ინტეგრაციული ონკოლოგია — კიბოს შედეგებისა და ცხოვრების ხარისხის გაუმჯობესება მეცნიერულად დადასტურებული მეთოდებით
ამ სტატიაში
მსოფლიოში ყოველწლიურად 18 მილიონ ადამიანს კიბოს ახალი დიაგნოზი ესმება და წელიწადში 9.6 მილიონი სიკვდილით კიბო გულ-სისხლძარღვთა დაავადებების შემდეგ სიკვდილის მეორე მიზეზია. ვარაუდობენ, რომ 2030 წელს ახლად დიაგნოსტირებული პაციენტების რაოდენობა 23.6 მილიონს მიაღწევს. თუმცა ვიცით, რომ კიბოს შემთხვევების ნახევარზე მეტის პრევენცია ცხოვრების წესის ცვლილებებით შეიძლება (იხილეთ ყველაზე პრევენცირებადი კიბოს 8 სახეობა). ამ ცვლილებების ყველაზე ეფექტურად მისაღწევად ინტეგრაციული ონკოლოგიის მიდგომა მეტ ყურადღებას იპყრობს.
რა არის ინტეგრაციული ონკოლოგია?
ინტეგრაციული ონკოლოგიაარის პაციენტზე ორიენტირებული, მტკიცებულებებით გამყარებული კიბოს მკურნალობის მეთოდი, რომელიც ქიმიოთერაპიის, სხივური თერაპიის, ქირურგიისა და იმუნოთერაპიის მსგავსი სტანდარტული მკურნალობების გვერდით გონება-სხეულის აქტივობებითა და დამხმარე მკურნალობით სარგებლობს. მაგალითად, მედიტაცია, იოგა, მუსიკოთერაპია, მასაჟი, აკუპუნქტურა. რადგან სიტყვა „ჰოლისტური“ შეიძლება „ტრადიციულ და ალტერნატიულსა“ და მსგავს სიტყვებში აირიოს, ამ მეთოდის სახელდება რთულია. დასავლური სამედიცინო მეთოდებიდან არწარმოშობილი ალტერნატიული პრაქტიკა არცერთ სტანდარტულ მკურნალობას არ ანაცვლებს. - დაკავშირებული თემა: Steve Jobs და ათასობით სიცოცხლე ალტერნატიულ კიბოს მკურნალობას ეწირება! ინტეგრაციული მეთოდები კი სტანდარტულ მკურნალობებზე დამხმარე პრაქტიკის დამატებაა. ონკოლოგია ნელ-ნელა სტანდარტული კიბოს მკურნალობის დამატებად იმ აქტივობებსაც იღებს, რომელთა სარგებელი პაციენტის ფიზიკური და ფსიქიკური ჯანმრთელობისთვის მეცნიერულად დადასტურებულია, როგორც დამხმარე დამატებით პრაქტიკას.
მნიშვნელოვანი საჭიროება კიბოს მქონე პაციენტებისთვის
კიბოს მქონე პაციენტების %30-%50 დაავადების ნიშნებისა და სიმპტომების შესამსუბუქებლად და ცხოვრების ხარისხის გასაზრდელად ინტეგრაციულ მკურნალობას იღებს. თუმცა სტანდარტული მკურნალობის ნაცვლად ტრადიციული და ალტერნატიული მედიცინის გამოყენება გადარჩენის მაჩვენებელს ამცირებს, ხოლო მთავარ მკურნალობასთან ერთად ინტეგრაციული მეთოდებით მოსარგებლე პაციენტები საკმაოდ დადებით შედეგებსა და გამოხმაურებას აღწერდნენ. აკუპუნქტურა, მასაჟი, მედიტაცია, იოგა, tai chi, qi gong და მსგავსი აქტივობები ინტეგრაციული პრაქტიკის მაგალითებია, რომლებსაც პაციენტის ცხოვრების ხარისხის, ფიზიკური, ფსიქოლოგიური და სულიერი კეთილდღეობის გაუმჯობესება შეუძლია. შესაბამისად, ამ აქტივობებს კლინიკურ შედეგებზე დადებითი გავლენის პოტენციალი აქვს. თუმცა, რა თქმა უნდა, ამ პრაქტიკისა და ზოგიერთი საკვები დანამატის გამოყენებისას პაციენტის მდგომარეობის მსგავსი მნიშვნელოვანი ფაქტორებიც უნდა გაითვალისწინონ და აუცილებლად ონკოლოგის აზრი მოისმინონ.
