ახალი ACS გაიდლაინით კოლორექტული სკრინინგის ასაკი 45-მდე უნდა შემცირდეს

ამერიკის კიბოს საზოგადოების (ACS) ახალი გაიდლაინი კოლორექტული სკრინინგის ამჟამინდელი 50 წლის ნაცვლად 45 წლიდან დაწყებას გვირჩევს.

ახალი რეკომენდაციით ჩვეულებრივი რისკის პირებში, კოლონოსკოპია, განავალში ფარული სისხლის შემოწმების მსგავსი სკრინინგები 50-ის ნაცვლად 45 წლიდან უნდა დაიწყოს. ცვლილება ახალგაზრდებში სიხშირის ნაწილობრივი მატების ახალ მონაცემებს ეფუძნება.

- დაკავშირებული თემა: რატომ უმიზნებს კოლონისა და სწორი ნაწლავის კიბო ახალგაზრდებს?

სკრინინგის 45 წლიდან დაწყება მნიშვნელოვანი სიახლეა, რადგან წლების განმავლობაში კიბოს სკრინინგის გაიდლაინების ყველაზე დიდი ცვლილებაა. მამოგრაფიაზეც იყო მწვავე დებატები, მაგრამ უფრო რა სიხშირით ჩატარდეს მამოგრაფია ეხებოდა.

კოლორექტული კიბოს ადრეული დიაგნოზისთვისსკრინინგის საწყისი ასაკი შეიცვალა, თუმცა ტესტების არჩევანი იგივეა (ყოველ 10 წელიწადში კოლონოსკოპია ან ყოველწლიური განავლის ტესტი).

- დაკავშირებული თემა: კოლონოსკოპიის ალტერნატიული 7 ტესტი კოლორექტული კიბოს ადრეული დიაგნოზისთვის

მსოფლიოს არსებული გაიდლაინები ჩივილებისა და ოჯახური ისტორიის არმქონეებში 50 წლიდან კოლორექტული კიბოსა და პოლიპების რუტინულ სკრინინგს გვირჩევს, თუმცა სიხშირე, დასრულების ასაკი და მეთოდი განსხვავდება. მაღალრისკიანებშიც ასაკი, სიხშირე და მეთოდი განსხვავებულია. გარდა ამისა, კიბოს ნიშნის ან ჩივილისმქონემ ახალგაზრდობის მიუხედავად დაუყოვნებლივ ექიმს უნდა მიმართოს.

ადრეც იყო უფრო ადრე დაწყების რჩევა, მაგრამ 1990-იანების შუაში უმეტესობა 50 წელზე შეთანხმდა და 20 წელი უცვლელი დარჩა. ცვლილება უწყებების კონფლიქტად არ უნდა მივიჩნიოთ: American Cancer Society-მ (ACS) ახალი რეკომენდაცია ახლა გამოაქვეყნა, US Preventive Services Task Force-მა (USPSTF) კი ბოლოს 2 წლის წინ განაახლა.

მზარდი სიხშირე ახალგაზრდებში

ACS-მა აღნიშნა, რომ 55 წლისა და უფროსებში მუდმივი კლების მიუხედავად, 1994 წლიდან 50 წლამდე ჯგუფში %51 მატებაა. ახლახან ახალგაზრდების კიბოთი სიკვდილიანობაც გაიზარდა, რაც ადრე დაწყების ერთ-ერთი საფუძველია.

განახლებაში ACS-მა ახალგაზრდებში ზრდის ბოლო კვლევების შემცველი ახალი სიმულაციის/მოდელირების კვლევა გამოიყენა. შედეგებით, ყოველ 10 წელიწადში კოლონოსკოპიის ჩათვლით 45 წლიდან სხვადასხვა სტრატეგია 50 წლიდან დაწყებაზე მეტ სიცოცხლესა და უკეთეს სარგებელ-ტვირთს იძლეოდა. თუმცა 45 წლამდე შემცირების რეალურ შედეგებს რამდენიმე წელი უნდა დაველოდოთ.

- დაკავშირებული თემა: რა უნდა ვიცოდეთ კოლონისა და სწორი ნაწლავის კიბოზე

დასკვნის სახით, კოლორექტული კიბო ჩვენთან ქალებსა და მამაკაცებში სიხშირით 3. ტიპია. სწორი მეთვალყურეობით ადრეული დიაგნოზი დიდწილად შესაძლებელია. დავა „45 თუ 50?“ ალბათ გაგრძელდება, მაგრამ საზოგადოების უმრავლესობის მიერ სკრინინგის არჩატარება ცალკე პრობლემაა. გავრცელებასა და მეტი პირის სარგებელში საზოგადოების ყველა ნაწილს მნიშვნელოვანი პასუხისმგებლობა აქვს. 

დაკავშირებული თემები:

- კოლონისა და სწორი ნაწლავის კიბოს მკურნალობის სიახლეები - 2017 და 2018

- რა უნდა ვიცოდეთ კოლონოსკოპიამდე – მომზადება

- დადგინდა, რამდენად სიცოცხლის გადამრჩენია კოლონოსკოპია