იმუნოთერაპია პემბროლიზუმაბმა შორსწასული თავისა და კისრის კიბოს პირველი ხაზის მკურნალობისთვის FDA-ს დამტკიცება მიიღო

10 ივნისს, 2019 წელს, აშშ-ის სურსათისა და წამლების ადმინისტრაციამ (FDA), მეტასტაზური ან ოპერაციით მოუცილებელი მორეციდივე თავისა და კისრის სკვამოზური (ბრტყელი) უჯრედოვანი კიბოს პაციენტების პირველი ხაზის მკურნალობისთვის pembrolizumab (Keytruda) სახელწოდების იმუნოთერაპიის წამალი დაამტკიცა.

პემბროლიზუმაბი PD-L1 ≥1 დონის (კომბინირებული დადებითი ქულა [CPS] ≥1) მქონე ყველა პაციენტისთვის პლატინასა და ფლუოროურაცილთან (FU) კომბინაციაში და მონოთერაპიად გამოყენებისთვის დამტკიცდა.

ქვემოთ მოცემულ სურათზე შეგიძლიათ ნახოთ თავისა და კისრის კიბოების შესაძლო ანატომიური უბნების კლასიფიკაცია:

KEYNOTE-048 კვლევა

დამტკიცება ეფუძნებოდა თავისა და კისრის ბრტყელუჯრედოვანი კიბოს 882 პაციენტში ჩატარებულ რანდომიზებულ, მრავალცენტრულ, სამჯგუფიან, ღია, აქტიურად კონტროლირებულ KEYNOTE-048 კვლევას; პაციენტებს მეტასტაზური ან მორეციდივე დაავადებისთვის სისტემური მკურნალობა არ მიუღიათ.

პაციენტები ერთ-ერთი შემდეგი მკურნალობის მისაღებად 1:1:1 თანაფარდობით შემთხვევით 3 ჯგუფად დაყვეს:

• მხოლოდ პემბროლიზუმაბი
• პემბროლიზუმაბი, კარბოპლატინი ან ცისპლატინი და FU
• ცეტუქსიმაბი, კარბოპლატინი ან ცისპლატინი და FU

ასევე პაციენტები:

• PD-L1 დადებითობის (სიმსივნის პროპორციის ქულა [TPS] ≥% 50 ან <% 50),
• HPV სტატუსის (დადებითი ან უარყოფითი) და
• ECOG ფუნქციური ქულის (0 vs. 1) მიხედვით ქვეჯგუფებად დაიყვნენ.

მთავარი ეფექტურობის საზომი საერთო გადარჩენა იყო.

შედეგად:

• ცეტუქსიმაბსა და ქიმიოთერაპიასთან შედარებით პემბროლიზუმაბისა და ქიმიოთერაპიის მიმღებებში საერთო გადარჩენა სტატისტიკურად მნიშვნელოვნად გაუმჯობესდა.
• მედიანური საერთო გადარჩენა პემბროლიზუმაბი + ქიმიოთერაპიის ჯგუფში 13.0 თვე, ცეტუქსიმაბი + ქიმიოთერაპიის ჯგუფში 10,7 თვე იყო (HR 0.77;% 95 CI: 0.63, 0.93; p = 0.0067).
• შედეგები PD-L1 ≥20 და PD-L1 ≥1 ქვეჯგუფებში მსგავსი იყო.
• ცეტუქსიმაბი + ქიმიოთერაპიასთან შედარებით მხოლოდ პემბროლიზუმაბით PD-L1 ≥1 და PD-L1 ≥20 ბრტყელუჯრედოვანი თავისა და კისრის კიბოს ქვეჯგუფებში საერთო გადარჩენა სტატისტიკურად მნიშვნელოვნად გაუმჯობესდა. PD-L1 ≥1 ქვეჯგუფში მედიანური საერთო გადარჩენა პემბროლიზუმაბით 12.3, ცეტუქსიმაბი + ქიმიოთერაპიით 10.3 თვე იყო (HR 0.78;% 95 CI: 0.64, 0.96; p = 0.0171). PD-L1 ≥20 ქვეჯგუფში კი პემბროლიზუმაბით 14.9, ცეტუქსიმაბი + ქიმიოთერაპიით 10.7 თვე იყო (HR 0.61;% 95 CI: 0.45, 0.83; p = 0.0015).
• არცერთ ქვეჯგუფში პემბროლიზუმაბის შემცველ ჯგუფს ცეტუქსიმაბი + ქიმიოთერაპიასთან შედარებით პროგრესირების გარეშე გადარჩენაში მნიშვნელოვანი განსხვავება არ ჰქონია.

გვერდითი ეფექტები

KEYNOTE-048-ში მხოლოდ პემბროლიზუმაბის მიმღებთა ≥ %20-ში ყველაზე ხშირი იყო დაღლილობა, ყაბზობა და გამონაყარი. KEYNOTE-048-ში ქიმიოთერაპიასთან პემბროლიზუმაბის მიმღებთა ≥ %20-ში ყველაზე ხშირი იყო გულისრევა, დაღლილობა, ყაბზობა, ღებინება, ლორწოვანი ანთება, დიარეა, მადის დაქვეითება, სტომატიტი და ხველა.

თავისა და კისრის ბრტყელუჯრედოვანი კიბოს პაციენტებისთვის პემბროლიზუმაბის დოზა პროგრესირების ან მიუღებელი გვერდითი ეფექტის გარეშე მაქსიმუმ 24 თვემდე ყოველ 3 კვირაში, ყოველ 30 წუთში ინტრავენური ინფუზიის სახით 200 mg-ია.

პირველ ხაზში იმუნოთერაპიის მოქმედების მაჩვენებელი კვლევა შეიძლება შევადაროთ 2008 წელს NEJM-ში გამოქვეყნებულ, მეტასტაზური ან მორეციდივე თავისა და კისრის კიბოს სტანდარტის განმსაზღვრელ EXTREME კვლევას . EXTREME-მ პირველად აჩვენა პლატინა + 5FU + ცეტუქსიმაბის სამმაგი რეჟიმის პლატინა + 5FU-ის ორმაგ რეჟიმზე უპირატესობა და ამ ჯგუფის მედიანური სიცოცხლე 7 თვიდან 10 თვემდე გაზარდა.

ახლა თავისა და კისრის კიბოს ისტორიაში ამ ორი ფუნდამენტური კვლევის შედეგები თუ შევადარეთ:

დაკავშირებული თემა:

- რა არის 4. სტადიის ან მორეციდივე თავისა და კისრის კიბოს საუკეთესო საწყისი მკურნალობა?