ჰოლისტური ონკოლოგიის პროგრამები
ეს პროგრამები მრავალ წამყვან ონკოლოგიურ ცენტრში დაინერგა. „კიბო სარეველას ჰგავს. ჩემი საქმეა ბაღი ამ სარეველების ზრდისა და გავრცელებისთვის მაქსიმალურად შეუფერებელი ადგილი გავხადო.“ -დოქტორი Abrams — ონკოლოგი — კალიფორნიის უნივერსიტეტი სან-ფრანცისკოში. ინტეგრაციული ონკოლოგიის მიდგომაში კვება მკურნალობის მეთოდადდა ერთ-ერთ ყველაზე მნიშვნელოვან ჩარევად მიიჩნევა. მკურნალობამდე და მის დროს მცენარეულ პროდუქტებზე ორიენტირებული, დაუმუშავებელი საკვების რაციონის მიღებას უჭერენ მხარს (მაგალითად, ხმელთაშუაზღვის დიეტა). - დაკავშირებული თემა: საუკეთესო დიეტების სია 2020 კიბოს დიაგნოზმა ადამიანი უმწეო მდგომარეობაში შეიძლება ჩააგდოს, თუმცა ასეთ ვითარებაში აზრი დოქტორ Abrams-ის სიტყვებით შეიძლება გამოიხატოს: „თუ ჰოლისტური ონკოლოგის პაციენტი ხართ, მხოლოდ ფილტვის კიბოს ან პანკრეასის ადენოკარცინომის პაციენტი არ ხართ. თქვენ კიბოსთან მცხოვრები ადამიანი ხართ, რომელსაც მის წინაშე არსებული არჩევანებიდან ძალის მიღება სურს.“ ამ არჩევანებს შორისაა რაციონის შეცვლა, სტრესის შემცირების მეთოდები, ვარჯიში და იოგა, აკუპუნქტურა და სხვა აქტივობები, რომლებსაც სიხარული მოაქვს და შეიძლება დაუკავშირდეთ.
რას ამბობს კვლევები კიბოში ინტეგრაციული მედიცინის გამოყენებაზე?
ერთმა კვლევამ აჩვენა, რომ ჰოლისტური მიდგომით ნამკურნალებ 4. სტადიის ძუძუს კიბოს მქონე პაციენტებს სტანდარტულ მკურნალობასთან შედარებით უკეთესი გადარჩენა ჰქონდათ. 5-წლიანი გადარჩენა ჰოლისტური მკურნალობის მიმღებებში %27, სტანდარტულის მიმღებებში კი %17 იყო. თუმცა გადარჩენის სარგებლის მაჩვენებელი კვლევები ძალიან ცოტაა და ნაწილი წინააღმდეგობრივია. ამასთან, ინტეგრაციული ონკოლოგიის მიდგომა გამოკვეთილ სარგებელს კიბოს მქონე პაციენტის ცხოვრების ხარისხზე აჩვენებს. Journal of Clinical Oncology სახელწოდების ჟურნალში 2018 წელს გამოქვეყნებული და ASCO-ს (ამერიკის კლინიკური ონკოლოგიის საზოგადოება (ASCO) მიერ მხარდაჭერილი ძუძუს კიბოს „ინტეგრაციული მკურნალობის სახელმძღვანელოს“ ზოგიერთი რეკომენდაცია შემდეგია:
- შფოთვის და სტრესის შესამცირებლად რეკომენდებულია მუსიკოთერაპია, მედიტაცია, სტრესის მართვა და იოგა.
- დეპრესიის და განწყობის დარღვევებისთვის რეკომენდებულია მედიტაცია, რელაქსაცია, იოგა, მასაჟი და მუსიკოთერაპია.
- ცხოვრების ხარისხის გასაუმჯობესებლად რეკომენდებულია მედიტაცია და იოგა.
- ქიმიოთერაპიით გამოწვეული გულისრევისა და ღებინების შესამცირებლად გულისრევის წამლების დამატებად აკუპუნქტურა რეკომენდებულია.
- ქიმიოთერაპიის დროს გულისრევისა და ღებინების გასაუმჯობესებლად გლუტამინი რეკომენდებულიარარის.
- ქიმიოთერაპიით გამოწვეული პერიფერიული ნეიროპათიის თავიდან ასაცილებლად კარნიტინი ზიანის მიყენების რისკის გამო რეკომენდებული არ არის.
- ძუძუს კიბოს მკურნალობის გვერდითი ეფექტების სამართავად მიღებული საკვები დანამატების გამოყენებას არცერთი ძლიერი მტკიცებულებაარ ამყარებს.
