იმუნოთერაპია წვრილუჯრედოვან ფილტვის კიბოშიც ეფექტიანი აღმოჩნდა

წვრილუჯრედოვანი ფილტვის კიბო ყველა ფილტვის კიბოს %15-ს შეადგენს. ადგილობრივად შორსწასულ და ადრეულ სტადიებზე მთავარი არჩევანი ქიმიოთერაპიისა და რადიოთერაპიის კომბინაციაა. მეტასტაზური დაავადებისასქიმიოთერაპია პირველი არჩევანია და მოგვიანებით დასხივებას ვამატებთ. არაწვრილუჯრედოვან კიბოში ეფექტიანობადადასტურებული და FDA-ის დამტკიცებით გამოყენებაში შესული იმუნოთერაპიის წვრილუჯრედოვან კიბოში კვლევა ASCO 2018 კონგრესზე წარადგინეს.

- დაკავშირებული თემა: იმუნოთერაპიები და კიბოს ვაქცინები

ფაზა-2 კლინიკურ კვლევაში KEYNOTE-158 107 პაციენტი ჩართეს. ყველას ქიმიოთერაპიის შემდეგ განმეორებული წვრილუჯრედოვანი ფილტვის კიბო ჰქონდა. იმუნოთერაპიულ პემბროლიზუმაბს (Keytruda) იღებდნენ.

კვლევის შედეგებით;

• პაციენტთა %40-ში იმუნოთერაპიის ეფექტთან დაკავშირებული PD-L1 ტესტი დადებითი იყო.
• PD-L1 დადებით პაციენტებში პემბროლიზუმაბის სარგებელი %36, დაავადების კონტროლი %43 იყო.
• კონტროლირებული დაავადების მქონეთა %73-ში მკურნალობის სარგებელი 1 წელზე მეტი გაგრძელდა.
• PD-L1 უარყოფით პაციენტებში სარგებელი %6 იყო.

წლების განმავლობაში სასურველი წარმატების მიუღწეველ წვრილუჯრედოვან ფილტვის კიბოში შედეგები გარღვევის მნიშვნელობისაა , თუმცა ჯგუფების კარგად შეფასებული დეტალური ანალიზების შემდეგ კვლევა ხელახლა უნდა განვიხილოთ.

წვრილუჯრედოვან ფილტვის კიბოში მკურნალობის დასრულებიდან განმეორებამდე დრო ძალიან მნიშვნელოვანია. ის მკურნალობისადმი დაავადების რეზისტენტობასგვიჩვენებს. მკურნალობისას ან მალევე განმეორებისას მოსალოდნელი სარგებელი შეიძლება ვერ მივიღოთ. ასევე საჭიროა PD-L1 დადებითობის პროცენტის ცოდნა: რაც უფრო მეტია ფილტვის სიმსივნის PD-L1 შეღებვა (განსაკუთრებით %50 ან მეტი), მით უკეთესია პასუხი.

დასკვნის სახით კვლევას წვრილუჯრედოვანი ფილტვის კიბოსთვის დიდ ნაბიჯად ვაფასებთ, თუმცა მალე გამოსაქვეყნებელი დეტალური სამეცნიერო სტატიით ხელახლა განხილვაც გვსურს. 

დაკავშირებული თემები:

- რომელ მწეველებს სჭირდებათ ფილტვის კიბოს სკრინინგი?

- იმუნოთერაპიამ ფილტვის კიბოს მკურნალობის ყველა ქვაკუთხედი შეცვალა

- სიახლეები ფილტვის კიბოს მკურნალობაში - 2017 და 2018