ამცირებს თუ არა სიმსუქნე წამლების ეფექტიანობას ძუძუს კიბოში?

ორგანიზმში ჭარბი ცხიმის დაგროვებით წარმოქმნილი ზედმეტი წონის მდგომარეობა, რომლისთვისაც პროფესიული დახმარება აუცილებელია, ანუ სიმსუქნეთანამედროვე ეპოქის ყველაზე მნიშვნელოვან ჯანმრთელობის პრობლემებს შორის არის. სიმსუქნე, გულ-სისხლძარღვთა დაავადებების, ჰიპერტენზიისა და დამბლის მსგავსი მრავალი სიცოცხლისთვის სარისკო დაავადების გამოწვევასთან ერთად, ძუძუს კიბოს წარმოქმნასა და პროგრესირებაზეც საკმაოდ მოქმედებს. Journal of Clinical Oncologyჟურნალში 2020 წლის ივლისში გამოქვეყნებულმა კვლევამ აჩვენა, სიმსუქნეს ძუძუს კიბოს მკურნალობაზეც უაღრესად მნიშვნელოვანი გავლენა რომ აქვს. კვლევა ვარაუდობს, რომ ძუძუს კიბოს დიაგნოზის დროს მაღალი სხეულის მასის ინდექსის (VKİ) ქონამ ტაქსანზე დაფუძნებული ადიუვანტური (ოპერაციის შემდგომი დამცავი) ქიმიოთერაპიის ეფექტიანობა შეიძლება შეამციროს და გადარჩენის მაჩვენებლების კლება გამოიწვიოს.

წინა კვლევები აჩვენებს, რომ პოსტმენოპაუზურ (მენოპაუზაში მყოფ) ქალებში მაღალი სხეულის მასის ინდექსი ძუძუს კიბოს მაღალ რისკსა და დაავადების უარეს მიმდინარეობას უკავშირდება. ახლახან ჩატარებული სხვა კვლევა აჩვენებს, რომ ნორმალური VKİ მაჩვენებლის მქონე პირებში ცხიმიანობის მატებამ პოსტმენოპაუზურ ქალებში ძუძუს კიბოს რისკი შეიძლება გაზარდოს.

ბელგიის Leuven-ის კათოლიკური უნივერსიტეტის ონკოლოგიის განყოფილების ტრანსლაციური ძუძუს კიბოს კვლევის ლაბორატორიის კვლევის მონაწილე დოქტორი Christine Desmedt ამბობს: „კვლევაში დოცეტაქსელის (Taxotere) სახელწოდების ლიპოფილური წამალი გამოვიყენეთ. შედეგები აჩვენებს, რომ გამოყენებული წამლები სიმსივნის არეში მიღწევამდე გარშემო არსებული სხეულის ცხიმის მიერ შეიწოვება. ამ შედეგმა დაგვაინტერესა, ექნება თუ არა იგივე ეფექტი დოცეტაქსელის მსგავსად ტაქსანის სხვა ჯგუფის წარმომადგენელ და ქიმიოთერაპიულ საშუალებად გამოყენებულ პაკლიტაქსელსაც."

მაღალი სხეულის მასის ინდექსის მქონე პირებში მკურნალობაზე უფრო დაბალი პასუხები გამოვლინდა

ჩატარებულ კვლევაში, ძუძუს კიბოს 2887 პაციენტი განსაზღვრული კრიტერიუმებით მსუქან და გამხდარ ჯგუფებად დაყვეს და ქიმიოთერაპიულ საშუალებად დოცეტაქსელი გამოიყენეს.

კვლევის შედეგებმა აჩვენა, რომ მსუქან პაციენტებს გამხდრებთან შედარებით დაავადებისგან თავისუფალი და საერთო გადარჩენა მნიშვნელოვნად შეუმცირდათ. საპირისპიროდ, დოცეტაქსელის არშემცველი ადიუვანტური ქიმიოთერაპიის მიმღებ მსუქან და გამხდარ ორივე ჯგუფში დაავადებისგან თავისუფალი გადარჩენის, საერთო გადარჩენის ან შორეული მეტასტაზის მაჩვენებლებს შორის განსხვავება არ გამოვლინდა.

მკვლევრები შედეგების შეფასებისას აღნიშნავენ, რომ ძუძუს კიბოს მკურნალობაში დოცეტაქსელის გამოყენებამდე სხეულის შემადგენლობის მიხედვით რისკისა და სარგებლის შეფასება და შემდგომ გადაწყვეტილებაა საჭირო. მათი თქმით, შედეგები მრავალფაქტორულია და მაღალი VKİ-ის მქონე პირებში დაბალ პასუხზე მოქმედებს სხვა ჯანმრთელობის პრობლემებიც, მაგალითად მაღალი არტერიული წნევა და დიაბეტი. კვლევა აგრეთვე კითხვის ქვეშ აყენებს სხეულის ცხიმის მაჩვენებლის გაუთვალისწინებლად გამოცდილი კიბოს წამლების რანდომიზებული კლინიკური კვლევის შედეგებსაც. თუმცა Christine Desmedt ხაზს უსვამს, რომ არსებული მკურნალობების შეცვლამდე მეტი კვლევაა საჭირო.

კვლევაში აგრეთვე ესტროგენის რეცეპტორის (ER) დადებითი და უარყოფითი ძუძუს კიბოების VKİ-სა და მკურნალობის პასუხთან კავშირი შეაფასეს. მიუხედავად იმისა, რომ შედეგებით დოცეტაქსელზე დაფუძნებულმა ქიმიოთერაპიამ ER უარყოფითი ძუძუს კიბოს მქონე მსუქან პაციენტებში უარყოფითი ეფექტები შეიძლება გამოიწვიოს, აღნიშნულია, რომ ეს შედეგები ძალიან ფრთხილად უნდა განიმარტოს და ახალი კვლევები აუცილებლად ჩატარდეს.

მიუხედავად შედეგების უაღრესი მნიშვნელობისა, ახალი კვლევები აჩვენებს ქიმიოთერაპიებში ცვლილებების შესაძლებლობას და მკურნალობის არჩევისას პაციენტის მრავალი ფაქტორის შეფასების საჭიროებას. უფრო მნიშვნელოვანია, რომ ეს კვლევა კიდევ ერთხელ უსვამს ხაზს სიმსუქნის თავიდან აცილებისა და მკურნალობის მნიშვნელობას. 

- ქვემოთ მოცემულ სურათზე„სიმსუქნესთან უშუალოდ დაკავშირებული კიბოები“ ჩანს:

- დაკავშირებული თემა: ვარჯიში და 14 სახის კიბო, რომელთა რისკსაც ამცირებს