağciyər Xərçəngi 19. Dünya Konqresində kiçik hüceyrəli ağciyər xərçəngi müalicəsinə dair diqqətçəkən immunoterapiya araşdırması təqdim edildi.

Bu araşdırmaya görə, əvvəl müalicə almamış və ilk xətt müalicə kimi karboplatin üstəgəl etoposid ilə kombinasiyada immunoterapiya atezolizumab (bazar adı Tecentriq) alan irəli mərhələ kiçik hüceyrəli ağciyər xərçəngi xəstələrinin ümumi ömrü standart müalicə (karboplatin+etoposid) yanında plasebo alanlardan daha uzun tapıldı.

IMpower133 adlı bu klinik tədqiqat üçün 201 xəstə kimyaterapiya+immunoterapiya, 202 xəstə kimyaterapiya+plasebo qoluna təsadüfi təyin edildi. 4 kurs, 21 gündə bir karboplatin+etoposid+atezolizumab və ya karboplatin+etoposid+plasebo verildi. Birincili sonlanma nöqtələri ümumi sağqalım (overall survival) və müalicə ilə xəstəliyi nəzarətdə saxlama (proqressiyasız sağqalım) müddəti idi.

Tədqiqatın Nəticələrinə Görə;

• Tədqiqatın 14. ayında median (ortanca) ümumi sağqalım kimyaterapiya üstəgəl atezolizumab alanlarda 12.3 ay, kimyaterapiya üstəgəl plasebo alanlarda 10.3 ay idi.
• Kimyaterapiyaya bir anti-PD-L1 immunoterapiya dərmanı atezolizumabın əlavə edilməsi kiçik hüceyrəli ağciyər xərçənginə bağlı həyat itkisi riskini %30 azaltdı.
• Bu tədqiqatda immunoterapiya PD-L1 səviyyəsindən asılı olmayaraq təsir göstərdi.

Konqreslə eyni vaxtda New England Journal of Medicine-də yayımlanan bu iş irəli mərhələ kiçik hüceyrəli ağciyər xərçənginin birinci xətt müalicəsində immunoterapiya kombinasiyasının pozitiv sağqalım məlumatlarını göstərən ilk faza-3 klinik tədqiqat olması ilə çox diqqətəlayiqdir.

Bununla belə beyin metastazlı xəstələr arasında sağqalım fərqi olmadı. Həmçinin yaşlı xəstələrin kimyaterapiya+immunoterapiya kombinasiyasından gənclərdən daha çox faydalandığı yeni və səbəbi hələ bilinməyən nəticə kimi ortaya çıxdı.

Kiçik hüceyrəli ağciyər xərçənginin müalicəsi 20 ildir yeni dərmanın təsdiqlənmədiyi sahə idi, çox yaxın vaxtadək. 17 Avqust 2018-də nivolumab immunoterapiya dərmanı bu xərçəngin ikinci xətt müalicəsi üçün FDA təsdiqi almışdı. İndi isə atezolizumabın birinci xətt müalicədə təsirli olması xəstələrimiz və bizim üçün ümidverici inkişafdır.

• Ağciyər xərçənginin müalicəsində yeniliklər - 2017 və 2018