İmmunoterapiya pembrolizumab irəliləmiş mərhələ baş-boyun xərçəngi xəstələrinin birinci xətt müalicəsi üçün FDA təsdiqi aldı

10 iyun 2019 tarixində ABŞ Qida və Dərman İdarəsi (FDA), metastatik və ya əməliyyatla çıxarıla bilməyən təkrarlayan baş və boyun skuamoz (yastı) hüceyrəli xərçəngi olan xəstələrin birinci xətt müalicəsi üçün pembrolizumab (Keytruda) adlı immunoterapiya dərmanını təsdiqlədi.

Pembrolizumab PD-L1 səviyyəsi ≥1 (Kombinə edilmiş Müsbət Bal [CPS] ≥1) olan bütün xəstələr üçün platin və florourasil (FU) ilə kombinasiyada və tək agent kimi istifadə üçün təsdiqləndi.

Aşağıdakı şəkildə baş və boyun xərçənglərinin ortaya çıxa biləcəyi anatomik nahiyələrin təsnifatı görünə bilər:

KEYNOTE-048 tədqiqatı

Təsdiq əvvəllər metastatik və ya təkrarlayan xəstəliyə görə sistemik müalicə almamış yastı hüceyrəli baş-boyun xərçəngi olan 882 xəstədə aparılmış randomizə edilmiş, çoxmərkəzli, üçqollu, açıq etiketli, aktiv nəzarətli KEYNOTE-048 adlı klinik tədqiqata əsaslanırdı.

Xəstələr aşağıdakı müalicələrdən birini almaq üçün 1:1:1 nisbətində təsadüfi olaraq 3 qola ayrıldılar:

• Tək agent kimi pembrolizumab
• Pembrolizumab, karboplatin və ya sisplatin və FU
• Setuksimab, karboplatin və ya sisplatin və FU

Xəstələr həmçinin;

• PD-L1 müsbətliyi (Şiş Nisbəti Balı [TPS] ≥% 50 və ya <% 50),
• HPV vəziyyəti (müsbət və ya mənfi) və
• ECOG performans balı (0 ilə 1) vəziyyətlərinə görə alt qruplara ayrıldılar.

Tədqiqatın əsas effektivlik meyarı ümumi sağqalma idi.

Tədqiqatın nəticəsində;

• Setuksimab və kimyaterapiya ilə müqayisədə pembrolizumab və kimyaterapiya alan xəstələr üçün ümumi sağqalmada statistik cəhətdən əhəmiyyətli yaxşılaşma olduğunu göstərdi.
• Median ümumi sağqalma pembrolizumab və kimyaterapiya qolu üçün 13.0 ay, setuksimab və kimyaterapiya qolu üçün 10,7 ay idi (HR 0.77;% 95 CI: 0.63, 0.93; p = 0.0067).
• Nəticələr PD-L1 ≥20 alt qrupunda PD-L1 ≥1 alt qrupunda oxşar idi.
• Setuksimab və kimyaterapiya ilə müqayisədə tək agent kimi pembrolizumab ilə PD-L1 ≥1 və PD-L1 ≥20 olan yastı hüceyrəli baş-boyun xərçəngi xəstələri alt qrupları üçün ümumi sağqalmada statistik cəhətdən əhəmiyyətli yaxşılaşmalar müşahidə edildi. PD-L1 ≥1 alt qrupunda median ümumi sağqalma pembrolizumab qolu üçün 12.3 ay, setuksimab və kimyaterapiya qolu üçün 10.3 ay idi (HR 0.78;% 95 CI: 0.64, 0.96; p = 0.0171). PD-L1 ≥20 alt qrupu üçün median ümumi sağqalma pembrolizumab qolu üçün 14.9 ay, setuksimab və kimyaterapiya qolu üçün 10.7 ay idi (HR 0.61;% 95 CI: 0.45, 0.83; p = 0.0015).
• Heç bir alt qrupda setuksimab və kimyaterapiya qolu ilə müqayisədə pembrolizumab olan qol üçün proqressiyasız (irəliləməsiz) sağqalmada əhəmiyyətli fərq yox idi.

Əlavə təsirlər

KEYNOTE-048-də tək agent kimi pembrolizumab alan xəstələrin ≥ %20-sində ən çox görülən əlavə təsirlər yorğunluq, qəbizlik və səpkidir. KEYNOTE-048-də kimyaterapiya ilə birlikdə pembrolizumab alan xəstələrin ≥ %20-sində ən çox görülən əlavə təsirlər ürəkbulanma, yorğunluq, qəbizlik, qusma, selikli qişa iltihabı, ishal, iştahanın azalması, stomatit və öskürək idi.

Yastı hüceyrəli baş-boyun xərçəngi xəstələri üçün tövsiyə edilən pembrolizumab dozası xəstəliyin irəliləməsi və ya qəbuledilməz əlavə təsiri olmayan xəstələrdə 24 ayadək hər 3 həftədən bir 30 dəqiqə ərzində venadaxili infuziya şəklində verilən 200 mg-dır.

Birinci xəttdə immunoterapiyanın aktivliyini göstərən bu tədqiqat 2008 tarixində NEJM-də dərc edilmiş və metastatik və ya təkrarlayan baş-boyun xərçəngi xəstələrinin mövcud standart müalicəsini müəyyən edən EXTREME tədqiqatı ilə müqayisə edilə bilər. EXTREME tədqiqatı ilk olaraq platin + 5FU + setuksimab üçlü rejiminin platin + 5FU ikili rejimindən üstün olduğunu göstərən tədqiqat idi və bu qrup xəstələrin median yaşam gözləntisini 7 aydan 10 ay kimi müddətə yüksəltmişdi.

İndi baş-boyun xərçənglərinin tarixində mühüm mərhələ təşkil edən bu iki tədqiqatın nəticələrini müqayisə etsək;

Əlaqəli mövzu:

- 4. mərhələ və ya təkrarlayan baş-boyun xərçənginin ən yaxşı başlanğıc müalicəsi nədir?