Aralıq dənizi pəhrizi yaxşı bağırsaq bakteriyalarını artırır!

Aralıq dənizi pəhrizi artıq saysız tədqiqatın nəticələrinə görə alimlər və çoxsaylı insanlar tərəfindən ən sağlam pəhrizlərdən biri kimi qəbul edilir. Yeni tədqiqat isə fərqli mövzuya toxundu: Aralıq dənizi pəhrizi mikrobiota adlanan faydalı bağırsaq bakteriyaları üçün də çox faydalı ola bilər.

• Aralıq dənizi pəhrizi nədir, necə tətbiq edilir?

Wake Forest Baptist Tibb Mərkəzinin tədqiqatçıları araşdırmalar zamanı Aralıq dənizi pəhrizinin digər pəhrizlərlə müqayisədə bağırsaqdakı yaxşı bakteriyaları artırdığını müşahidə etdilər.

Dərc edilmiş tədqiqatda Aralıq dənizi pəhrizi xüsusilə meyvə, tərəvəz, tam taxıllar, qabıqlı çərəzlər, balıq və ev quşları ağırlıqlı qidalanma kimi müəyyən edilib. Həmçinin qırmızı ət çox azdır (ayda 1-2) və nadir hallarda bir qədəh qırmızı şərab ehtiva edir.

Aralıq dənizi pəhrizi ürək-damar xəstəliklərindən müxtəlif xərçəng növlərinə qədər bir çox xəstəlikdən qorunmağa kömək edir. Aralıq dənizi pəhrizi səhiyyə mütəxəssislərindən ibarət paneldə diabet üçün ən yaxşı pəhriz kimi tanınan, ürək sağlamlığı və hipertoniya riskini əhəmiyyətli azaldan DASH pəhrizinin dərhal ardınca gəlirdi. Lakin bununla bitmir; Aralıq dənizi pəhrizi bağırsaq sağlamlığı üçün ən yaxşı pəhriz ola bilər.

• Bağırsaq florası (mikrobiota, mikrobiom) nədir? Kolorektal xərçənglə əlaqəsi necədir?

Qeyd: Bağırsaq florasını yalnız bakteriyalar təşkil etmir. Mikrobiotada bakteriyalar, arxeylər, protistlər, göbələklər və viruslar da var.

Tədqiqatçılar 20 primatdan ibarət qrupla işləyərək bu nəticələrə gəldilər. 30 ay boyunca primatlara iki pəhrizdən biri tətbiq edildi:

Aralıq dənizi pəhrizi və Qərb pəhrizi. Hər iki pəhriz eyni miqdarda kalori ehtiva edirdi. Aralıq dənizi pəhrizində balıq yağı, zeytun yağı, kərə yağı, yumurta, buğda unu, qara zirə unu, meyvə püresi, tərəvəz şirəsi və saxaroza var idi.

Qərb pəhrizində donuz yağı, kərə yağı, xolesterin, yumurta, mal yağı, yüksək fruktozalı qarğıdalı şərbəti və saxaroza var idi.

Tədqiqatçılar hər pəhrizin primatların bağırsaq bakteriyalarına necə təsir etdiyini müəyyən etmək üçün 30 aylıq pəhriz müdaxiləsinin sonunda heyvanların nəcis nümunələrini qiymətləndirdilər.

Qərb pəhrizi ilə qidalanan meymunların bağırsağında “yaxşı” bakteriyaların miqdarında 0,5 faiz artım görüldüyü halda, Aralıq dənizi pəhrizi ilə qidalanan meymunların faydalı bağırsaq bakteriyalarında %7-yə qədər artım görüldü.

Bağırsağımızda yaşayan təxminən 2 milyard bakteriya var; onların bir hissəsi insanlar üçün yaxşı, bir hissəsi pis kimi tanınır. Bu bakteriyalar düzgün tarazlanmazsa, sağlamlığımız zərər görə bilər.

Tədqiqatların çoxu əsasən probiotik olan Lactobacillus cinsli bakteriyaların Aralıq dənizi pəhrizi qrupunda əhəmiyyətli artdığını göstərib. Lactobacillus ishalı və digər həzm problemlərini tənzimləyən və müalicə edən bakteriyadır. Bu bakteriyalar bağırsaqdan başqa yoqurt, turşu, şalğam şirəsi kimi fermentləşdirilmiş qidalarda və bəzi qida əlavələrində də olur və sağlamlıq üçün mühüm yer tutur.

• Probiotik nədir? Yoqurt yoğun bağırsaq xərçəngindən qorunmaq və bağırsaq mikrobiotası üçün faydalıdırmı?