მტკიცებულების დონეების მნიშვნელობის ასახსნელად:
- მტკიცებულების დონე A
- : მაღალი სანდოობა იმისა, რომ შესაბამის მკურნალობას მნიშვნელოვანი სარგებელი აქვს
- მტკიცებულების დონე B: მაღალი სანდოობა იმისა, რომ შესაბამის მკურნალობას საშუალო–მნიშვნელოვანი სარგებელი აქვს
- მტკიცებულების დონე C: საშუალო სანდოობა იმისა, რომ შესაბამის მკურნალობას მცირე სარგებელი აქვს
- მტკიცებულების დონე D: შესაბამისი მკურნალობის მოქმედება ვერ იქნა ნაჩვენები
- მტკიცებულების დონე H: შესაბამისი მკურნალობა ზიანს იწვევს
- მტკიცებულების დონე I: შესაბამისი მკურნალობის შესახებ არსებული მტკიცებულებები არადამაჯერებელია
თუ მტკიცებულების დონე A და B-ია, ანუ მაღალია, მკურნალობის ჩატარება რეკომენდებულია. C დონისას სარგებელი სადავოა. D, H, I დონეებისას მკურნალობა რეკომენდებული არ არის.
ჰოლისტური ონკოლოგიის მომავალი
ორი განსხვავებული სამკურნალო დისციპლინის გაერთიანება და კიბოს მქონე პაციენტების მკურნალობის მეცნიერულად დადასტურებული უფრო ეფექტური და შედეგიანი გახდომა ძალიან სასიხარულოა, თუმცა გასაკეთებელი ჯერ კიდევ არის. ინტეგრაციული ონკოლოგიის საზოგადოების (Society for Integrative Oncology = SIO) მიერ წარმოდგენილი ძუძუს კიბოს კლინიკური პრინციპების ASCO-ს მიერ მხარდაჭერით ჰოლისტურმა ონკოლოგიამ მნიშვნელოვანი ნაბიჯი გადადგა. მაგრამ შემდგომი წინსვლისა და სრული პოტენციალის მისაღწევად ინტეგრაციულ ონკოლოგიაზე ორიენტირებული სამეცნიერო კვლევების მხარდაჭერასთან ერთად აუცილებელია, ეს პრაქტიკები პაციენტის მკურნალობისას რუტინულ პროცესად იქცეს.
წყაროები
2. American Institute for Cancer Research. Take control of your cancer risk: Nearly fifty percent of common cancers are preventable. Published February 1, 2018. Accessed January 26, 2020.
3. Witt CM, Balneaves LG, Cardoso MJ, et al.; A comprehensive definition for integrative oncology. J Natl Cancer Inst Monogr. 2017;52:3-8.
4. Ambrosone CB, Zirpoli GR, Hutson AD, et al. Dietary supplement use during chemotherapy and survival outcomes of patients with breast cancer enrolled in a cooperative group clinical trial (SWOG S0221) [published online December 19, 2019]. J Clin Oncol.
5. National Cancer Institute. NCI-designated cancer centers. Updated June 24, 2019. Accessed January 26, 2020.
6. Block KI, Gyllenhaal C, Tripathy D, et al. Survival impact of integrative cancer care in advanced metastatic breast cancer. Breast J. 2009;15(4):357-366.
7. Abrams DI. An integrative approach to prostate cancer. J Altern Complement Med. 2018;24(9-10):872-880.
8. Garcia MK, Meng Z, Rosenthal DI, et al. Effect of true and sham acupuncture on radiation-induced xerostomia among patients with head and neck cancer: a randomized clinical trial. JAMA Netw Open. 2019;2(12):e1916910.
9. Centers for Medicare and Medicaid Services. Decision memo for acupuncture for chronic low back pain (CAG-00452N). Published January 21, 2020. Accessed January 26, 2020.
10. Society for Integrative Oncology (SIO). ASCO endorses SIO breast cancer guideline [press release]. Accessed January 26, 2020.
11. Gary H. Lyman, Heather Greenlee, Kari Bohlke et al..
Integrative Therapies During and After Breast Cancer Treatment: ASCO Endorsement of the SIO Clinical Practice Guideline. Journal of Clinical Oncology, June 2018.
ეს სტატია სასარგებლო იყო თქვენთვის?
თქვენი გამოხმაურება გვეხმარება შინაარსის გაუმჯობესებაში.
მკითხველთა კომენტარები
გაგვიზიარეთ თქვენი კომენტარი
თქვენი სახელი და კომენტარი მხოლოდ ადმინისტრატორის დამტკიცების შემდეგ გამოქვეყნდება. ელფოსტის მისამართი ვიზიტორებს არასოდეს ეჩვენებათ.
პირველმა დაწერეთ კომენტარი.